निशाणी 24
जिल्‍हा ग्राहक तक्रार निवारण न्‍याय मंच,जळगाव यांचे समोर. . . . .
तक्रार क्रमांक 382/2007
तक्रार पंजीबध्‍द करण्‍यात आले तारीखः - 10/07/2007
तक्रार निकाली काढणेत आली तारीखः- 01/07/2009
1. श्री.मधुकर तुकाराम चौधरी,
उ.व. 65 वर्षे, धंदा – सेवानिवृत्‍त.
2. सौ.पद्मावती मधुकर चौधरी,
उ.व.60 वर्षे, धंदा – घरकाम,
दोघे रा.म्‍युनिशिपल पार्क, ईशस्‍मृती बिल्‍डींग,
भुसावळ, ता.भुसावळ, जि.जळगांव. .......... तक्रारदार
विरुध्‍द
1. श्री. सप्‍तश्रृंगी अर्बन को-ऑप. क्रेडीट
सोसायटी लिमिटेड, भुसावळ न.पा.दवाखाना
शॉपींग कॉम्‍प्‍लेक्‍स, वसंत टॉकीज जवळ,भुसावळ,
ता.भुसावळ, जि.जळगांव.
2. म.मॅनेजर,
श्री.सप्‍तश्रृगी माता अर्बन को.ऑप क्रेडीट सोसा.लि.भुसावळ,
न.पा.दवाखाना शॉपींग कॉम्‍प्‍लेक्‍स, वसंत टॉकीज जवळ,
भुसावळ, ता.भुसावळ, जि.जळगांव.
3. महेश डिगंबर चोपडे,(चेअरमन )
राहणार चोपडे बिल्‍डींग, तापी नगर, भुसावळ,
ता.भुसावळ, जि.जळगांव.
4. श्री. डॉ. सुनिल लिलाधर पाटील ,(व्‍हा. चेअरमन )
रा.तापी नगर, भुसावळ, ता.भुसावळ, जि.जळगांव.
5. श्री. डॉ. ओमप्रकाश दिनकर पाटील ,
राहणार शांती नगर, भुसावळ, ता.भुसावळ,जि.जळगांव.
6. डॉ. प्रमोद घनःशाम इंगळे ,
राहणार तापी नगर, भुसावळ, ता.भुसावळ, जि.जळगांव.
7. श्री.प्रकाश वासुदेव पाटील ,
राहणार श्रीदत्‍त नगर, भुसावळ, ता.भुसावळ,जि.जळगांव.
8. श्री.सोहन केशरीमल भराडे ,
राहणार शांती नगर, भुसावळ,
ता.भुसावळ, जि.जळगांव.
9. श्री.चंदकांत काशिनाथ ब-हाटे ,
राहणार तापी नगर, भुसावळ, ता.भुसावळ,जिल्‍हा जळगाव
10. श्री.प्रशांत हरीशचंद्र तळेले,
रा.तापी नगर, भुसावळ, ता.भुसावळ, जि.जळगांव.
11. सौ. साधना चंद्रकांत फेगडे ,
राहणार तापी नगर, भुसावळ, ता.भुसावळ,जिल्‍हा जळगाव
12. सौ. देवयानी रविंद्र सपकाळे,
राहणार शिवम पार्क, भुसावळ, ता.भुसावळ, जि.जळगांव.
13. श्री.संतोष दामू ठाकरे ,
राहणार तापी नगर, भुसावळ, ता.भुसावळ,जिल्‍हा जळगाव
14. श्री.प्रमोद सोनार ,
राहणार तापी नगर, भुसावळ, ता.भुसावळ, जिल्‍हा जळगाव
15. श्री.राजेंद्र मधुसुदन पुराणीक ,
राहणार तापी नगर, भुसावळ, ता.भुसावळ ,
जिल्‍हा जळगाव .......... सामनेवाला
16. म.प्रशासक, श्री.एम.व्‍ही.ढोले,
श्री.सप्‍तश्रृंगीमाता अर्बन को.ऑप क्रेडीट सोसायटी लि.भुसावळ,
रा.नगरपालीका संकुल, वसंत टॉकीज शेजारी, भुसावळ,
ता.भुसावळ, जि.जळगांव.
