1.     श्री.भास्‍कर जयराम रडे,                               ..........तक्रारदार

उ व 68,धंदा रिटायर्ड,

 

1.         सावदा फैजपुर नागरी सहकारी पतसंस्‍था मर्यादीत,           .....विरुध्‍दपक्ष.

2.    श्री.चंद्रकांत शिवराम पाटील, चेअरमन,

3.    राजेंद्र श्रीकांत चौधरी, संचालक,

4.    युवराज प्रेमचंद नेमाडे, संचालक.

5.    मिलींद शंकर वाघुळदे, संचालक.

6.    श्री.रविंद्र श्रावण बेंडाळे, संचालक.

7.    श्री.श्रीपाद तुकाराम लोखंडे,संचालक.

8.    महंत घनश्‍याममजी ब्रम्‍हचारी, संचालक,

9.    सौ.पल्‍लवी जयदीप राणे, संचालक,

10.   श्री.मुरलीधर रावजी महाजन,संचालक,

11.    श्री.गोपाळ सुपडू नेमाडे,संचालक.

12.   श्री. रामचंद्र नारायण लोखंडे,संचालक,

13.   डॉ.अजितकुमार जयवंतराव पाटील,संचालक.

14.   अजित बळीराम नारखेडे,व्‍यवस्‍थापक,

15.   सुनिल मधुकर बोरोले,संचालक.

16.   देवराम नामदेव पाटील, संचालक.

 

श्री.विश्‍वास दौ.ढवळे,अध्‍यक्ष ः तक्रारदार यांनी विरुध्‍द पक्ष पतसंस्‍थेत मुदत ठेव खात्‍यामध्‍ये गुंतवलेली रक्‍कम मागणी करुनही परत दिली नाही म्‍हणुन त्‍यांनी प्रस्‍तुत तक्रार या मंचात दाखल केली आहे.

2.    तक्रारदार यांची थोडक्‍यात अशी तक्रार आहे की, तक्रारदार यांनी सावदा फैजपुर नागरी सहकारी पतसंस्‍था मर्यादीत (यापुढे संक्षीप्‍तेसाठी पतसंस्‍था असे संबोधण्‍यात येईल) या पतसंस्‍थेत मुदत ठेव पावतीत रक्‍कम गुंतविली होती त्‍याचा तपशिल खालील प्रमाणे.

 

 

3.    तक्रारदार यांनी मुदतठेव पावतीमधील रक्‍कमेची मागणी विरुध्‍द पक्ष पतसंस्‍थेत केली असता त्‍यांनी सदर रक्‍कम देण्‍यास नकार दिला अशी तक्रारदार यांची तक्रार आहे. सबब विरुध्‍द पक्ष यांचेकडुन मुदत ठेव पावतीतील व्‍याजासह होणारी संपुर्ण रक्‍कम तसेच मानसिक त्रास व अर्जाच्‍या खर्चापोटी भरपाई मिळावी अशी विनंती तक्रारदार यांनी केली आहे.

4.    विरुध्‍द पक्ष यांना नोटीसची बजावणी झालेली आहे. त्‍यांनी खुलासा देऊन तक्रारदाराची तक्रार चुकीचा व बेकायदेशीर असून दिशाभुल करणारा आहे व ते मान्‍य त्‍यांना मान्‍य नाही. दि.28/08/08 पासुन संचालक मडळ बरखास्‍त होऊन प्रशासकांची नियुक्‍ती करणेत आलेली आहे. तक्रार अर्जात नॉन जॉईंडर ऑफ नेसेसरीज पार्टीज आणि मिस जॉईडर ऑफ पार्टीजची बाधा असल्‍याने सदर तक्रार अर्ज या मंचापुढे चालु शकत नाही. पतसंस्‍था ही अडचणीत आल्‍यामुळे ठेवीची रक्‍कम परत करणेस अडचण निर्माण झाली आहे. पतसंस्‍थेने जसे वसुल होईल त्‍यांप्रमाणात ठेवीदारास रक्‍कम परत देत आहे. विरुध्‍दपक्ष हे तक्रारदार यांनी केलेली इतर सर्व विपरीत विधाने नाकबुल केली आणि असा उजर घेतला की, तक्रारदाराची तक्रार खर्चासह फेटाळण्‍यात यावी.

5.    तक्रारदार यांची तक्रार पाहता तक्रारीच्‍या न्‍यायनिर्णयासाठी आमच्‍या समोर खालील मुद्ये उपस्थित होतात व त्‍याची उत्‍तरे आम्‍ही सकारण खालील प्रमाणे देत आहोत.

1.     विरुध्‍द पक्ष यांनी तक्रारदार यांना द्यावयाच्‍या सेवेत

त्रुटी केली आहे काय?                                     होय.

2     आदेश काय?                                    खालीलप्रमाणे.

