DISTRICT CONSUMER DISPUTES REDRESSAL COMMISSION, NAGPUR | New Administrative Building | 5th Floor, Civil Lines, | Nagpur-440 001 | 0712-2548522 |
|
|
Complaint Case No. CC/254/2018 | ( Date of Filing : 26 Mar 2018 ) |
| | 1. JASBIRKAUR ANUPSINGH KAHALO | R/O. PLOT NO. 364, C/O. SUDHAKAR KAWADE, MAHENDRA NAGAR, NAGPUR-17 | NAGPUR | MAHARASHTRA | 2. GANGANPREETKAUR ANUPSINGH KAHALO | R/O. PLOT NO. 364, C/O. SUDHAKAR KAWADE, MAHENDRA NAGAR, NAGPUR-17 | NAGPUR | MAHARASHTRA | 3. JITENDERSINGH ANUPSINGH KAHALO | R/O. PLOT NO. 364, C/O. SUDHAKAR KAWADE, MAHENDRA NAGAR, NAGPUR-17 | NAGPUR | MAHARASHTRA |
| ...........Complainant(s) | |
Versus | 1. RELIANCE GENERAL INSURANCE CO. LTD. THROUGH BRANCH MANAGER | Ayodhya Building, 1st Floor, 119, Near Bajaj Nagar Chowk, Behind Akruti Furniture, Bajaj Nagar, Nagpur | NAGPUR | MAHARASHTRA | 2. RELIANCE GENERAL INSURANCE CO. LTD. THROUGH EXECUTIVE DIRECTOR | Reliance Centre 19, Walchand Hirachand Marg, Ballard Estate, Mumbai 01 | MUMBAI | MAHARASHTRA |
| ............Opp.Party(s) |
|
|
|
BEFORE: | | | HON'BLE MR. SANJAY VASUDEO PATIL PRESIDENT | | HON'BLE MRS. CHANDRIKA K. BAIS MEMBER | | HON'BLE MR. SUBHASH R. AJANE MEMBER | |
|
PRESENT: | ADV. KAUSHIK MANDAL, Advocate for the Complainant 1 | | ADV. SACHIN JAISWAL, Advocate for the Opp. Party 1 | |
Dated : 18 Mar 2021 |
Final Order / Judgement | आदेश मा. सदस्या, श्री. सुभाष रा. आजने यांच्या सदस्या - - तक्रारकर्ती क्रं. 1 ही मृतक अनुपसिंग काहालो यांची पत्नी असून तक्रारकर्ता क्रं. 2 व 3 हे मृतकाची मुले आहेत. तक्रारकर्ता क्रं. 3 हा अज्ञान असून त्याने तक्रारकर्ती क्रं. 1 मार्फत तक्रार दाखल केलेली आहे. तक्रारकर्तीच्या पतीचे दि. 30.03.2016 ला निधन झाले. त्यामुळे सदरची तक्रार मृतकाचे वारसदार/लाभार्थी या नात्याने दाखल करीत आहे.
- तक्रारकर्तीच्या पतीने त्याचा ट्रॅक क्रं. CG-04, JB-5457 या वाहनाचा विरुध्द पक्षाकडून पॉलिसी क्रं. 1606252334001099 अन्वये दि. 19.10.2015 ते 18.10.2016 या कालावधीकरिता रुपये 7,65,000/- एवढया रक्कमेकरिता विमाकृत केले होते व त्याकरिता विरुध्द पक्षाने रुपये 34,055/- ही विमा हप्ता रक्कम म्हणून स्वीकारल्यानंतर पॉलिसीच्या शर्ती व अटी नमूद नसलेली एक पानाची पॉलिसी निर्गमित केली.
