तक्रारदारतर्फे ग्राहक संरक्षण कायदा 2019 चे कलम 40 प्रमाणे दाखल पुनर्विलोकन अर्जावरील आदेश

 (दि. 20/07/2022 रोजी पारीत)

द्वारा – मा. सौ. सविता प्र. भोसले, अध्‍यक्षा

(1)   ग्राहक तक्रारअर्ज क्र.324/2016 चे कामी दि. 28/02/2022 रोजी मा. आयोगाने केलेला आदेश हा प्रस्‍तुत पुनर्विलोकन अर्जाचा विषय आहे.  त्‍याअनुषंगाने आयोगाने ग्राहक संरक्षण कायदा 2019 चे कलम 40 चे अवलोकन केले.

Sec. 40 – District Commission shall have the power to review any of the order passed by it if there is an error apparent on the face of record, either of its own motion on an application made by any of the parties within 30 days of such order

(2)   सबब, प्रस्‍तुतकामी सदरचा आदेश हा ता. 28/02/2022 रोजी पारीत झालेला असून तक्रारदाराने सदरचा अर्ज दि.20/7/2022 रोजी म्‍हणजेच 30 दिवसांचे मुदतीनंतर दाखल केलेला आहे.  सबब, तक्रारदारांना सदरचा अर्ज दाखल करणेस विलंब झालेला आहे.  मात्र सदरचे अर्जासोबत अर्जदाराने विलंबमाफी अर्ज दाखल केला आहे.  सदरचे विलंब माफी अर्जानुसार अर्जदार यांना ग्राहक तक्रार अर्ज क्र. 324/2016 चे दि. 20/02/22 रोजी झाले आदेशाची प्रत दि. 08/06/2022 रोजी मिळालेचे कथन केले आहे.  मात्र जरी सदरचा विलंब माफी अर्ज मंजूर करणेचे निष्‍कर्षाप्रत हे आयोग आले तरी सुध्‍दा मे. आयोगाने पारीत केलेला दि. 28/02/2022 चा आदेश आयोगाने गुणदोषावर निर्णीत केलेला असून सदरचे आदेशामध्‍ये कोणतीही error apparent on the face of record दिसून येत नाही.  सबब, या सर्व बाबींचा विचार करता, प्रस्‍तुतचा अर्ज नामंजूर करणेचे निष्‍कर्षाप्रत हे आयोग येत आहे.  सबब आदेश.

आ दे श

1.    प्रस्‍तुतचा पुनर्विलोकन अर्ज नामंजूर करणेत येतो.

2.   खर्चाबाबत आदेश नाहीत.