आ दे श  :   ( दि. 21-06-2013)  ( द्वारा- श्री. संजय पी. बोरवाल, अध्‍यक्ष)

1.    प्रस्‍तुतचा तक्रार अर्ज दिनांक 25-09-2012 रोजी दाखल करुन स्विकृत करणेत आला आहे.  तक्रारदार यांनी प्रस्‍तुत तक्रार अर्ज विरुध्‍द पक्ष श्रीराम ट्रान्‍सपोर्ट फायनान्‍स कंपनी  यांचेकडून  तक्रारदारांचा ट्रक जप्‍त करु नये  व नुकसानभरपाईची रक्‍कम मिळणेकरिता दाखल केला आहे.    सदर तक्रार अर्जात तक्रारदार यांनी आजरोजी पुरसीस दाखल केली आहे.

2.     प्रस्‍तुत प्रकरणातील तक्रारदार यांनी आज रोजी पुरसीस दाखल करुन प्रस्‍तुतचा तक्रार अर्जात तक्रारदार व वि.पक्ष यांचेमध्‍ये आप-आपसांत तडजोड झालेली आहे.  तक्रारदारांना पुढे अर्ज चालवणेचा नाही त्‍यामुळे  प्रस्‍तुतचा तक्रार अर्ज काढून घेत आहे अशी विनंती पुरसीसीत केली आहे.  सदर पुरसीसवर तक्रारदार यांची स्‍वाक्षरी आहे.  सदर  पुरशीसमधील मजकूर तक्रारदार  यांना मान्‍य व कबूल आहे.  सदरच्‍या  तडजोड पुरसीसीच्‍या आधारे तक्रारदारांचा प्रस्‍तुतचा तक्रार अर्ज निकाली काढणेत येतो.  सबब, आदेश खालीलप्रमाणे.

                             - आ दे श -   

1.    प्रस्‍तुतचा तक्रार अर्ज निकाली काढणेत येतो.          

2.    तक्रारदार यांनी प्रस्‍तुत प्रकरणात दाखल केलेली दि. 21-06-2013 रोजीची पुरसीस ही या आदेशाचा एक भाग आहे.     

3.    सदर आदेशाची सही शिक्‍काच्‍या प्रतिलिपी प्रत उभय पक्षकारांना नि:शुल्‍क  देण्‍यात यावी.