न्‍यायमंच पदाधिकारीः-
श्री. बी.डी.नेरकर अध्‍यक्ष.
अड. श्री.चंद्रकांत मोहन येशीराव सदस्‍य.
अंतिम आदेश
( निकाल दिनांकः 01/07/2009)
(निकाल कथन न्‍याय मंच अध्‍यक्ष श्री. बी.डी.नेरकर यांचेकडून )
तक्रारदार तर्फे श्री पी.ई.नेमाडे वकील हजर
सामनेवाला क्रं.7 स्‍वतः हजर
सामनेवाला क्र.1 ते 6 व 8 ते 16 एकतर्फा.
सदर प्रकरण तक्रारदार यांनी सामनेवाला यांचेविरुध्‍द ग्राहक संरक्षण कायदा, 1986 चे कलम 12 प्रमाणे दाखल केलेले आहे. संक्षिप्‍तपणे प्रकरणाची हकिकत खालीलप्रमाणे आहेः-
1. सामनेवाला ही महाराष्‍ट्र को-ऑपरेटीव्‍ह सोसायटी अक्‍ट 1960 चे कायद्यान्‍वये स्‍थापन झालेली एक नोंदणीकृत नामांकीत पतसंस्‍था आहे. सदरील सामनेवाला यांचे जळगाव जिल्‍हयात वेगवेगळया ठिकाणी शाखा आहेत. वेगवेगळया प्रकारच्‍या ठेवी स्विकारणे, त्‍यावर व्‍याजदेणे, कर्ज वाटप करणे इत्‍यादी सामनेवाला या पतसंस्‍थेचे कार्य आहेत. सामनेवाला ही एक नामांकीत पतसंस्‍था असल्‍याने इतर ठेवीदारांप्रमाणे तक्रारदार यांनी सामनेवाला या पतसंस्‍थेत पुढील प्रमाणे रक्‍कम गुंतविलेल्‍या आहेत, त्‍याचा तपशील पुढील प्रमाणेः-
अ.क्र. | पावती क्रमांक | ठेव दिनांक | रक्‍कम रुपये | देय तारीख |
1 | 5403 | 25.05.2005 | 50,000/- | 25.06.2007 |
2 | 8063 | 13.03.2006 | 20,000/- | 13.06.2007 |
3 | 8619 | 07.05.2006 | 10,000/- | 07.06.2007 |
4 | 9744 | 20.08.2006 | 50,000/- | 05.07.2007 |
5 | 9739 | 19.08.2006 | 50,000/- | 19.09.2007 |
6 | सेव्‍हींग खाते क्र.292 | रक्‍कम जमाः | 36,212/- | - |
तक्रारदार यांनी वरील ठेव ठेवलेल्‍या मुदत ठेव पावत्‍यांची मुदत संपलेली असल्‍याने व तक्रारदार यांना आर्थिक गरज असल्‍याने , तक्रारदार हे त्‍यांची मुदत ठेवीची रक्‍कम व सेव्‍हींग खात्‍यावर जमा असलेली रक्‍कम सामनेवाला यांचेकडे व्‍याजासह मागणेसाठी गेले असता सामनेवाला यांनी तक्रारदार यांना उडवाउडवीची उत्‍तरे देऊन व पैसे देण्‍यास टाळाटाळ करुन सामनेवाला यांनी तक्रारदार यांचे ठेवीची रक्‍कम देण्‍यास नकार दिलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार यांनी त्‍यांच्‍या मुदत ठेवीची रक्‍कम व्‍याजासह परत मिळणेकामी तसेच त्‍यांना झालेल्‍या त्रासापोटी नुकसान भरपाई मिळणेसाठी सामनेवाला यांचेविरुध्‍द सदरील तक्रार दाखल केलेली आहे.