- तक्रारकर्ती क्रं. 1 ने पुढे नमूद केले की, तिच्या दिराने ( Brother in law ) दि. 20.06.2016 ला रात्री 9.00 वाजता सदर ट्रॅक मोहम्मद रफी चौक हॉटेल जयस्वाल जवळच्या रोडवर इतर वाहनांसोबत पार्क करुन लॉक करुन घरी गेला व रात्री 11.00 वाजता वाहन पार्क केलेल्या स्थळावर परत आला आणि तिथे काही वेळ थांबल्यानंतर रात्री घरी झोपायला गेला. त्यानंतर दि. 21.06.2016 ला सकाळी 5.30 वाजता पार्क केलेल्या ठिकाणावरुन ट्रॅक घेऊन जाण्याकरिता आला असता त्या ठिकाणी सदरचा ट्रॅक आढळून आले नाही. त्यानंतर तक्रारकर्तीच्या दिराने व त्याच्या मित्राने यशोधरा पोलिस स्टेशनच्या अधिका-याच्या निर्देशानुसार वाहनाचा इतरत्र शोध घेतला असता ही वाहन आढळून आले नाही. म्हणून विरुध्द पक्ष 1 विमा कंपनीला दि. 21.06.2016 ला दूरध्वनीवरुन माहिती दिली आणि वि.प. 1 च्या सल्ल्यानुसार टोल फ्री क्रमांक 180030028282 वर माहिती दिली. तसेच दि. 22.06.2016 ला यशोधरा पोलिस स्टेशनला रीतसर तक्रार नोंदविली. पोलिसांनी आय.पी.सी.चे कलम 379 अंतर्गत गुन्हा दाखल करुन एफ.आय.आर.0486, दि. 26.06.2016 ला दाखल करुन वाहनाची चौकशी तपास सुरु केली. त्यानंतर तक्रारकर्त्याने दि. 27.06.2016 ला विरुध्द पक्ष 1 कडे वाहन चोरीचा विमा दावा प्रस्ताव एफ.आय.आर.च्या दस्तावेजासह व इतर आवश्यक दस्तावेजासह सादर केला.
- तक्रारकर्तीने पुढे नमूद केले की, विरुध्द पक्ष 1 ला विमा दावा प्रस्ताव प्राप्त झाल्यानंतर त्याने सर्व्हेअरची तपासणीकरिता नियुक्ती केली. सर्वेअरने तक्रारकर्त्याशी संपर्क साधून चर्चा केली आणि इतर नौकरांशी विचारणी करुन को-या दस्तावेजावर स्वाक्षरी घेतली आणि त्यानंतर यशोधरा पोलिस स्टेशनला भेट दिली. तक्रारकर्त्याने त्याच्या जवळचे सर्व दस्तावेज विरुध्द पक्षाच्या सर्वेअरला दिले, त्यानंतर सर्वेअरने त्याचा तपासणी अहवाल विरुध्द पक्षाकडे सादर केला. तक्रारकर्तीने मुळ दस्तावेज विरुध्द पक्ष क्रं. 1 ला विमा मागणी निकाली काढण्याकरिता दि. 06.07.2016 ला सादर केले होते. त्यानंतर तक्रारकर्तीने विमा दावा निकाली काढण्याकरिता आर.टी.ओ. स्टोलन रिमार्क , पोलिस ऑफ समरी फायनल, क्राईम डिटेल्स फॉर्म विरुध्द पक्षाकडे सादर केले. त्यानंतर ही तक्रारकर्ती व तिच्या दिराने विरुध्द पक्षाकडे अनेक वेळा भेट देऊन लवकरात लवकर विमा दावा निकाली काढण्याबाबतची विनंती केली. परंतु विरुध्द पक्षाने तक्रारकर्तीचा विमा दावा निकाली काढला नाही व तक्रारकर्तीचा विमा दावा हा विमा पॉलिसीच्या अट क्रं. 1 चे उल्लंघन केल्यामुळे नाकारण्यात आल्याचे तक्रारकर्तीला कळविले. त्यामुळे तक्रारकर्तीने प्रस्तुत तक्रार दाखल करुन मागणी केली की, तक्रारकर्तीची तक्रार मंजूर करण्यात यावी व विरुध्द पक्षाने तक्रारकर्तीला वाहनाच्या विमा दाव्याची रक्कम रुपये 7,65,000/- व त्यावर दि. 21.06.2016 पासून 14.5 टक्के दराने व्याज रक्कम प्रत्यक्ष अदा होईपर्यंत देण्याचा आदेश द्यावा. तसेच शारीरिक व मानसिक त्रासाकरिता नुकसान भरपाई व तक्रारीचा खर्च देण्याचा ही आदेश द्यावा.
