जिल्‍हा ग्राहक तक्रार निवारण न्‍याय मंच,जळगाव यांचे समोर. . . . .
तक्रार क्रमांक 739/2008
तक्रार पंजीबध्‍द करण्‍यात आले तारीखः – 11/06/2008
सामनेवाला यांना नोटीस लागलेली तारीखः 09/07/2008.
तक्रार निकाली काढणेत आली तारीखः- 01/08/2009
1. श्री.अशोक नामदेव भोळे,
उ.व.55 वर्षे, धंदाः नौकरी,
2. सौ.शोभना अशोक भोळे,
उ.व.48 वर्षे, धंदाः घरकाम,
दोघे रा.जुन्‍या पाण्‍याच्‍या टाकी जवळ,
मु.पो.कंडारी, ता.भुसावळ, जि.जळगांव. .......... तक्रारदार
विरुध्‍द
1. साधना अर्बन को.ऑप.क्रेडीट सोसायटी लि. भुसावळ, जि.जळगांव.
संतकुटी, पहीला माळा, जामनेर रोड, भुसावळ 425 201.
2. श्री.पोपट काशिनाथ पाटील,
2.रा.तापीनगर, हिंदू हौसिंग सोसायटी,
सप्‍तश्रृंगी देवी मंदीरासमोर, भुसावळ, ता.भुसावळ,जि.जळगांव.
3. श्री.घनःश्‍याम देवचंद राणे,
रा.सहकार नगर, पत्री शाळे मागे, भुसावळ,ता.भुसावळ,जि.जळगांव.
4. श्री.मनोहर सोपान इंगळे,
संतकुटी, पहीला माळा, जामनेर रोड, भुसावळ 425 201.
5. श्री.पंकज विनय चौधरी,
रा.म्‍युनिसिपल स्‍टॉफ कॉलनी, जामनेर रोड, भुसावळ,जि.जळगांव.
6. (श्री.रमेश प्रभाकर डकारे ) ( दि.18/5/2009 रोजीचे आदेशानुसार वगळले)
रा.कन्‍हैयालाल प्‍लॉट, अष्‍टभुजादेवी मंदीरामागे,
दत्‍त मंदीरा समोर, जामनेर रोड, भुसावळ, जि.जळगांव.
7. श्री.अनिल तुकाराम चौधरी,
रा.नवजीवन मेडीकल एजन्‍सी, सहकार नगर, भुसावळ,जि.जळगांव.
8. श्री.सुर्यभान दत्‍तू पाटील,
रा.शांतीनगर, कोटेचा महीला महाविद्यालयापुढे,
(सुयश कॉमर्स क्‍लासेस ) भुसावळ, जि.जळगांव.
9. श्री.किशोर पंढरीनाथ ठाकरे,
रा.जळगांव रोड, मोबाईल टॉवर जवळ,
पगारीया ऑटो सेंटर मागे, भुसावळ, जि.जळगांव.
10. श्री.राजेश प्रभाकर पाटील,
रा.न्‍यू ई 56/6, दिपनगर, ता.भुसावळ, जि.जळगांव.
11. श्री.अजय विष्‍णू महाजन,
रा.मोरेश्‍वर नगर, जळगांव रोड, भुसावळ, जि.जळगांव.
12. श्री.गोपाळ निवृत्‍ती चौधरी,
रा.व्‍दाराः श्री.बाळकृष्‍ण निवृत्‍ती चौधरी,
न्‍यू ई 30/4, दिपनगर, ता.भुसावळ, जि.जळगांव.
13. सौ.साधना रविंद्र झांबरे,
रा.मंदार अपार्टमेंट, गोपाळ नगर पोलीस चौकी मागे,
भुसावळ, ता.भुसावळ, जि.जळगांव.
14. सौ.मनिषा बाळकृष्‍ण चौधरी,
रा.न्‍यू ई 30/4, दिपनगर, ता.भुसावळ, जि.जळगांव.
15. सौ.सुनिता मदनलाल महाजन,
रा.सहकार नगर, सुनील प्रिंटींग प्रेस समोर,
भुसावळ, ता.भुसावळ, जि.जळगांव. ....... सामनेवाला.
न्‍यायमंच पदाधिकारीः-
श्री. बी.डी.नेरकर अध्‍यक्ष.
