श्री. सतिश सप्रे, मा. अध्‍यक्ष यांचे आदेशान्‍वये.

सदर तक्रार तक्रारकर्त्‍याने दि.29.04.2016 रोजी ग्राहक संरक्षण कायद्याचे कलम 12 अंतर्गत दाखल केली होती. सदर प्रकरणात दि.29.09.2016 रोजी आयोगामार्फत पाठविलेली नोटीस 'लेफ्ट', या पोष्‍टाचे शे-यासह परत आल्‍यानंतर प्रकरण स्‍टेप्‍सकरीता लावण्‍यांत आले. त्‍यानंतर तक्रारकर्त्‍यातर्फे प्रकरणात दि.24.11.2016, 15.06.2019, 04.02.2021, 22.12.2021 व 16.11.2023 या तारखांना तक्रारकर्त्‍यातर्फे सदर प्रकरणात जाहीर नोटीसचा प्रसिध्‍दी अहवाल दाखल करण्‍यांत आला नाही. तक्रारकर्त्‍यातर्फे सदर्हू प्रकरणात अनेकदा संधी देऊनही त्‍यांनी कोणत्‍याही प्रकारची स्‍टेप्‍स घेतलेली नाही. यावरुन तक्रारकर्त्‍यास सदर्हू प्रकरणात स्‍वारस्‍य असल्‍याचे दिसुन येत नाही. त्‍यामुळे तक्रारकर्ता यांच्‍या कायदेशिर हक्‍कांना बाधा पडत नसल्‍यामुळे सदरची तक्रार खारीज करुन प्रकरण नस्‍तीबध्‍द करण्‍यांत येते. सबब खालिल प्रमाणे आदेश पारीत करण्‍यांत येतो. 

• // अंतिम आदेश // -

1. तक्रारकर्त्‍याची तक्रार त्‍यास सदर्हू प्रकरणात स्‍वारस्‍य दिसुन येत नसल्‍यामुळे खारीज करण्‍यांत येते.
2. खर्चाबाबत काहीही आदेेेश नाही.
3. तक्रारकर्त्‍याला तक्रारीची ‘ब’ व ‘क’ प्रत परत करावी.