आदेश नि. 01 वर

तक्रारदारांनी प्रस्‍तुत तक्रार गैरअर्जदारांनी त्‍यांना शेतकरी व्‍यक्‍तीगत विमा योजने अंतर्गत विमा रक्‍कम दिली नाही म्‍हणून केली आहे.

तक्रारदारांच्‍या पतीचा मृत्‍यू दिनांक 01.02.2009 रोजी वाहन अपघातात झाला. त्‍यानंतर त्‍यांनी दिनांक 06.08.2014 रोजी तहसीलदाराकडे विमा प्रस्‍ताव दाखल केला असे तक्रारदारांनीच त्‍यांच्‍या तक्रारीत नमूद केले आहे. या सुमारे 5 वर्षाच्‍या विलंबाचे कोणतेही समाधानकारक स्‍पष्‍टीकरण तक्रारदारांनी केलेले नाही. तक्रारदार म्‍हणतात की, त्‍यांचा दावा अद्यापही विमा कंपनीकडे प्रलंबित आहे. त्‍यामुळे त्‍यांच्‍या पक्षात तक्रारीस कारण अजूनही सुरुच आहे. परंतू मा. राष्‍ट्रीय आयोगाने लक्ष्‍मीबाई विरुध्‍द डेप्‍यूटी डायरेक्‍टर (रिव्‍हीजन अर्ज क्रमांक 3118/2010) या न्‍यायनिर्णयात खालील प्रमाणे मत व्‍यक्‍त केले आहे.

“The Cases where no claim is made either to the nodal officer or the Insurance Company, within 2 years of date of death, such claims shall be barred by limitation.”

ग्राहक संरक्षण कायद्याच्‍या कलम 24 (अे) नुसार देखील तक्रारीस कारण घडल्‍या पासून दोन वर्षांच्‍या आत मंचात तक्रार करणे आवश्‍यक होते.  

तक्रारीत तक्रारदारांनी मृत्‍यूनंतर पाच वर्षांनी विमा प्रस्‍ताव दाखल केला आहे व त्‍यानंतर ही तक्रार दाखल केली आहे. त्‍यामुळे तक्रारदारांची तक्रार मुदतबाह्य आहे असा निष्‍कर्ष मंच काढत आहे.

तक्रारदारांची तक्रार मुदतबाह्य म्‍हणून प्राथमिक अवस्‍थेत फेटाळण्‍यात येत आहे.