जिल्‍हा ग्राहक तक्रार निवारण मंच, धुळे.
ग्राहक तक्रार क्रमांक – १७७/२०१२
तक्रार दाखल दिनांक – २२/१०/२०१२
तक्रार निकाली दिनांक – २५/०३/२०१४
श्री. पोपट नामदेव सुर्यवंशी
उ.व.ः-६४ वर्ष, धंदा – सेवानिवृत्‍त
रा. प्‍लॉट नं.-३४ अ, किरण हौसिंग सोसायटी,
नकाणे रोड, देवपुर, धुळे .…........ तक्रारदार
विरुध्‍द
श्री. अग्रसेन सहकारी पतसंस्‍था मर्या. धुळे
पुष्‍पांजली मार्केट, मनोहर टॉकीजसमारे, धुळे
(नोटीसीची बजावणी प्रशासक सो.एन.बी. चौधरी
यांचेवर करण्‍यात यावी) ........... जाबदेणार
न्‍यायासन
(मा.अध्‍यक्षा – सौ.व्‍ही.व्‍ही. दाणी)
(मा.सदस्‍य – श्री.एस.एस.जोशी)
उपस्थिती
(तक्रारदारा तर्फे – अॅड. नयना जी. गोरे)
(जाबदेणार तर्फे – एकतर्फा)
निकालपत्र
(द्वाराः मा.अध्‍यक्षा – सौ.व्‍ही.व्‍ही. दाणी)
१. तक्रारदार यांनी जाबदेणार यांच्‍या पतसंस्‍थेत मुदत ठेव पावती व बचत खाते अन्‍वये गुंतवलेली रक्‍कम मागणी करुनही परत दिली नाही म्‍हणून त्‍यांनी सदरची तक्रार दाखल केली आहे.
२. तक्रारदार यांची थोडक्‍यात अशी तक्रार आहे की, तक्रारदार यांनी जाबदेणार ‘श्री. अग्रसेन सहकारी पतसंस्‍था मर्या., धुळे’ या पतसंस्‍थेत मुदत ठेव पावतीत व बचत खाते मध्‍ये रक्‍कम गुंतविली होती. त्‍याचा तपशीलखालील प्रमाणे.
पावती क्र. |
ठेव रक्‍कम |
ठेव दिनांक |
मुदत पूर्ण दिनांक |
व्‍याज दर |
मुदतपूर्ण रक्‍कम |
२०४४० |
५०००/- |
०१/०९/२००५ |
०१/०१/२०१२ |
११% |
१०,०००/- |
बचत खाते क्र.४९२० मधील शिल्‍लक (बॅलंस) रक्‍कम रूपये १५,६१८/- |
३. तक्रारदार यांनी जाबदेणार यांच्‍याकडे वरील देय रक्‍कमेची वेळोवेळी मागणी केली असता जाबदेणार यांनी सदरील रक्‍कम तक्रारदार यांना दिली नाही. सबब तक्रारदार यांनी जाबदेणार यांच्‍याकडून मुदत ठेव पावतीमधील मुदतपूर्ण देय रक्‍कम रूपये १०,०००/- अधिक मुदत ठेव पूर्ण दि.०१/०१/२०१२ पासून रक्‍कम अदा तारखेपर्यंत ११% प्रमाणे व्‍याज व बचत खाते मधील शिल्‍लक रक्‍कम रू.१५,६१८/- अधिक दि.२७/०१/२००९ पासून रक्‍कम अदा तारखेपर्यंत ९% प्रमाणे व्‍याज अशी सर्व रक्‍कम आणि मानसिक,शारिरीक व आर्थिक त्रासाचे नुकसान भरपाईपोटी रक्‍कम रू.१०,०००/- व सदर तक्रारीचा खर्च रक्‍कम रूपये ५,०००/- जाबदेणार यांचेकडून मिळावा, यासाठी सदरचा तक्रार अर्ज दाखल करण्‍यात आला.
४. तक्रारदार यांनी आपल्‍या म्‍हणण्‍याच्‍या पुष्‍ट्यर्थ नि.१ वर बचत खाते उतारा व नि.२ वर मुदत ठेव पावतीची छायांकित प्रत दाखल केलेली आहे.
५. जाबदेणार यांना मे. मंचाच्‍या नोटीसची बजावणी होवूनही ते मुदतीत हजर झाले नाहीत व त्‍यांनी खुलासा दाखल केला नाही. त्‍यामुळे त्‍यांचे विरूध्‍द ‘एकतर्फा’ आदेश पारित करण्‍यात आला आहे.
६. तक्रारदार यांचा तक्रार अर्ज, शपथपत्र, पुराव्‍यासाठी दाखल कागदपत्रे पाहता व विद्वान वकीलांनी केलेला युक्तिवाद ऐकल्‍यानंतर, आमच्‍यासमोर निष्‍कर्षासाठी खालील मुद्दे उपस्थित होतात. त्‍याची उत्‍तरे आम्‍ही सकारण देत आहोत.
मुददे निष्‍कर्ष
अ. तक्रारदार हे जाबदेणार यांचे ग्राहक आहेत काय ? होय
ब. जाबदेणार यांनी तक्रारदार यांना सेवा देण्‍यात
कसूर केली आहे काय ? होय
क. तक्रारदार हे जाबदेणार यांच्‍याकडून देय रक्‍कम
व्‍याजासह आणि मानसिक त्रास व तक्रार अर्जाच्‍या
खर्चापोटी भरपाई मिळण्‍यास पात्र आहेत काय ? होय
ड. अंतिम आदेश ? खालीलप्रमाणे
विवेचन
७. मुद्दा ‘अ’ - तक्रारदार यांनी नि.१ वर बचत खाते उतारा व नि.२ वर मुदत ठेव पावतीची छायांकित प्रत दाखल केलेली आहे. जाबदेणार यांनी तक्रारदार यांची मुदत ठेव पावती व बचत खातेमधील रक्‍कम नाकारलेली नाही. मुदत ठेव पावती व बचत खातेमधील रक्‍कमेचा विचार होता तक्रारदार हे जाबदेणार यांचे ग्राहक आहेत असे या मंचाचे मत आहे. म्‍हणून मुद्दा ‘अ’ चे उत्‍तर आम्‍ही होकारार्थी देत आहोत.
८. मुद्दा ‘ब’- तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेत मुदत ठेव पावती व बचत खाते अन्‍वये रक्‍कम गुंतविली होती ही बाब सिध्‍द होते. तक्रारदार यांनी जाबदेणार यांच्‍याकडे गुंतवलेली रक्‍कम परत करणे हे पतसंस्‍थेचे कर्तव्‍य होते. परंतु मागणी करुनही रक्‍कम दिलेली नाही ही जाबदेणार यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा ‘ब’ चे उत्‍तर आम्‍ही होकारार्थी देत आहोत.
९. मुद्दा ‘क’- तक्रारदार यांनी दाखल केलेल्‍या मुदतठेव पावती व बचत खातेमधील व्‍याजासह होणारी रक्‍कम जाबदेणार यांच्‍याकडून मिळावी अशी मागणी केलेली आहे. या सर्व बाबींचा विचार होता तक्रारदार हे जाबदेणार पतसंस्‍था श्री. अग्रसेन सहकारी पतसंस्‍था मर्या., धुळे यांचेकडून मुदत ठेव पावतीमधील मुदतीअंती देय रक्‍कम रूपये १०,०००/- व त्‍यावर दि.०२/०२/२०१२ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज व बचत खाते मधील शिल्‍लक रक्‍कम रूपये १५,६१८/- व त्‍यावर दि.२७/०१/२००९ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज, अशी एकूण रक्‍कम मिळण्‍यास पात्र आहेत असे या मंचाचे मत आहे.
१०. तक्रारदार यांनी दाखल केलेली मुदतठेव पावती व बचत खातेमधील व्‍याजासह होणारी रक्‍कम जाबदेणार यांच्‍याकडून परत मिळावी म्‍हणून तक्रारदार यांना जाबदेणार पतसंस्‍था श्री. अग्रसेन सहकारी पतसंस्‍था मर्या., धुळे यांच्‍या विरुध्‍द या मंचात दाद मागावी लागली आहे. त्‍यामुळे त्‍यांना मानसिक त्रास सहन करावा लागलेला आहे व अर्ज दाखल करण्‍यासाठी खर्चही करावा लागलेला आहे. सबब तक्रारदार हे जाबदेणार यांच्‍या कडून मानसिक त्रासापोटी रु.२०००/- व अर्जाच्‍या खर्चापोटी रक्‍कम रू.१०००/- भरपाई मिळण्‍यास पात्र आहे असे या मंचाचे मत आहे. म्‍हणून मुद्दा ‘क’ चे उत्‍तर आम्‍ही होकारार्थी देत आहोत.
११. मुद्दा ‘ड’ - वरील सर्व विवेचनावरून पुढील प्रमाणे आदेश करण्‍यात येत आहे.
आ दे श
१. तक्रारदार यांचा तक्रार अर्ज मंजूर करण्‍यात येत आहे.
२. जाबदेणार श्री. अग्रसेन सहकारी पतसंस्‍था मर्या., धुळे यांनी, सदर आदेशाचे तारखेपासून पुढील तीस दिवसांचे आत, तक्रारदारांना खालील प्रमाणे रक्‍कमा दयाव्‍यात.
(अ) मुदत ठेव पावतीमधील मुदतीअंती देय रक्‍कम रूपये १०,०००/- व त्‍यावर दि.०२/०२/२०१२ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज व बचत खाते मधील शिल्‍लक रक्‍कम रूपये १५,६१८/- व त्‍यावर दि.२७/०१/२००९ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज द्यावे.
(ब) मानसिक त्रासापोटी रक्‍कम रू.२,०००/- (अक्षरी रूपये दोन हजार मात्र) व अर्जाचे खर्चापोटी रक्‍कम रू.१०००/- (अक्षरी रूपये एक हजार मात्र) दयावेत.
३. वर नमूद आदेशाची अमंलबजावणी (अध्‍यक्ष/संचालक/व्‍यवस्‍थापक/अवसायक) यापैकी वेळोवेळी जे कोणी पतसंस्‍थेचा कारभार पाहात असतील त्‍यांनी करावी. तसेच आदेश २(अ) मधीलरकमेपैकीकाहीरक्‍कम अगर व्‍याज दिले असल्‍यास, कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
धुळे.
दि.२५/०३/२०१४.
(श्री.एस.एस. जोशी) (सौ.व्‍ही.व्‍ही. दाणी)
सदस्‍य अध्‍यक्षा
जिल्‍हा ग्राहक तक्रार निवारण मंच, धुळे.
