जिल्‍हा ग्राहक तक्रार निवारण न्‍यायमंच, धुळे.
ग्राहक तक्रार क्रमांक – २०५/२०११
तक्रार दाखल दिनांक – २९/११/२०१२
तक्रार निकाली दिनांक – १५/०५/२०१३
१) श्री. तुषार शामराव बेहेरे (पाटील)
उ.व. ४९ वर्षे, धंदा - शेती
राहणार - प्‍लॉट नं.३, संतगाडगे बाबा हौसिंग सोसा.
दत्‍तमंदिर चौक, देवपुर धुळे ता.जि. धुळे. ................ तक्रारदार
विरुध्‍द
सहकार मित्र श्री. चंद्रकांत हरी बढे सर
अर्बन को-ऑप. क्रेडिट सोसायटी लि.
वरणगांव, जि. जळगांव (शाखा – धुळे)
(नोटीसीची बजावणी मॅनेजर यांचेवर व्‍हावी)
१. श्री.विनोद कांदीले
रा. दत्‍तमंदिर चौक, देवपूर धुळे. ............ सामनेवाला
न्‍यायासन
(मा.अध्‍यक्षा – सौ.व्‍ही.व्‍ही. दाणी)
(मा.सदस्‍या – सौ.एस.एस.जैन)
उपस्थिती
(तक्रारदारा तर्फे – अॅड.एस.वाय. शिंपी)
(विरुध्‍दपक्ष तर्फे – अॅड.सौ.आर.आर. निकुंभ)
निकालपत्र
(दवाराः मा.सदस्‍या – सौ.एस.एस.जैन)
तक्रारदार यांनी सामनेवाला यांच्‍या पतसंस्‍थेत सेव्‍हींग खात्‍यात वर्ग करून दिलेली मुदत ठेवीची रक्‍कम मागणी करुनही परत दिली नाही म्‍हणून त्‍यांनी प्रस्‍तुत तक्रार या मंचात दाखल केली आहे.
१. तक्रारदार यांची थोडक्‍यात अशी तक्रार आहे की, तक्रारदार यांनी सामनेवाला ‘सहकार मित्र श्री. चंद्रकांत हरी बढे सर अर्बन को. ऑप. क्रेडिट सोसायटी लि.’ (यापुढे संक्षीप्‍तेसाठी पतसंस्‍था असे संबोधण्‍यात येईल) या पतसंस्‍थेत सेव्‍हींग खाते नं.१३/१५३ मध्‍ये दि.२७/१०/१२ रोजी सामनेवाला यांनी मुदत ठेवीची वर्ग करून दिलेली रक्‍कम रू.१,३१,५५४/- होती.
२. तक्रारदार यांनी सामनेवाला यांच्‍याकडे वरील देय रक्‍कमेची वेळोवेळी मागणी केली असता सामनेवाला यांनी सदरील रक्‍कम तक्रारदार यांना दिली नाही. सबब तक्रारदार यांनी सामनेवाला यांच्‍याकडून सेव्‍हींग खात्‍यात असेलेली रक्‍कम रू.१,३१,५५४/- द.सा.द.शे. १२% प्रमाणे व्‍याजासह मिळावी, तसेच मानसिक त्रासापोटी रू.१५,०००/- व तक्रार अर्जाचा खर्च रू.१०,०००/- सामनेवाला यांचेकडून मिळावेत, याकामी सदरचा तक्रार अर्ज दाखल करण्‍यात आला.
तक्रारदार यांनी आपल्‍या म्‍हणण्‍याच्‍या पृष्‍ठयार्थ, बचत खाते क्रं.१३/१५३ ची छायांकित प्रत दाखल केली आहे.
२. सामनेवाला यांनी लेखी खुलासा दाखल केलेला आहे. त्‍यांनी आपल्‍या लेखी खुलाश्‍यात असे म्‍हटले आहे की, तक्रारदार यांचा अर्ज चुकीचा व खोटा असुन तो मान्‍य नाही. तक्रारदार यांच्‍या सेव्हिंग खात्‍यातून कर्ज वसुलीतुन जशी रक्‍कम येईल त्‍या पध्‍दतीने रकमा अदा करण्‍यात येईल. परंतु तक्रारदारने एकरकमेची मागणी केल्‍याने, पतसंस्‍थेच्‍या आर्थिक अडचणीमुळे शक्‍य नाही.