2. सदरची तक्रार पंजीबध्‍द करण्‍यात आल्‍यानंतर , सामनेवाला यांना ग्राहक संरक्षण कायदा, 1986 चे कलम 13(1) ब प्रमाणे नोटीसा काढण्‍यात आल्‍या. त्‍याप्रमाणे सामनेवाला क्रं. 7 यांनी प्रस्‍तुत तक्रारीत हजर होऊन त्‍यांचे लेखी म्‍हणणे सादर केलेले असुन तक्रारदाराचे तक्रार अर्जातील म्‍हणणे खरे व कायदेशीर नसल्‍याने ते सामनेवाला क्र. 7 यांना कबुल नसल्‍याचे प्रतिपादन केलेले आहे. तसेच सामनेवाला क्र. 7 यांनी सप्‍तश्रृंगी माता अर्बन क्रेडीट सोसायटी, भुसावळ चे संचालक पदाचा सन 2006 साली राजीनामा दिलेला असल्‍याने त्‍यांचा संबंधीत संस्‍थेशी कोणताही संबंध राहीलेला नाही तसेच तक्रारदाराने ठेवलेल्‍या ठेव रक्‍कमा देखील सामनेवाला यांना मान्‍य नाहीत. तक्रारदाराची मागणी ही खोटी असल्‍याने सामनेवाला कोणत्‍याही नुकसानीस जबाबदार नाही सबब तक्रारदाराचा अर्ज सामनेवाला क्र. 7 विरुध्‍द खर्चासह रद्य करुन सामनेवाला क्र. 7 यांना तक्रारदाराकडुन कॉम्‍पेनसेटरी कॉस्‍ट रु.10,000/- मिळावी अशी विनंती सामनेवाला क्र. 7 यांनी केली आहे.
3. सामनेवाला क्र. 1 ते 3 यांना या मंचातर्फे पाठविलेली रजिस्‍ट्रर ए.डी.नोटीस स्विकारण्‍यास त्‍यांनी नकार दिल्‍याने सदर नोटीस मंचाकडे परत आलेली आहे. सबब सामनेवाला क्र. 1 ते 3 विरुध्‍द तक्रार एकतर्फा निकालासाठी घेतली. सामनेवाला क्र. 4 ते 6 व सामनेवाला क्र.8 ते 16 यांचेविरुध्‍द जाहिर वर्तमानपत्रात नोटीस प्रसिध्‍दीस देऊन देखील त्‍यांनी नेमलेल्‍या तारखेला हजर न राहीलेमुळे सामनेवाला क्र. 4 ते 6 व सामनेवाला क्र.8 ते 16 यांचेविरुध्‍द तक्रार एकतर्फा निकालासाठी घेतली.
3. तक्रारदार यांची तक्रार, सामनेवाला क्र. 7 यांचे लेखी म्‍हणणे व त्‍यांनी दाखल केलेले कागदपत्रे याचे अवलोकन केले असता व तक्रारदार यांचे वकील यांचा युक्‍तीवाद ऐकला असता न्‍यायनिवाडयासाठी पुढील मुद्ये उपस्थित होतातः-
1. तक्रारदार हा ग्राहक संरक्षण कायदा, 1986 चे कलम 2(1)
प्रमाणे ग्राहक आहे काय ? .......होय
2. सामनेवाला यांनी तक्रारदार यांना योग्‍य ती सेवा न
देऊन आपल्‍या सेवेत कसूर केला आहे काय ? ...... होय
म्‍हणून आदेश काय अंतिम आदेशाप्रमाणे
निष्‍कर्षाची कारणेः-
4. मुद्या क्रमांक 1 तक्रारदार यांनी तक्रारीत निशाणी 3अंतर्गत दाखल केलेल्‍या पावतीचे अवलोकन केले असता असे दिसून येते की, तक्रारदार यांनी काही रक्‍कम सामनेवाला यांचे पतसंस्‍थेत ठेव म्‍हणून ठेवलेली आहेत. सबब सदरील कागदपत्रावरुन दिसून येते की, तक्रारदार हा सामनेवाला यांचा ग्राहक संरक्षण कायदा, 1986 चे कलम 2(1) ड नुसार ग्राहक आहे.
