नि.25 मे. जिल्‍हा ग्राहक तक्रार निवारण मंच, सातारा यांचेसमोर तक्रार क्र. 92/2010 नोंदणी तारीख – 19/3/2010 निकाल तारीख – 9/11/2010 निकाल कालावधी – 230 दिवस श्री विजयसिंह दि. देशमुख, अध्‍यक्ष श्रीमती सुचेता मलवाडे, सदस्‍या श्री सुनिल कापसे, सदस्‍य (श्री विजयसिंह दि. देशमुख, अध्‍यक्ष यांनी न्‍यायनिर्णय पारीत केला) ------------------------------------------------------------------------------------ 1. प्रकाश निवृत्‍ती शिंदे मयत वारस अ) श्रीमती भारती प्रकाश शिंदे ब) कु.चेतन प्रकाश शिंदे क) कु. मंगेश प्रकाश शिंदे सर्व रा.गणेश चौक, कोडोली, ता.जि.सातारा ----- अर्जदार (अभियोक्‍ता श्री.ए.आय.खान) विरुध्‍द 1. श्रीनाथ नागरी सहकारी पतसंस्‍था मर्या. गोरखपूर (पिरवाडी) तर्फे चेअरमन राजेंद्र विष्‍णू काकडे मु.पो.पिरवाडी ता.जि.सातारा 2. व्‍यवस्‍थापक, श्रीनाथ नागरी सहकारी पतसंस्‍था मर्या. गोरखपूर (पिरवाडी) ता.जि.सातारा ----- जाबदार (एकतर्फा) न्‍यायनिर्णय अर्जदार यांनी प्रस्‍तुतचा अर्ज ग्राहक संरक्षण कायदा, 1986 चे कलम 12 नुसार केलेला आहे. अर्जदार यांचे अर्जातील कथन थोडक्‍यात खालीलप्रमाणे - 1. अर्जदार क्र.1अ यांचे पती व 1ब व 1क यांचे वडील श्री प्रकाश निवृत्‍ती शिंदे यांनी मृत्‍यूपूर्वी जाबदार संस्‍थेमध्‍ये वेगवेगळया ठेवपावत्‍यांन्‍वये वेगवेगळया रकमा मुदत ठेव योजनेअंतर्गत रक्‍कम ठेव म्‍हणून ठेवलेल्‍या आहेत. अर्जदार यांना रकमेची आवश्‍यकता असल्‍याने त्‍यांनी ठेवींच्‍या व्‍याजासह देय होणा-या रकमेची मागणी जाबदार यांचेकडे केली. तथापि जाबदार यांनी अर्जदार यांना ठेवीवर व्‍याजासहित देय झालेली रक्‍कम देण्‍यास टाळाटाळ केली. अर्जदार यांनी जाबदार यांना दि. 17/2/2010 रोजी वकीलांचेमार्फत रजिस्‍टर्ड पोस्‍टाने नोटीस पाठवून रकमेची मागणी केली. सदरची नोटीस जाबदार यांना मिळाली. तथापि जाबदार यांनी नोटीशीला उत्‍तर दिले नाही अथवा अर्जदार यांची रक्‍कमही परत दिलेली नाही. थोडक्‍यात जाबदार यांनी अर्जदार यांना देण्‍यात यावयाची रक्‍कम न दिल्‍यामुळे सेवेत त्रुटी केली आहे. अर्जदार हे जाबदार संस्‍थेचे ग्राहक आहेत. त्‍यामुळे जाबदार संस्‍थेकडून मुदत ठेव पावतीची एकूण देय रक्‍कम वसूल होऊन मिळण्‍यासाठी अर्जदार यांनी प्रस्‍तुतचा अर्ज केला आहे. सदरचे अर्जामध्‍ये अर्जदार यांनी एकूण रक्‍कम रु. 1,80,000/- व त्‍यावरील व्‍याज तसेच मानसिक त्रासापोटी रक्‍कम रु.15,000/- व अर्जाचा खर्च मिळावा अशी मागणी केलेली आहे. 2. प्रस्‍तुत तक्रारअर्जाचे नोटीसची बजावणी जाबदार यांना झालेली आहे. परंतु जाबदार हे या प्रकरणात हजर झालेले नाहीत वा त्‍यांनी त्‍यांचे लेखी म्‍हणणे/कैफियत व शपथपत्र दाखल केलेले नाही. सबब याबाबतचा एकतर्फा आदेश दि. 6/10/10 रोजी नि.1 वर पारीत केला आहे. 3. अर्जदार यांनी या अर्जाचे कथनातील सिध्‍दतेसाठी नि. 2 ला शपथपत्र दिलेले आहे. ते शपथपत्र पाहिले. अर्जदार यांनी नि. 7 सोबत दाखल केलेल्‍या मूळ ठेवपावत्‍या तसेच नि. 