6.    मुद्या क्र.1 – प्रस्‍तुत प्रकरणांत तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेमध्‍ये मुदतठेव खात्‍यात रक्‍कम गुंतवली होती ही बाब सिध्‍द होते. तक्रारदार यांनी सदरची रक्‍कम मिळणेसाठी मागणी केली असता, सदर रक्‍कम त्‍यांना देण्‍यात आली नाही. वास्‍तविक तक्रारदार यांनी मागणी केल्‍यानंतर तात्‍काळ विरुध्‍द पक्ष यांच्‍याकडील जमा असलेली रक्‍कम त्‍यांना परत करणे पतसंस्‍थेचे कर्तव्‍य होते व संस्‍थेने तक्रारदारास मागणी केल्‍यानंतर रक्‍कम देणे आवश्‍यक आहे. संस्‍थेने नियमित वसुली न केल्‍यामूळे संस्‍थेची आर्थिक परिस्थिती सुस्थितीत राहीली नाही असे दिसुन येते. यावरुन तक्रारदार यांनी मागणी करुनही संस्‍थेने रक्‍कम न देऊन सेवेत त्रुटी केली आहे या मतास आम्‍ही आलो आहोत. म्‍हणून मुद्या क्र. 1 चे उत्‍तर आम्‍ही होकारार्थी देत आहोत.

7.    मुद्या क्र. 2  –– तक्रारदार यांनी त्‍यांच्‍या मुदतठेव खात्‍यामधील व्‍याजासह होणारी रक्‍कम सावदा फैजपुर नागरी सहकारी पतसंस्‍था मर्यादीत व संचालक मंडळ यांचेकडुन वैयक्तिक व संयुक्‍तीकरित्‍या मिळावी अशी मागणी केलेली आहे. परंतू मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.5223/09 सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.

      As has been recorded above, I am of the view that a society registered under the provision of Maharashtra Co-operative Societies Act 1960, although can be proceeded against and a complaint under the provision of Consumer Protection Act is entertain able against the society, the Directors of members of the managing committee cannot be held responsible in view of the scheme of Maharashtra Co-operative Societies Act. To hold the Directors of the banks/members of the managing committee of the societies responsible, without observing the procedure prescribed under the Act, would also be against the principles of co-operation, which is the very foundation of establishment of the co-operative societies.

8.    वरील न्‍यायिक दृष्‍टांतामध्‍ये संचालकांना रक्‍कम देण्‍यासाठी वैयक्‍तीकरित्‍या जबाबदार ठरविता येणार नाही असे तत्‍व विषद करण्‍यात आले आहे. त्‍यामुळे त्‍यांना वैयक्तिकरित्‍या रक्‍कम देण्‍यास जबाबदार ठरविता येणार नाही. तक्रारदार हे विरुध्‍द पक्ष सावदा फैजपुर नागरी सहकारी पतसंस्‍था मर्यादीत यांचेकडुन पतसंस्‍थेत जमा असलेली व्‍याजासह होणारी रक्‍कम मिळण्‍यास पात्र आहेत. पतसंस्‍थेच्‍या कृतीमुळे तक्रारदारास निश्चितच मानसिक व शारिरीक त्रास झाला आहे व मंचात तक्रारही दाखल करावी लागली आहे. तसेच त्‍यांना मानसिक त्रास होणे साहजिक आहे. त्‍यामुळे तक्रारदार अर्जाच्‍या खर्चापोटी रक्‍कम रु.1,000/- व मानसिक त्रासापोटी रु.500/- मिळण्‍यास पात्र आहेत असे आम्‍हास वाटते.

9.    वरिल विवेचनावरुन आम्‍ही खालील प्रमाणे आदेश देत आहोत.

 

(1)   तक्रारदार यांचा तक्रार अर्ज अंशतः मंजुर करण्‍यात येत आहे.

(2)   विरुध्‍द पक्ष सावदा फैजपुर नागरी सहकारी पतसंस्‍था मर्यादीत यांनी तक्रारदार यांना वरील आदेश कलम 2 मध्‍ये नमुद केलेल्‍या मुदठेव खात्‍यातील रक्‍कमेवर देय तारखेनंतर एकत्रित रक्‍कमेवर द.सा.द.शे. 6 टक्‍के व्‍याजासह तक्रारदार यांना या आदेशाच्‍या प्राप्‍तीपासुन 30 दिवसांचे आंत अदा करावेत तसेच दावा खर्चापोटी रु.1,000/- व मानसिक त्रासापोटी रु.500/- अदा करावेत.

(3)   वर नमुद आदेश क्र.2 मधील रक्‍कमेपैकी काही रक्‍कम अगर व्‍याज दिले असल्‍यास त्‍यावर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.

 

 

 

                                     जिल्‍हा ग्राहक तक्रार निवारण न्‍याय मंच,जळगाव.