5. मुद्या क्रमांक 2 दुसरी बाब अशी की, सामनेवाला यांनी तक्रारदार यास सेवा देण्‍यास कसूर केला आहे काय याबाबत मंचाचे लक्ष तक्रारदार यांनी सामनेवाला पतसंस्‍थेत रक्‍कम गुंतवणूक केलेल्‍या पावतीकडे वेधले असता असे दिसून येते की, ठेवीची मुदत संपल्‍यानंतर किंवा मुदत संपण्‍याआधी ठेवीदाराने सदरील रक्‍कमेची मागणी केल्‍यास ग्राहकांना त्‍यांच्‍या ठेवीच्‍या रक्‍कमा त्‍यांचे मागणीनुसार न देणे किंवा टाळाटाळ करणे हा ग्राहकाचा वाद आहे. सदरील मुदत ठेवीची रक्‍कमेची मागणी तक्रारदार यांनी सामनेवाला यांचेकडे केली असल्‍याचे तक्रारीतील कागदपत्रावरुन दिसून येते. परंतु सामनेवाला यांनी ती देण्‍यास वेळोवेळी नकार दिलेला आहे, सामनेवाला यांनी सदरील रक्‍कम तक्रारदार यांना नियमाप्रमाणे परत केलली नाही व सदरील रक्‍कम आपल्‍या फायद्याकरीता मुद्याम स्‍वतःकडे ठेऊन घेतली आहे. त्‍यामुळे तक्रारदार यास नाईलाजास्‍तव सदरील तक्रार दाखल करणे भाग पडले आहेतसेच सदरील तक्रार दाखल केल्‍यानंतर व तक्रारदार यांनी तक्रारीत त्‍यांचे शपथपत्रा दाखल केल्‍यानंतरही सदरील रक्‍कम तक्रारदार यास परत न करुन सामनेवाला यांनी अनुचित व्‍यापारी प्रथेचा अवलंब करुन आपल्‍या सेवेत कसूर केलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार हा सामनेवाला यांचेकडून त्‍यांची ठेव रक्‍कम व्‍याजासह परत मागणेस व नुकसान भरपाईची रक्‍कम मागणेस हक्‍कदार आहे.
6. तसेच सामनेवाला यांचे कर्मचारी यांचा विचार करता, सामनेवाला , त्‍यांचे चेअरमन व संचालक मंडळ यांनी केलेल्‍या कृत्‍याबद्यल सामनेवाला यांचे कर्मचारी यांना दोषी धरता येणार नाही म्‍हणून त्‍यांचे विरुध्‍दची तक्रार फेटाळण्‍यात येते.
7. उचित सेवा न देणे किंवा सेवेतील त्रुटी / कुचराई याबाबतीत सामनेवाला यांचा विचार करावयाचा झाल्‍यास , सामनेवाला किंवा त्‍यांचे कार्यकारी संचालक मंडळ यांची प्राथमिक जबाबदारी ठरते की, त्‍यांनी तक्रारदार काय किंवा इतर ठेवीदारांच्‍या ठेवी, संबंधीतांच्‍या ठेवीच्‍या मुदती संपल्‍यानंतर किंवा संपण्‍याआधी मागणी केल्‍यास त्‍या वेळचेवेळेवर परत करणे हे सामनेवाला यांचे नैतिक किंवा आवश्‍यक कर्तव्‍य आहे. कारण ठेवीदारांनी सदरील ठेवी हया सामनेवाला किंवा त्‍यांचे कार्यकारी संचालक मंडळ यांचेवर विश्‍वास ठेऊन ठेवलेल्‍या असतात. म्‍हणून आम्‍ही या निष्‍कर्षाप्रत पोहोचलो आहेत की, सामनेवाला किंवा त्‍यांचे कार्यकारी संचालक मंडळ हे स्‍वतंत्ररित्‍या व संयुक्‍तरित्‍या तक्रारदार यांच्‍या ठेवीच्‍या रक्‍कमा व्‍याजासह परत करणेस जबाबदार आहेत.