7/2 ला अर्जदार यांनी जाबदार यांना पाठविलेली नोटीस पाहिली. तसेच नि.7/1 ला मृत्‍यूचा दाखला पाहिला. 4. अर्जदार यांनी दाखल केलेली वर नमूद कागदपत्रे पाहिली असता असे स्‍पष्‍ट दिसून येते की, अर्जदार यांनी जाबदार पतसंस्‍थेमध्‍ये वेगवेगळया ठेवपावत्‍यांन्‍वये वेगवेगळया रकमा मुदत ठेव योजनेअंतर्गत ठेव म्‍हणून ठेवलेल्‍या होत्‍या व आहेत. सदरच्‍या ठेवींची मुदत पूर्ण झालेनंतर जाबदार यांनी अर्जदार यांना ठेवीची रक्‍कम व त्‍यावर ठेव पावतीमध्‍ये नमूद केल्‍याप्रमाणे होणा-या व्‍याजाची रक्‍कम देण्‍याची होती. तथापि, अर्जदार यांचे शपथपत्र व अर्जदार यांनी दाखल केलेली कागदपत्रे पाहता असे दिसून येते की, जाबदार यांनी अर्जदार यांना देय असलेली रक्‍कम देण्‍यास टाळाटाळ केलेली आहे. थोडक्‍यात जाबदार यांनी अर्जदार यांना द्यावयाच्‍या सेवेत कमतरता केलेली आहे. सबब या प्रकरणी मंचाचे असे स्‍पष्‍ट मत झाले आहे की, अर्जदार यांना जाबदार यांनी कबूल केलेली सेवा म्‍हणजे ठेव म्‍हणून ठेवलेल्‍या रकमेवर व्‍याजासहित देय झालेली रक्‍कम ठेवींची मुदत संपलेनंतर दिलेली नाही. अशा प्रकारे अर्जदार हे जाबदार यांचेकडून रक्‍कम मिळणेस पात्र आहेत असे दिसून येत आहे. 5. एक गोष्‍ट नमूद करणे जरुरीचे आहे की, जाबदार क्र. 1 जे श्रीनाथ नागरी सहकारी पतसंस्‍था या संस्‍थेचे चेअरमन आहेत, अशा या जबाबदारीच्‍या पदावर काम करणा-या व्‍यक्‍तीने प्रस्‍तुतचे कायदेशीर प्रकरणाची नोटीस/सूचना स्‍वीकारलेनंतर नेमलेल्‍या तारखांना या मंचासमोर हजर होणे जरुरीचे होते. तथापि, कसलेही संयुक्तिक कारण जाबदार क्र. 1 यांचेतर्फे याकामी पुढे येत नाही की, जेणेकरुन जाबदार क्र. 1 हे याकामी गैरहजर राहिलेले आहेत. जाबदार यांनी अर्जदार यांचे अर्जातील कोणतेही कथन नाकारलेले अथवा खोडून काढलेले नाही. सबब, अर्जदार यांचे या अर्जातील कथनानुसार अर्जदार यांनी विनंती कलमामध्‍ये केलेली विनंती अंशतः मान्‍य करणे जरुरीचे आहे. 6. या सर्व कारणास्‍तव खालीलप्रमाणे अंतिम आदेश करण्‍यात येत आहे. आदेश 1. अर्जदार यांचा तक्रारअर्ज अंशतः मंजूर करणेत येत आहे. 2. आजपासून 30 दिवसांचे आत जाबदार क्र. 1 व 2 यांनी वैयक्तिकरित्‍या व संयुक्‍तरित्‍या अर्जदार यांना खालीलप्रमाणे रकमा द्याव्‍यात. 1. ठेवपावती क्र. 003196, 003197, 003192, 003193, 003190, 003191, 003186, 003187, 003184, 003185, 003182, 003183, 003198, 003161, 003151 वरील मूळ रक्‍कम ठेवपावतीमध्‍ये नमूद केल्‍याप्रमाणे देय होणा-या व्‍याजासह द्यावी तसेच ठेवीची मुदत संपलेनंतरचे तारखेपासून संपूर्ण रक्‍कम पदरी पडेपर्यंत द.सा.द.शे. 9 टक्‍केंप्रमाणे व्‍याजासह द्यावी. 2. मानसिक त्रासापोटी रक्‍कम रु. 3,000/- द्यावेत. 3. अर्जाचे खर्चापोटी रक्‍कम रु. 2,000/- द्यावेत. 3. सदरचा न्‍यायनिर्णय खुल्‍या न्‍यायमंचात जाहीर करणेत आला. सातारा दि. 9/11/2010 (सुनिल कापसे) (सुचेता मलवाडे) (विजयसिंह दि. देशमुख) सदस्‍य सदस्‍या अध्‍यक्ष
| | Smt. S. A. Malwade, MEMBER | HONABLE MR. Vijaysinh D. Deshmukh, PRESIDENT | Mr. Sunil K Kapse, MEMBER | | 
