दरख्‍वास्‍त मागे घेणेबाबतच्‍या अर्जावर आदेश

( दिनांक ३० जानेवारी, २०१८ )

द्वारा मा.सदस्‍या श्रीमती माधुरी एस. विश्‍वरुपे ः-

          दरख्‍वास्‍तदार संस्‍थेतर्फे संस्‍थेचे अध्‍यक्ष राघवेंद्र मुनी व सचिव अनिल करंदीकर त्‍यांचे वकील माधुरी जोशी यांचेसह हजर.  आरोपीतर्फे भागीदार अशोक पाटील हजर.

          प्रस्‍तुत प्रकरणांत मा.राज्‍य आयोगासमोर आरोपी यांनी दाखल केलेले अपील क्र.७६४/२०१६, उभय पक्षांत तडजोड झाल्‍यामुळे दि.२१.०३.२०१७ रोजी मागे घेतले आहे.

          वर नमुद केल्‍याप्रमाणे उभय पक्षांमध्‍ये मंचाबाहेर तडजोड झालेली असून प्रस्‍तुतचे दरख्‍वास्‍त प्रकरण काढून घेण्‍याबाबत उभय पक्षांच्‍या स्‍वाक्षरीची पुरसि‍स दरख्‍वास्‍तदारातर्फे आज रोजी दाखल करण्‍यात आली.  त्‍यासोबत दरख्‍वास्‍तदार संस्‍थेचे दरख्‍वास्‍त मागे घेण्‍याबाबतचे दि.२०.०८.२०१७ चे Resolution  व उभय पक्षकारांमधील दि.२७.०१.२०१७ च्‍या MOU च्‍या प्रती जोडण्‍यात आल्‍या आहेत.

          वर नमुद केल्‍याप्रमाणे प्रस्‍तुत प्रकरणांत उभय पक्षांमध्‍ये मंचाबाहेर तडजोड झालेली असल्‍याने दरख्‍वास्‍तदारांना प्रस्‍तुतची दरख्‍वास्‍त मागे घेण्‍यास परवानगी देऊन प्रस्‍तुतची दरख्‍वास्‍त निकाली काढण्‍याबाबत खालीलप्रमाणे आदेश पारीत करण्‍यात येतो. 

आदेश

1. प्रस्‍तुत प्रकरणांत उभय पक्षकारांमध्‍ये मंचाबाहेर समझोता झाला असल्‍याने दरख्‍वास्‍तदारांनी उभय पक्षकारांच्‍या स्‍वाक्षरीसह दाखल केलेल्‍या पुरसि‍सच्‍या आधारे, दरख्‍वास्‍तदारांना प्रस्‍तुतची दरख्‍वास्‍त क्र.५१/२०१५ मागे घेण्‍यास परवानगी देऊन सदरील दरख्‍वास्‍त निकाली काढण्‍यात येते.
2. आरोपी यांना ग्राहक संरक्षण कायदा, १९८६ च्‍या कलम २७ खालील आरोपीतुन मुक्‍त करण्‍यात येते.
3. खर्चाबद्दल आदेश नाहित.
4. दरख्‍वास्‍तीचे अतिरीक्‍त संच असल्‍यास दरख्‍वास्‍तदारांना परत देण्‍यात यावेत.
5. आदेशाच्‍या साक्षांकित प्रती उभय पक्षकारांना विनामुल्‍य पाठविण्‍यात याव्‍यात.
6. प्रकरण वादसूचीवरुन काढून टाकण्‍यात यावे.