३. तक्रारदारांचा तक्रार अर्ज, शपथपत्र व पुराव्‍यासाठी दाखल कागदपत्रे पाहता, तसेच सामनेवाला यांचा खुलासा आणि दोन्‍ही पक्षांच्‍या विदवान वकीलांनी केलेला युक्तिवाद ऐकल्‍यानंतर, आमच्‍यासमोर निष्‍कर्षासाठी खालील मुददे उपस्थित होतात व त्‍याची उत्‍तरे आम्‍ही सकारण खालील प्रमाणे देत आहोत.
मुददे निष्‍कर्ष
१. तक्रारदार हे सामनेवाले यांचे ग्राहक आहेत काय ? होय
२. सामनेवाला यांनी तक्रारदार यांना सेवा देण्‍यात
कमतरता केली आहे काय ? होय
३. तक्रारदार हे सामनेवाला यांच्‍याकडून देय रक्‍कम
व त्‍यावरील व्‍याज मिळण्‍यास पात्र आहेत काय ? होय
४. तक्रारदार हे सामनेवाला यांच्‍याकडून मानसिक
त्रास व तक्रार अर्जाच्‍या खर्चापोटी रक्‍कम वसुल होऊन
मिळण्‍यास पात्र आहेत काय ? होय
५. अंतिम आदेश ? आदेशाप्रमाणे
४. मुद्दा क्र.१- तक्रारदार यांनी बचत खाते क्रं.१३/१५३ ची छायांकिेत प्रत दाखल केली आहे. सामनेवाला यांनी तक्रारदार यांची बचत खात्‍यावरील रक्‍कम नाकारलेली नाही. बचत खातेमधील असलेली रक्‍कम यांचा विचार होता तक्रारदार हे सामनेवाला यांचे ग्राहक आहेत असे या मंचाचे मत आहे. म्‍हणून मुद्दा क्र.१ चे उत्‍तर आम्‍ही होकारार्थी देत आहोत.
५. मुद्दा क्र.२- प्रस्‍तुत प्रकरणात तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेत मुदत ठेव पावती अन्‍वये बचत खात्‍यात वर्ग केलेली रक्‍कम गुंतविली होती ही बाब सिध्‍द होते. तक्रारदार यांनी सामनेवाला यांच्‍याकडे गुंतवलेली रक्‍कम परत करणे हे पतसंस्‍थेचे कर्तव्‍य होते. परंतू मागणी करुनही रक्‍कम न देणे ही सामनेवाला यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा क्र.२ चे उत्‍तर आम्‍ही होकारार्थी देत आहोत.
६. मुद्दा क्र.३- तक्रारदार यांनी दाखल केलेली बचत खात्‍यामधील व्‍याजासह होणारी रक्‍कम सामनेवाला ‘सहकार मित्र श्री. चंद्रकांत हरी बढे सर अर्बन को. ऑप. क्रेडिट सोसायटी लि’ यांच्‍याकडून मिळावी अशी मागणी केलेली आहे. सामनेवाला यांच्‍यातर्फे पतसंस्‍थेचे मॅनेजर हजर झालेले आहेत. परंतू या संदर्भात मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.5223/09 सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.
As has been recorded above, I am of the view that a society registered under the provision of Maharashtra Co-operative Societies Act 1960, although can be proceededagainst and a complaint under the provision of Consumer Protection Act is entertain ableagainst the society, the Directors of members of the managing committee cannot be heldresponsible in view of the scheme of Maharashtra Co-operative Societies Act. To holdthe Directors of the banks/members of the managing committee of the societiesresponsible, without observing the procedure prescribed under the Act, would also beagainst the principles of co-operation, which is the very foundation of establishment oftheco-operative societies.
वरील न्‍यायिक दृष्‍टांतामध्‍ये संचालकांना रक्‍कम देण्‍यासाठी वैयक्‍तीकरित्‍या जबाबदार ठरविता येणार नाही असे तत्‍व विषद करण्‍यात आले आहे. त्‍यामुळे सामनेवाला मॅनेजर यांना वैयक्तिकरित्‍या जबाबदार ठरविता येणार नाही. या सर्व बाबींचा विचार होता तक्रारदार हे सामनेवाला ‘सहकार मित्र श्री. चंद्रकांत हरी बढे सर अर्बन को. ऑप. क्रेडिट सोसायटी लि’ यांचेकडून बचत खातेमधील एकूण रक्‍कम रू.१,३१,५५४/- सदर आदेश तारखे पासून रक्‍कम फीटेपर्यंत द.सा.द.शे.६ टक्‍के दरा प्रमाणे व्‍याजासह, अशी एकूण रक्‍कम मिळण्‍यास पात्र आहेत असे या मंचाचे मत आहे. म्‍हणून मुद्दा क्र.३ चे उत्‍तर आम्‍ही होकारार्थी देत आहोत.
७. मुद्दा क्र.४- तक्रारदार यांनी दाखल केलेली बचत खात्‍यातील व्‍याजासह होणारी रक्‍कम सामनेवाला यांच्‍याकडुन परत मिळावी म्‍हणून तक्रारदार यांना सामनेवाला यांच्‍या विरुध्‍द या मंचात दाद मागावी लागली आहे. त्‍यामुळे मानसिक त्रास सहन करावा लागलेला आहे व अर्ज दाखल करण्‍यासाठी खर्चही करावा लागलेला आहे. सबब तक्रारदार हे सामनेवाला यांच्‍या कडून मानसिक त्रासापोटी रु.१०००/- व अर्जाच्‍या खर्चापोटी रक्‍कम रू.५००/- वसुल होऊन मिळण्‍यास पात्र आहे असे या मंचाचे मत आहे. म्‍हणून मुदद क्रं.४ चे उत्‍तर आम्‍ही होकारार्थी देत आहोत.
८. मुद्दा क्र.५- तक्रारदार व सामनेवाले यांचे अर्ज, प्रतिज्ञापत्र व दाखल केलेली सर्व कागदपत्रे व दोन्‍ही वकीलांचा युक्तिवाद तसेच वरील सर्व विवेचन यांचा विचार होऊन पुढील प्रमाणे आदेश करण्‍यात येत आहे.
आ दे श
१. तक्रारदार यांचा तक्रार अर्ज मंजूर करण्‍यात येत आहे.
२. सामनेवाला यांनी, सदर आदेशाचे तारखेपासून पुढील तीस दिवसांचे
आत, तक्रारदारांना खालील प्रमाणे रक्‍कमा दयाव्‍यात.
(१) बचत खात्‍यातील असलेली देय रक्‍कम रू.१,३१,५५४/- (अक्षरी रूपये एक लाख एकतीस हजार पाचशे चोपन्‍न मात्र) व या रकमेवर आदेश दिनांकापासुन द.सा.द.शे. ६ टक्‍के दराने संपूर्ण रक्‍कम फिटेपर्यंत व्‍याज दयावे.
(२) मानसिक त्रासापोटी रक्‍कम रू.१,०००/- (अक्षरी रू. एक हजार मात्र) व
अर्जाचे खर्चापोटी रक्‍कम रू.५००/- (अक्षरी रू. पाचशे मात्र) दयावेत.
३. वर नमुद आदेशाची अमंलबजावणी (अध्‍यक्ष/संचालक/व्‍यवस्‍थापक/ अवसायक) यापैकी वेळोवेळी जे कोणी पतसंस्‍थेचा कारभार पाहात असतील त्‍यांनी करावी. तसेचक्र.२मधीलरकमेपैकीकाहीरक्‍कम अगर व्‍याज दिले असल्‍यास, त्‍यावर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
(सौ.एस.एस. जैन) (सौ.व्‍ही.व्‍ही. दाणी)
सदस्‍या अध्‍यक्षा
जिल्‍हा ग्राहक तक्रार निवारण न्‍यायमंच, धुळे.