अड. श्री.चंद्रकांत मोहन येशीराव सदस्‍य.
अंतिम आदेश
( निकाल दिनांकः 01/08/2009)
(निकाल कथन न्‍याय मंच अध्‍यक्ष श्री. बी.डी.नेरकर यांचेकडून )
तक्रारदार तर्फे श्री संजय एम.राणे वकील हजर
सामनेवाला क्रं. 7 स्‍वतः (से दाखल)
सामनेवाला क्र. 6 तर्फे श्री.संजय जी.शर्मा वकील हजर.(से दाखल)
सामनेवाला क्र.2,3,4,8,9,13 व 15 तर्फे श्री.पी.व्‍ही.पाटील वकील हजर.
सामनेवाला क्र. 1,3,5,10,11,12,14 व 15 एकतर्फा.
सदर प्रकरण तक्रारदार यांनी सामनेवाला यांचेविरुध्‍द ग्राहक संरक्षण कायदा, 1986 चे कलम 12 प्रमाणे दाखल केलेले आहे. संक्षिप्‍तपणे प्रकरणाची हकिकत खालीलप्रमाणे आहेः-
1. सामनेवाला ही महाराष्‍ट्र को-ऑपरेटीव्‍ह सोसायटी अक्‍ट 1960 चे कायद्यान्‍वये स्‍थापन झालेली एक नोंदणीकृत नामांकीत पतसंस्‍था आहे. सदरील सामनेवाला यांचे जळगाव जिल्‍हयात वेगवेगळया ठिकाणी शाखा आहेत. वेगवेगळया प्रकारच्‍या ठेवी स्विकारणे, त्‍यावर व्‍याजदेणे, कर्ज वाटप करणे इत्‍यादी सामनेवाला या पतसंस्‍थेचे कार्य आहेत. सामनेवाला ही एक नामांकीत पतसंस्‍था असल्‍याने इतर ठेवीदारांप्रमाणे तक्रारदार यांनी सामनेवाला या पतसंस्‍थेत पुढील प्रमाणे रक्‍कम गुंतविलेल्‍या आहेत, त्‍याचा तपशील पुढील प्रमाणेः-
अ.क्र. | पावती क्रमांक | ठेव दिनांक | रक्‍कम रुपये | देय तारीख |
1 | 311 | 26/05/2003 | 20,000/- | 26/02/2008 |
2 | 312 | 26/05/2003 | 20,000/- | 26/02/2008 |
3 | 313 | 26/05/2003 | 20,000/- | 26/02/2008 |
4 | 314 | 26/05/2003 | 20,000/- | 26/02/2008 |
5 | 315 | 26/05/2003 | 20,000/- | 26/02/2008 |
तक्रारदार यांनी वरील ठेव ठेवलेल्‍या मुदत ठेव पावत्‍यांची मुदत संपलेली असल्‍याने व तक्रारदार यांना आर्थिक गरज असल्‍याने , तक्रारदार हे त्‍यांची मुदत ठेवीची रक्‍कम सामनेवाला यांचेकडे व्‍याजासह मागणेसाठी गेले असता सामनेवाला यांनी तक्रारदार यांना उडवाउडवीची उत्‍तरे देऊन व पैसे देण्‍यास टाळाटाळ करुन सामनेवाला यांनी तक्रारदार यांचे ठेवीची रक्‍कम देण्‍यास नकार दिलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार यांनी त्‍यांच्‍या मुदत ठेवीची रक्‍कम व्‍याजासह परत मिळणेकामी तसेच त्‍यांना झालेल्‍या त्रासापोटी नुकसान भरपाई मिळणेसाठी सामनेवाला यांचेविरुध्‍द सदरील तक्रार दाखल केलेली आहे.