सामनेवाला क्र. 7 यांनी त्‍यांचे संचालक पदाचा राजीनामा दिलेला आहे असे आपल्‍या खुलाश्‍यात म्‍हटलेले आहे. परंतु त्‍यांचा राजीनामा सामनेवाला पतसंस्‍थेने मंजुर केला किंवा कसे याबाबत सामनेवाला पतसंस्‍थेचे प्रोसेडींग बुक दाखल केलेले नाही. तसेच राजीनामा मंजुर झालेबाबत अन्‍य कोणताही पुरावा दाखल केलेला नसल्‍याने त्‍यांचे नांव या तक्रारीतुन वगळता येऊ शकत नाही. सबब मंच पुढील आदेश पारीत करीत आहे.
आ दे श
( अ ) तक्रारदार यांचा तक्रारी अर्ज अंशतः मंजूर करण्‍यात येतो.
( ब ) सामनेवाला क्रं. 1 ते 16 यांना असे निर्देशित करण्‍यात येते की, त्‍यांनी तक्रारदार यांची मुदत ठेव पावती क्रमांक तसेच सेव्‍हींग खात्‍यावरील आदेश क्रमांक 1 मध्‍ये नमुद केलेप्रमाणे मॅच्‍युअर्ड झालेली असल्‍याने त्‍यावरील मुदती अंती देय असलेल्‍या रक्‍कमा त्‍या त्‍या पावतीवरील देय तारखेनंतर ( मुदत ठेवीचा कालावधी संपल्‍यापासून ) एकत्रित रक्‍कमेवर द.सा.द.शे . 5 टक्‍के व्‍याजासह तक्रारदार यांना आदेश दिनांकापर्यंत देण्‍यात यावेत.
( क ) सामनेवाला क्रं. 1 ते 16 यांना असेही निर्देशित करण्‍यात येते की, त्‍यांनी तक्रारदार यास झालेल्‍या मानसिक, शरिरिक व आर्थिक त्रासापोटी रक्‍कम रुपये2000/- नुकसान भरपाई म्‍हणून देण्‍यात यावे.
( ड ) सामनेवाला क्रं. 1 ते 16 यांना असेही निर्देशित करण्‍यात येते की, त्‍यांनी तक्रारदार यास सदरील तक्रारीचे खर्चापोटी रक्‍कम रुपये 1000/- देण्‍यात यावे.
( इ ) सामनेवाला क्रं. 1 ते 16 यांना असेही निर्देशित करण्‍यात येते की, त्‍यांनी वरील सर्व रक्‍कमा तक्रारदार यांना सदरील आदेश पारीत केल्‍यापासून एक महिन्‍याच्‍या आत द्याव्‍यात अन्‍यथा वरील सर्व एकत्रित रक्‍कमेवर तक्रारदार यांना द.सा.द.शे . 6 टक्‍के व्‍याजासह संपूर्ण रक्‍कम फीटेपावेतो आदेश दिनांकापर्यंत देण्‍यात यावेत.
( ई ) सदरील तक्रारीच्‍या आदेशाची पुर्तता मुदतीत न केल्‍यास सामनेवाला क्रं. 1 ते 16 हे ग्राहक संरक्षण कायदा 1986चे कलम 25 व 27 प्रमाणे कार्यवाहीस पात्रा ठरतील.
( फ ) उभयपक्षकारांना आदेशाची सही शिक्‍क्‍याची प्रत निःशुल्‍क देण्‍यात यावी.
ज ळ गा व
दिनांकः- 01/07/2009
(श्री.चंद्रकांत मोहन येशीराव ) ( श्री.बी.डी.नेरकर )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव
