आदेश नि. 1 वर

(दि.18-04-2024)

व्दारा- श्रीमती अमृता नि.भोसले,सदस्या

1) तक्रारदार व तर्फे वकील तोडकर हजर. सामनेवाला व तर्फे वकील सावंत हजर. सामनेवाला तर्फे नि.9 कडे श्री नितीन सावंत यांचे वकीलपत्र दाखल केले. तसेच नि.10 कडे पत्ता मेमो दाखल केला. तक्रारदार व सामनेवाला यांनी आजरोजी नि.11 कडे संयुक्त तडजोड पुरसिस दाखल केली आहे. सदर संयुक्त तडजोड पुरसिसमध्ये तक्रारदार व सामनेवाला यांचेमध्ये तडजोडीच्या अटी व शर्ती नमुद करण्यात आल्या आहेत. सदर तडजोड पुरसिसप्रमाणे प्रस्तुत प्रकरण निकाली करण्याचे आहे असेही सदर संयुक्त तडजोड पुरसिसमध्ये नमुद आहे.

2)   तक्रारदार तर्फे मुखत्यारधारक व विधिज्ञ हजर. सामनेवाला व तर्फे विधिज्ञ हजर. नि.11 कडील उभय पक्षकारांची दाखल पुरसिस ही आयोगाने पडताळून पाहून पुरसिस मान्य केली. नि.11 कडील पुरसिसच्या अनुषंगाने प्रस्तुत तक्रार अर्ज पुढे चालू ठेवण्यात कोणतेही संयुक्तीक कारण राहिलेले नसलेने तक्रार अर्ज निकाली काढणे न्यायोचित होईल. सबब आदेश खालीलप्रमाणे  

-आ दे श-

1) प्रस्तुत तक्रार अर्ज नि.11 कडील संयुक्त तडजोड पुरसिसचे आधारे निकाली काढण्यात  येतो.

2) उभय पक्षकारांची दि.18-04-2024 रोजीची नि.11 कडील पुरसिस ही या आदेशाचा एक भाग समजणेत यावा.

3)  प्रकरण नस्तीबध्द करुन दप्तरी दाखल करणेत येते.

4)  उभय पक्षकारांना सदरच्या आदेशाची प्रत विनामुल्य दाव्यात.