2. सदरची तक्रार पंजीबध्‍द करण्‍यात आल्‍यानंतर , सामनेवाला यांना ग्राहक संरक्षण कायदा, 1986 चे कलम 13(1) ब प्रमाणे नोटीसा काढण्‍यात आल्‍या. त्‍याप्रमाणे सामनेवाला क्र. 6,7 तसेच 2,4,8,9 व 13 यांनी तक्रारदाराचे तक्रारीस म्‍हणणे सादर केलेले आहे. सामनेवाला क्रमांक 1,3,5,10,11,12,14 व 15 यांना मंचातर्फे पाठविलेल्‍या रजिष्‍ट्रर ए.डी.नोटीसा प्राप्‍त होऊन देखील सामनेवाला हजर झाले नाहीत अगर लेखी म्‍हणणे सादर न केल्‍याने सामनेवाला क्र. 1,3,5,10,11,12,14 व 15 यांचेविरुध्‍द एकतर्फा आदेश पारीत करण्‍यात आला. सामनेवाला क्र. 6 यांना प्रस्‍तुत तक्रारीतुन तक्रारदाराने दि.18/5/2009 रोजी दिलेल्‍या विनंती पुरसीस अन्‍वये वगळण्‍यात आलेले आहे.
3. सामनेवाला क्र. 7 यांनी तक्रारदाराच्‍या तक्रारीस म्‍हणणे सादर केलेले असुन तक्रारीतील संपुर्ण मजकुर नाकारलेला आहे. सामनेवाला हे साधना अर्बन को.ऑप क्रेडीट सोसायटीचे माजी संचालक असुन त्‍यांनी दि.3/10/2006 रोजी राजीनामा दिलेला असुन सतत तीन वर्षापासुन संस्‍थेच्‍या कोणत्‍याही व्‍यवहार / निर्णय
यांचेशी त्‍यांचा काहीएक संबंध नाही. मुदत ठेव पावतीवर सामनेवाला यांनी सही केलेली नाही सबब तक्रारीत मागणी केलेली रक्‍कम देण्‍यास सामनेवाला व्‍यक्‍तीशः जबाबदार नाहीत. सबब तक्रारीतुन या सामनेवाला क्र. 7 चे नांव वगळण्‍यात यावे अशी विनंती सामनेवाला क्र. 7 यांनी केलेली आहे.
4. सामनेवाला क्र. 4 यांनी तक्रारदाराची तक्रार नाकारली आहे. सामनेवाला हे विक्रेते नाहीत तसेच तक्रारदार हे सामनेवाला यांचे ग्राहक नाहीत त्‍यामुळे प्रस्‍तुत तक्रार ग्राहक संरक्षण कायदयाचे कक्षेत येत नाही. तक्रारदाराने सामनेवाला यांना चुकीने सामील केलेले आहे. सामनेवाला यांनी तक्रारदारास कधीही आश्‍वासन दिलेले नव्‍हते. तक्रारदाराने मे.कोर्टाची दिशाभुल करुन रक्‍कमेचे वसुलीकरिता प्रस्‍तुत खोटा अर्ज दाखल केलेला आहे. सबब नुकसानी दाखल तक्रारदाराकडुन रु.10,000/- मिळावेत अशी विनंती सामनेवाला क्र. 4 यांनी केली आहे.
5. सामनेवाला क्र. 2,8,9 व 13 यांनी तक्रारदाराची तक्रार नाकारली आहे. सामनेवाला हे विक्रेते नाहीत तसेच तक्रारदार हे सामनेवाला यांचे ग्राहक नाहीत त्‍यामुळे प्रस्‍तुत तक्रार ग्राहक संरक्षण कायदयाचे कक्षेत येत नाही. तक्रारदाराने सामनेवाला यांना चुकीने सामील केलेले आहे. सामनेवाला यांनी तक्रारदारास कधीही आश्‍वासन दिलेले नव्‍हते. तक्रारदार म्‍हणतो त्‍या रक्‍कमा एकाच वेळी देणे शक्‍य नाही कारण सामनेवाला यांनी लोकांना दिर्घ मुदतीचे कर्ज दिलेले आहे व ते कर्ज वसुल न झाल्‍यामुळे रक्‍कमा एकाच वेळी देणे शक्‍य नाही. तसेच जशी जशी वसुली होईल त्‍याप्रमाणे रक्‍कमा देण्‍याचे आदेश सहायक निबंधक यांनी दिलेले आहेत. सामनेवाला यांनी तक्रारदारास कधीही उडवाउडवीची उत्‍तरे दिलेली नाहीत अगर रक्‍कम देण्‍यास टाळाटाळही केलेली नाही. तक्रार अर्जातील इतर मागण्‍या खोटया असल्‍यामुळे त्‍या सामनेवाला यांना मान्‍य नाहीत. सामनेवाला यांचा सल्‍ला न जुमानता तक्रारदाराने कोर्टाची दिशाभुल करुन रक्‍कमेचे वसुलीकरिता केलेला प्रस्‍तुतचा अर्ज रद्य करण्‍यात यावा व सामनेवाला यांना कॉम्‍पेनसेटरी कॉस्‍ट दाखल रु.5,000/- मिळावेत अशी विनंती सामनेवाला क्रमांक 2,8,9 व 13 यांनी केली आहे.
