आदेश दि.09.02.2021    द्वारा:- मा. अध्‍यक्षा –सौ. सविता पी.भोसले.

निशाणी क्र.1 खालील आदेश            

             तक्रारदार व तर्फे वकील हजर. वि प तर्फे अॅड. आळवेकर हजर. तक्रारदार यांनी प्रस्‍तुतचे काम क्रम सोडून बोर्डावर घेणेचा अर्ज दाखल केला. अर्ज मंजूर करण्‍यात आला. सोबत उभय पक्षकारांनी तडजोड पुरसिस दाखल केली की, वि प यांनी तक्रारदार यांना क्‍लेमची रक्‍कम रु.38,709/- धनादेशाने 30 दिवसात देणेची आहे. सदर कालावधीत रक्‍कम न दिलेस सदर रक्‍कमेवर रक्‍कम अदा होईपर्यंत 9 टक्‍के दराने व्‍याज देणेचे आहे. तक्रारदार यांनी तक्रार अर्जातील व्‍याज, नुकसान भरपाई, मानसिक त्रास व तक्रार अर्जाच्‍या खर्चाची मागणी सोडून दिलेली आहे. त्‍यामुळे तक्रारदारांची वि प यांचेविरुध्‍द कोणतीही तक्रार राहिलेली नाही. सबब सदरची तक्रार निकाली काढण्‍यात यावी. सोबत वि प यांनी अॅड. आळवेकर यांना दिलेले अधिकारपत्र दाखल केले आहे. सदर पुरसिस पाहता तसेच तक्रारदार यांना तोंडी विचारले असता, त्‍यांनी वरीलप्रमाणे मान्यता व कबुली दिली, त्‍यामुळे प्रस्‍तुत तक्रार अर्ज पुढे चालविणेकरीता कोणतेही संयुक्तिक कारण व वाद राहीलेले नाहीत. सदरहू तक्रार अर्ज उभय पक्षांनी दिलेल्‍या आज दि.09/02/2021 रोजीच्‍या पुरसिसप्रमाणे निकाली काढणेत येतो. प्रस्‍तुतचे प्रकरण नस्‍तीबंद करुन दफ्तरी दाखल करणेत येते.

                      - आ दे श –

1. तक्रारदाराचा तक्रार अर्ज निकाली काढणेत येतो.

2. सदर तक्रार अर्जामध्‍ये उभय पक्षांनी दाखल केलेली दि.09/02/2021 रोजीची पुरसिस या आदेशाचा एक भाग आहे.

3. सदर आदेशाच्‍या सही शिक्‍याच्‍या प्रतिलिपी उभय पक्षकारांना नि:शुल्‍क देण्‍यात याव्‍यात.