दोन्‍ही पक्ष हजर. त्‍यांचा युक्‍तीवाद ऐकला. तक्रारकर्त्‍यांनी हा अर्ज झालेला विलंब माफ करण्‍याकरीता दाखल केलेला आहे. गैरअर्जदारांचे मते अकृषीकरण झालेले नसल्‍यास त्‍याकरीता थांबण्‍याची गरज नव्‍हती. तसेच पुढे गैरअर्जदारांनी या प्रकरणात पुरसिस देऊन मान्‍य केले आहे की,  वादातील जमिनीचे रुपांतरण अकृषक झालेले नव्‍हते. ही वस्‍तुस्थिती लक्षात घेतल्‍यास, जोपर्यंत अकृषक परवानगी मिळत नाही व त्‍याची सुचना संबंधित तक्रारकर्त्‍यास दिली जात नाही, तोपर्यंत मुदत सुरु राहते, ही वस्‍तुस्थिती लक्षात घेतली तर तक्रार मुदतीत आहे. त्‍यामुळे विलंब माफीचा अर्ज निकाली काढला जातो.  सदर प्रकरणी मुळ तक्रार पंजीकृत करण्‍यात यावी व गैरअर्जदारांना त्‍याचा नोटीस पाठविण्‍यात यावा.