दोन्‍ही पक्ष हजर यातील अर्जदार जे मुळ प्रकरणी गैरअर्जदार होते, त्‍यांनी हा अर्ज दाखल करुन त्‍याव्‍दारे मंचाने दि.11.11.2009 रोजी एकतर्फी पारित केलेल्‍या आदेश रद्द ठेवण्‍यांत यावा व पुन्‍हा प्रकरण चालविण्‍यांत यावे अशी मागणी केलेली आहे. आज गैरअर्जदार हजर झाले व त्‍यांनी आपले म्‍हणणे सादर केले, दोन्‍ही पक्षांचा युक्तिवाद मंचाने ऐकला. यातील अर्जदार व मुळ गैरअर्जदार यांचे असे म्‍हणणे आहे की, त्‍यांचा पत्‍ता बदललेला होता, मुळ तक्रारकर्त्‍याने चुकीचा पत्‍ता दाखल करुन मंचाची दिशाभुल केली व त्‍याव्‍दारे लबाडीने आदेश पारित करुन घेतला. त्‍यांचा पत्‍ता बदललेला होता याबाबत त्‍यांनी नोटीसव्‍दारे संबंधीत मुळ तक्रारकर्त्‍याला कळविले होते आणि अश्‍याप्रकारे मंचाची फसवणूक करुन व गैरअर्जदारांना प्रत्‍यक्षात नोटीस न बजावता पारित केलेला आदेश हा आदेशच नसुन तो रद्द करण्‍यांचा अधिकार या मंचास आहे. आमच्‍या मते ग्राहक संरक्षण कायद्यात असा आदेश रद्द करण्‍याचा कोणताही अधिकार जिल्‍हा मंचास दिलेला नाही, जो काही आदेश तक्रारकर्त्‍यास मुळ प्रकरणात केलेला आहे त्‍यास अपील दाखल करुन घेऊन आदेश रद्द करुन घेणे योग्‍य होईल, असे न करता गैरअर्जदारांनी हा अर्ज दाखल केलेला आहे. त्‍यामुळे सदरचा गैरअर्जदारांचा अर्ज खारिज करण्‍यांत येतो.