आदेश दि.27.02.2020    द्वारा:- मा. अध्‍यक्षा –सौ. सविता पी.भोसले.

निशाणी क्र.1 खालील आदेश             

             तक्रारदार व तर्फे वकील हजर. वि प क्र.3 तर्फे वकील हजर. तक्रारदार तर्फे पुरसिस दाखल केली की, तक्रारदार यांना वि प क्र.3 यांनी आपापसात झालेल्‍या चर्चेनुसार तक्रारदाराच्‍या क्‍लेमपोटी रक्‍कम रु.80,000/-(रु.ऐंशी हजार फक्‍त) चा एच.डी.एफ.सी. बँकेचा चेक क्र.050355 दि.17/02/2020 रोजीचा अदा केलेला आहे. त्‍याची झेरॉक्‍स प्रत सोबत जोडली आहे. सदर रक्‍कम तक्रारदारास मान्‍य आहे व तक्रारदार यांनी तक्रारीतील इतर मागण्‍या विनातक्रार सोडून देत आहे. त्‍यामुळे तक्रारदार यांची वि प यांचेविरुध्‍द कोणतीही तक्रार राहिलेली नाही. या कारणान्‍वये सदरची तक्रार निकाली काढण्‍यात यावी. सदर पुरसिसवर तक्रारदार व त्‍यांचे वकील तसेच वि प क्र.3 यांच्‍या सहया आहेत. तक्रारदार यांना तोंडी विचारले असता, वरीलप्रमाणे मान्यता व कबुली दिली. सबब, सदर पुरसिस पाहता प्रस्‍तुत तक्रार अर्ज पुढे चालविणेकरीता कोणतेही संयुक्तिक कारण व वाद राहीलेले नाहीत. सदरहू तक्रार अर्ज तक्रारदारांच्‍या आज दि.27/02/2020 रोजीच्‍या पुरसिसप्रमाणे निकाली काढणेत येतो. प्रस्‍तुतचे प्रकरण नस्‍तीबंद करुन दफ्तरी दाखल करणेत येते.

                      - आ दे श –

1. तक्रारदाराचा तक्रार अर्ज निकाली काढणेत येतो.

2. सदर तक्रार अर्जामध्‍ये तक्रारदार यांनी दाखल केलेली दि.27/02/2020 रोजीची पुरसिस या आदेशाचा एक भाग आहे.

3. सदर आदेशाच्‍या सही शिक्‍याच्‍या प्रतिलिपी उभय पक्षकारांना नि:शुल्‍क देण्‍यात याव्‍यात.