6. तक्रारदार यांची तक्रार, सामनेवाला यांचे लेखी म्‍हणणे व त्‍यांनी दाखल केलेले कागदपत्रे याचे अवलोकन केले असता व उभयतांचा युक्‍तीवाद ऐकला असता न्‍यायनिवाडयासाठी पुढील मुद्ये उपस्थित होतातः-
1. तक्रारदार हा ग्राहक संरक्षण कायदा, 1986 चे कलम 2(1)
प्रमाणे ग्राहक आहे काय ? .......होय
2. सामनेवाला यांनी तक्रारदार यांना योग्‍य ती सेवा न
देऊन आपल्‍या सेवेत कसूर केला आहे काय ? ...... होय
म्‍हणून आदेश काय अंतिम आदेशाप्रमाणे
निष्‍कर्षाची कारणेः-
7. मुद्या क्रमांक 1 तक्रारदार यांनी तक्रारीत निशाणी 3अंतर्गत दाखल केलेल्‍या पावतीचे अवलोकन केले असता असे दिसून येते की, तक्रारदार यांनी काही रक्‍कम सामनेवाला यांचे पतसंस्‍थेत ठेव म्‍हणून ठेवलेली आहेत. सबब सदरील कागदपत्रावरुन दिसून येते की, तक्रारदार हा सामनेवाला यांचा ग्राहक संरक्षण कायदा, 1986 चे कलम 2(1) ड नुसार ग्राहक आहे.
8. मुद्या क्रमांक 2 दुसरी बाब अशी की, सामनेवाला यांनी तक्रारदार यास सेवा देण्‍यास कसूर केला आहे काय याबाबत मंचाचे लक्ष तक्रारदार यांनी सामनेवाला पतसंस्‍थेत रक्‍कम गुंतवणूक केलेल्‍या पावतीकडे वेधले असता असे दिसून येते की, ठेवीची मुदत संपल्‍यानंतर किंवा मुदत संपण्‍याआधी ठेवीदाराने सदरील रक्‍कमेची मागणी केल्‍यास ग्राहकांना त्‍यांच्‍या ठेवीच्‍या रक्‍कमा त्‍यांचे मागणीनुसार न देणे किंवा टाळाटाळ करणे हा ग्राहकाचा वाद आहे. सदरील मुदत ठेवीची रक्‍कमेची मागणी तक्रारदार यांनी सामनेवाला यांचेकडे केली असल्‍याचे तक्रारीतील कागदपत्रावरुन दिसून येते. परंतु सामनेवाला यांनी ती देण्‍यास वेळोवेळी नकार दिलेला आहे, सामनेवाला यांनी सदरील रक्‍कम तक्रारदार यांना नियमाप्रमाणे परत केलली नाही व सदरील रक्‍कम आपल्‍या फायद्याकरीता मुद्याम स्‍वतःकडे ठेऊन घेतली आहे. त्‍यामुळे तक्रारदार यास नाईलाजास्‍तव सदरील तक्रार दाखल करणे भाग पडले आहेतसेच सदरील तक्रार दाखल केल्‍यानंतर व तक्रारदार यांनी तक्रारीत त्‍यांचे शपथपत्रा दाखल केल्‍यानंतरही सदरील रक्‍कम तक्रारदार यास परत न करुन सामनेवाला यांनी अनुचित व्‍यापारी प्रथेचा अवलंब करुन आपल्‍या सेवेत कसूर केलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार हा सामनेवाला यांचेकडून त्‍यांची ठेव रक्‍कम व्‍याजासह परत मागणेस व नुकसान भरपाईची रक्‍कम मागणेस हक्‍कदार आहे.
