::: नि का ल प ञ:::

 (मंचाचे निर्णयान्‍वये,  मा. सौ. कल्पना जांगडे (कुटे)   मा.सदस्‍या)

(पारीत दिनांक :- 26/10/2018)

1. तक्रारकर्त्याने ग्राहक संरक्षण कायदा, 1986 चे कलम 12 अंतर्गत प्रस्तूत तक्रार दाखल केली असून तक्रारीचा थोडक्यात  तपशील  की, विरुध्द पक्षांचे दैनीक ठेव खाते योजनेनुसार तक्रारकर्त्याने दैनीक ठेव खाते क्र.2810 मध्ये दररोज रु.400/- याप्रमाणे दिनांक 1/5/2014 पासून दिनांक 31/10/2014 पर्यंत एकूण रक्कम रु.59,000/-  व दुसरे खाते क्र.2810  मध्ये दररोज रु.500/- याप्रमाणे दिनांक 1/11/2014 पासून दिनांक 31/12/2015 पर्यंत एकूण रक्कम रु.1,21,800/- तर तिसरे खाते क्र.3280  मध्ये दिनांक 1/1/2015 पासून दिनांक 7/1/2016 पर्यंत एकूण रक्कम रु.14,850/- अशा रकमा . वि प. यांचे अभिकर्ता श्री. दत्तु येलुरवार यांचेमार्फत जमा केली असून त्यांनी रक्कम प्राप्त झाल्याबाबत . वि प.ने दिलेल्या खातेपुस्तिकेवर सही केली आहे. उपरोक्त रक्कम ही 1 वर्षाच्या मुदतीनंतर देय होती, परंतु . वि प. संस्थेचे आर्थीक व्यवहार डबघाईस आल्यामुळे अभिकर्ता यांनी ठेवीची रक्कम स्विकारणे बंद केले. त्यामुळे तक्रारकर्त्याने . दि 21/4/2016 रोजी वि.प. यांचे कार्यालयामध्ये जाऊन उपरोक्त रकमेची मागणी केली असता संस्थेची कर्जवसुलीची रक्कम आल्यानंतर तक्रारकर्त्याला रक्कम देण्यांत येईल असे सांगितले. त्यानंतर तक्रारकर्त्याने वारंवार वि.प.कडे मागणी केली असता आपल्याला संस्थेकडून रक्कम घेण्यासाठी पत्र येईल असे सांगितले परंतु तसे कोणतेही पत्र तक्रारकर्त्याला वि.प.कडून आले नाही. त्यामुळे तक्रारकर्त्याने .4/11/2016 रोजी अधि वक्त्यामार्फत वि.प.यांना नोटीस पाठविली. सदर नोटीस प्राप्त होवूनही वि.प. यांनी त्याचे उत्तरही दिले नाही व पुर्तताही केली नाही.  तक्रारकर्त्याने मागणी करुनही वि.प.ने तक्रारकर्त्याची रक्कम न देवून तक्रारकर्त्याप्रती अनुचीत व्यापार पध्दतीचा अवलंब करुन सेवेत त्रुटी दिलेली आहे. तक्रारकर्त्याला वारंवार मागणी करुनही रक्कम प्राप्त न झाल्यामुळे त्याचे आर्थीक नुकसान झाले तसेच शारिरीक व मानसीक त्राससुध्दा झाला. सबब तक्रारकर्त्याने विरुध्द पक्षाविरुध्द मंचासमक्ष तक्रार दाखल करुन त्यामध्ये अशी मागणी केली आहे की, तक्रारकर्त्याचे बचत ठेव खाते क्र.2810 मध्ये दि 1/5/2014 पासून दिनांक 31/10/2014 पर्यंत एकूण रक्कम रु.59,000/- , खाते क्र.2810  मध्ये दिनांक 1/11/2014 पासून दिनांक 31/12/2015 पर्यंत एकूण रक्कम रु.1,21,800/- व खाते क्र.3280  मध्ये दिनांक 1/1/2015 पासून दिनांक 7/1/2016 पर्यंत एकूण रक्कम रु.14,850/- अशी एकूण रक्कमरु.1,95,650/- व त्यावर  दि. 1/11/2014 पासून 12 टक्के दराने व्याज तसेच शारीरिक व मानसीक त्रासापोटी रु.10,000/- व तक्रारखर्च रु.5000/-  वि प. यांनी तक्रारकर्त्यांस देण्याबाबत आदेश व्हावेत अशी विनंती केली आहे.
2. तक्रारकर्त्याची तक्रार स्विकृत वि रुध्द पक्षांना मंचातर्फे नोटीस काढण्यात आली. वि रुध्द पक्ष 1 यांनी मंचासमक्ष हजर होवून आपले लेखी कथन दाखल केले असून त्यामध्ये तक्रारकर्त्याचे तक्रारतील कथन नाकबूल करुन विशेष कथनात नमूद केले की वि प.संस्थेच्या कार्यकारी समितीची निवडणूक दि.5/8/2011 रोजी पुढील पाच वर्षांकरीता झालेली होती. सदर कार्यकारी समितीवर वि प.क्र.1 हे अध्यक्ष पदावर निवडून आले होते परंतु त्यांनी वार्धक्यामुळे सदर अध्यक्षपदाचा राजीनामा दिला व तो दि 5/11/2015 च्या सभेत मंजूर करण्यांत आला. त्यानंतर अध्यक्ष पदाचा संपूर्ण कार्यभार श्री.बुटले यांना देण्यांत आला. वि प.क्र.1 हे .5/11/2015 पासून अध्यक्ष पदावर नाहीत त्यामुळे ते पतसस्थेच्या कोणत्याही आर्थीक व्यवहारास जबाबदार नाहीत व सदर बाब ही तक्रारकर्त्याचे अधिवक्ता श्री.खोब्रागडे यांना दिनांक 11/11/2016 चे पत्रान्वये कळविली आहे. तरी त्यांनी वि प.क्र.1 यांना त्रास देण्याच्या उददेशाने तक्रारीत पक्ष बनविले आहे. त्यामुळे या कारणास्तव सदर तक्रार रु.25,000/- दंडासह खारीज करण्यांत यावी.
3. त्यांनी पुढे नमूद केले की, उपरोक्त संस्थेच्या कार्यकारी समितीचा कार्यकाळ दि 5/8/2016 रोजी संपल्यानंतर परत कार्यकारी समितीची निवडणूक न घेतल्याने उपनिबंधक, सहकारी संस्था  चंद्रपूर यांनी सदर कार्यकारी समिती बर्खास्त करुन दि.24/11/2016 चे आदेशानुसार श्री.सी.एच.उघडे यांची सदर पतसंस्थेवर प्राधिकृत अधि कारी म्हणून नियुक्ती केलेली व सर्व कार्यभार ते बघत असल्याने तक्रारकर्त्याने त्यांचेकडे जावून त्यांच्या खात्यातील उपरोक्त रकमेची मागणी करावयास पाहिजे होती परंतु तक्रारकर्त्याने तसे न करता दि.14/10/2017 रोजी सदर तक्रार दाखल केली व सदर प्रकरणात संस्थेचे प्राधिकृत अधिकारी श्री.उघडे हे आवश्यक पक्ष असूनही त्यांना पक्ष म्हणून जोडण्यांत आलेले नाही. सबब या कारणास्तवसुध्दा सदर तक्रार खारीज होण्यास पात्र आहे. याशिवाय संस्थेने श्री.दत्तु मुरलीधर येलूरवार यांना संस्थेचे अभिकर्ता म्हणून नि युक्त केलेले नव्हते. तक्रारकर्त्याने अभि कर्त्याबाबत शहानिशा न करताच  त्यांचेकडे रक्कम दिल्यास व त्या खात्यात जमा झाल्या नाहीत त्याकरीता वि प.जबाबदार नाही. तक्रारकर्ता हा पतसंस्थेचा ग्राहक आहे, संचालक मंडळातील पदाधि का-यांचा नाही. संस्थेच्या संचालक मंडळातील पदाधि कारी तसेच संचालक हे संस्थेच्या व्यवहारांकरीता व्यक्तीगतरीत्या जबाबदार रहात नाहीत असे असूनसुध्दा तक्रारकर्त्याने वाईट हेतूने वि प.क्र.1 यांना त्रास देण्याच्या उददेशाने तक्रारीत पक्ष बनविले आहे. त्यामुळे या कारणास्तव सदर तक्रार खारीज होण्यांस पात्र आहे..

