सदर तक्रारीतील गैरअर्जदार हा भुखंड विक्रीचा व्‍यवसाय करणारी व्‍यक्‍ती नाही आणि त्‍यामुळे तक्रारकर्ता व गैरअर्जदार यांचेमधील आपसी भुखंड विक्रीचा व्‍यवहार आहे. त्‍यामुळे अशा प्रकरणात तक्रारकर्ता हा स्‍थावर मालमत्‍तेसंबंधीची तक्रार करीत आहे आणि त्‍यामुळे तक्रारकर्ता हा ग्रा.सं.का.तील तरतूदीप्रमाणे ग्राहक ठरत नाही व गैरअर्जदार यांनी त्‍यांना सेवा देण्‍याचा प्रश्‍न उरत नाही. यास्‍तव मंचाला अधिकार क्षेत्र नाही. तक्रारकर्ता योग्‍य त्‍या न्‍यायालयात आपला दावा दाखल करु शकतो.