सदर प्रकरणी दोन्‍ही पक्षांचा युक्‍तीवाद ऐकला. सदर प्रकरणामध्‍ये जी जमिन गैरअर्जदार क्र. 1 च्‍या मालकीची नव्‍हती, ती जमिन विक्रीचा व्‍यवहार गैरअर्जदार क्र. 1 ने पॉवर ऑफ अटर्नीच्‍या आधारे केला होता असे सुनावणी दरम्‍यान स्‍पष्‍ट होते व ही बाब गैरअर्जदार मान्‍य करतात. तक्रारकर्त्‍यांना यासंबंधीची अनिश्चित स्‍वरुपाची माहिती 2008 मध्‍ये समजल्‍याचे नमूद केले व पुढे तक्रारकर्त्‍याने चौकशी केली आणि संबंधित जमिन बाबतचा 7/12 चा उतारा 2010 मध्‍ये काढला. जेव्‍हा त्‍यास गैरअर्जदार क्र. 4 ने ही जमिन घेतल्‍याचे आढळून आले. थोडक्‍यात संपूर्ण व्‍यवहार संशयास्‍पद आहे. यामध्‍ये विलंब जरीही झाला असला तरीही मंचाचे मते सदर विलंब विशिष्‍ट परिस्‍थीतीत माफ करण्‍याजोगा आहे. म्‍हणून तक्रारकर्त्‍याचा‍ विलंब माफीचा अर्ज मंजूर. तक्रार नोंदविण्‍यात यावी व गैरअर्जदारांना नोटीस काढावा.