      (1) तक्रारकर्त्‍याची तक्रार क्र.120/2017 अंशतः मंजूर करण्‍यात येते.

      (2) वि.प.क्र.1 व 2 यांनी वैयक्‍तीक व संयुक्‍तरीत्‍या तक्रारकर्त्‍याचे आवर्ती ठेव खाते क्र.2810 मध्‍ये खातेपुस्‍तीकेनुसार जमा असलेली रक्‍कम तक्रारकर्त्‍यास द्यावी. याशिवाय वि.प.क्र.1 व 2 यांनी वैयक्‍तीक व संयुक्‍तरीत्‍या तक्रारकर्त्‍याचे आवर्ती ठेव खाते क्र.2810 तसेच आवर्ती ठेव खाते क्र.3280  मध्ये खातेपुस्‍तीकेनुसार जमा असलेली रक्‍कम व त्‍यावर तक्रार दाखल दिनांक 14/7/2017 पासून द.सा.द.शे.5 टक्‍के दराने व्‍याजासह तक्रारकर्त्‍यास द्यावी.           

      (3) वि.प.क्र.1 व 2 यांनी वैयक्‍तीक व संयुक्‍तरीत्‍या तक्रारकर्त्‍यास शारिरीक व मानसीक त्रासापोटी नुकसान भरपाईदाखल रू.10,000/- व तक्रारीच्‍या खर्चापोटी रू.5000/- द्यावेत.

      (4) उभय पक्षांना आदेशाची प्रत तात्‍काळ पाठविण्‍यात यावी .

चंद्रपूर

दिनांक – 26/10/2018

(श्रीमती.कल्‍पना जांगडे(कुटे)) (श्रीमती. किर्ती वैदय (गाडगीळ)) (श्री. श्री.अतुल डी. आळशी)                     

          सदस्या                    सदस्या                    अध्यक्ष 

जिल्हा ग्राहक तक्रार निवारण न्यायमंच, चंद्रपूर.