9. उचित सेवा न देणे किंवा सेवेतील त्रुटी / कुचराई याबाबतीत सामनेवाला यांचा विचार करावयाचा झाल्‍यास, सामनेवाला किंवा त्‍यांचे कार्यकारी संचालक मंडळ यांची प्राथमिक जबाबदारी ठरते की, त्‍यांनी तक्रारदार काय किंवा इतर ठेवीदारांच्‍या ठेवी, संबंधीतांच्‍या ठेवीच्‍या मुदती संपल्‍यानंतर किंवा संपण्‍याआधी मागणी केल्‍यास त्‍या वेळचेवेळेवर परत करणे हे सामनेवाला यांचे नैतिक किंवा आवश्‍यक कर्तव्‍य आहे. कारण ठेवीदारांनी सदरील ठेवी हया सामनेवाला किंवा त्‍यांचे कार्यकारी संचालक मंडळ यांचेवर विश्‍वास ठेऊन ठेवलेल्‍या असतात. म्‍हणून आम्‍ही या निष्‍कर्षाप्रत पोहोचलो आहेत की, सामनेवाला किंवा त्‍यांचे कार्यकारी संचालक मंडळ हे स्‍वतंत्ररित्‍या व संयुक्‍तरित्‍या तक्रारदार यांच्‍या ठेवीच्‍या रक्‍कमा व्‍याजासह परत करणेस जबाबदार आहेत. सबब मंच पुढील आदेश पारीत करीत आहे.
आ दे श
( अ ) तक्रारदार यांचा तक्रारी अर्ज अंशतः मंजूर करण्‍यात येतो.
( ब ) सामनेवाला क्रं. 1,2,3,4,5,7 ते 15 यांना असे निर्देशित करण्‍यात येते की, त्‍यांनी तक्रारदार यांची मुदत ठेव पावती क्रमांक आदेश क्रमांक 1 मध्‍ये नमुद केलेप्रमाणे मॅच्‍युअर्ड झालेली असल्‍याने त्‍यावरील मुदती अंती देय असलेल्‍या रक्‍कमा त्‍या त्‍या पावतीवरील देय तारखेनंतर ( मुदत ठेवीचा कालावधी संपल्‍यापासून ) एकत्रित रक्‍कमेवर द.सा.द.शे . 5 टक्‍के व्‍याजासह तक्रारदार यांना आदेश दिनांकापर्यंत देण्‍यात यावेत.
( क ) सामनेवाला क्रं. 1,2,3,4,5,7 ते 15 यांना असेही निर्देशित करण्‍यात येते की, त्‍यांनी तक्रारदार यास झालेल्‍या मानसिक, शरिरिक व आर्थिक त्रासापोटी रक्‍कम रुपये2000/- नुकसान भरपाई म्‍हणून देण्‍यात यावे.
( ड ) सामनेवाला क्रं. 1,2,3,4,5,7 ते 15 यांना असेही निर्देशित करण्‍यात येते की, त्‍यांनी तक्रारदार यास सदरील तक्रारीचे खर्चापोटी रक्‍कम रुपये 1000/- देण्‍यात यावे.
( इ ) सामनेवाला क्रं. 1,2,3,4,5,7 ते 15 यांना असेही निर्देशित करण्‍यात येते की, त्‍यांनी वरील सर्व रक्‍कमा तक्रारदार यांना सदरील आदेश पारीत केल्‍यापासून एक महिन्‍याच्‍या आत द्याव्‍यात अन्‍यथा वरील सर्व एकत्रित रक्‍कमेवर तक्रारदार यांना द.सा.द.शे. 6 टक्‍के व्‍याजासह संपूर्ण रक्‍कम फीटेपावेतो आदेश दिनांकापर्यंत देण्‍यात यावेत.
( ई ) सदरील तक्रारीच्‍या आदेशाची पुर्तता मुदतीत न केल्‍यास सामनेवाला क्रं. 1,2,3,4,5,7 ते 15 हे ग्राहक संरक्षण कायदा 1986चे कलम 25 व 27 प्रमाणे कार्यवाहीस पात्र ठरतील.
( फ ) उभयपक्षकारांना आदेशाची सही शिक्‍क्‍याची प्रत निःशुल्‍क देण्‍यात यावी.
ज ळ गा व
दिनांकः- 01/08/2009
(श्री.चंद्रकांत मोहन येशीराव ) ( श्री.बी.डी.नेरकर )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव
