(पारित दिनांक-09 जानेवारी, 2019)

           मा.अध्‍यक्ष श्री संजय वा.पाटील-

       आम्‍ही उभय पक्षांचा युक्‍तीवाद ऐकला आणि कागदपत्रांचे अवलोकन केले. सदर्हू तक्रार ही एका प्रायव्‍हेट लिमिटेड कंपनीने दाखल केलेली असून श्री अविनाश वैद्द हे सदर कंपनीचे अधिकृत व्‍यक्‍ती आहेत. तक्रारकर्त्‍याने तक्रारी मध्‍येच असे नमुद केले आहे की, सदर्हू ब्‍लॉक/गाळा क्रं-102 हा व्‍यापारी संकुल आहे आणि म्‍हणून त्‍या बाबत विक्रीचा करारनामा केलेला आहे. सबब सदर्हू ब्‍लॉक/गाळा हा व्‍यापारी कारणासाठी उपयोगात आणला जातो. विरुध्‍दपक्ष यांनी नझुल डिपार्टमेंट कडून ना-हरकत-प्रमाणपत्र (No Objection Certificate) न आणल्‍यामुळे जो दंड आकारण्‍यात आला, तो सुध्‍दा व्‍यापारी स्‍वरुपाचा दंड आहे. सबब तक्रारकर्ता कंपनी ही वर्तमान तक्रार प्रकरणा मध्‍ये ग्राहक असल्‍याचे दिसून येत नाही आणि म्‍हणून सदर्हू तक्रार या न्‍यायमंचा समक्ष चालण्‍यास योग्‍य नाही, असे आमचे मत आहे. सबब खालील प्रमाणे आदेश पारीत करण्‍यात येतो.

                                :: आदेश  ::

1. तक्रार दाखल सुनावणीचे स्‍तरावर अस्विकृत करण्‍यात येऊन नस्‍तीबध्‍द करण्‍यात येते.
2. तक्रारकर्त्‍याला “ब” व “क” फाईल्‍स परत करण्‍यात याव्‍यात.
3. नि.क्रं-1 वरील आदेशाची प्रमाणित प्रत तक्रारकर्त्‍याला निःशुल्‍क उपलब्‍ध करुन द्दावी.