- विरुध्द पक्ष 1 व 2 ने आपला लेखी जबाब एकत्रित दाखल केला असून त्यात नमूद केले की, तक्रारकर्तीचा पती मृतक अनुपसिंग काहालो यानी विरुध्द पक्षाकडे Commercial Vehicle Policy घेण्याकरिता संपर्क केला व त्याप्रमाणे विरुध्द पक्षाने CG-04, JB-5457 हे वाहन विमा मुल्य रुपये 7,65,000/- करिता विमाकृत करुन त्यापोटी रुपये 34,055/- चा विमा हप्ता स्वीकारल्यानंतर विमा पॉलिसी क्रं. 1606252334001099 ही दि. 19.10.2015 च्या मध्यरात्री पासून ते दि. 28.10.2016 या कालावधीकरिता विमा पॉलिसीमधील नमूद शर्ती व अटी ( लिमिटेशन एक्सुलजन आणि डिप्रीसेशन) अन्वये विमा पॉलिसी निर्गमित केली व त्याच दिवशी विमा पॉलिसी तक्रारकर्तीच्या पतीला हस्तांतरित करण्यात आली व पॉलिसी सोबत शर्ती व अटी नमूद असलेले दस्तावेज विमाधारकास देण्यात आले, त्यामुळे विरुध्द पक्षाने शर्ती व अटीबाबत माहिती न देता सेवेत त्रुटी केल्याचे तक्रारकर्तीचे कथन नाकारलेले आहे. तक्रारकर्तीने प्रस्तुत तक्रार मंचासमक्ष दाखल करण्यापूर्वी कधीही तिला पॉलिसीच्या शर्ती व अटीबाबत माहिती न पुरविल्याचे कळविलेले नाही. परंतु तक्रारकर्तीचा विमा दावा प्रस्ताव नाकारल्यानंतर तसे तक्रारीत नमूद केले. विरुध्द पक्षाने तक्रारकर्तीच्या तक्रारीतील उर्वरित कथन नाकारले असून पुढे असे नमूद केले की, तक्रारकर्तीने तिचे वाहन चोरीला गेल्यानंतर 6 दिवसाने तक्रार केलेली आहे. तसेच तक्रारकर्तीने विमा पॉलिसीच्या अटी व शर्ती क्रं. 1 चे उल्लंघन केले आहे. तक्रारकर्तीचे वाहन दि.21.06.2016 ला चोरी गेले व वाहन चोरीबाबतची सूचना दि. 27.06.2016 ला दिली. विरुध्द पक्षाने आपल्या कथनाच्या समर्थनार्थ मा. राष्ट्रीय ग्राहक आयोग यांनी ओम प्रकाश विरुध्द नॅशनल इन्श्युरन्स कं. लि.lll (2012)CPJ 59 (NC) या प्रकरणातील न्यायनिवाडयाचा आधार घेतलेला आहे. तक्रारकर्तीने विमा पॉलिसीच्या शर्ती व अटीचे उल्लंघन केले आहे. म्हणून तक्रारकर्तीची तक्रार खारीज करण्यात यावी अशी विनंती केली आहे.
- उभय पक्षाने दाखल केलेल्या दस्तावेजाचे अवलोकन केले असता व त्यांचा तोंडी युक्तिवाद ऐकून घेतल्यावर मंचाने खालील मुद्दे विचारार्थ घेतले व त्यावरील निष्कर्ष खालीलप्रमाणे नोंदविले.
अ.क्रं. मुद्दे उत्तर 1 तक्रारकर्ती विरुध्द पक्षाची ग्राहक आहे काय ? होय 2. विरुध्द पक्षाने तक्रारकर्तीचा विमा दावा नाकारुन सेवेत त्रुटी केली काय ? होय - काय आदेश ? अंतिम आदेशाप्रमाणे
निष्कर्ष - मुद्दा क्रमांक 1 व 2 बाबत ः- तक्रारकर्तीच्या पतीने विरुध्द पक्षाकडून CG-04, JB-5457 हे वाहन दि. 19.10.2015 ते 18.10.2016 या कालावधीकरिता पॉलिसी क्रं. 1606252334001099 अन्वये रुपये 7,65,000/- एवढया रक्कमेकरिता विमाकृत केले होते व त्याप्रमाणे तक्रारकर्ती ही लाभार्थी असल्याने तक्रारकर्ती ही विरुध्द पक्षाची ग्राहक असल्याबाबत उभय पक्षात वाद नाही. विरुध्द पक्षाने तक्रारकर्तीचा विमा दावा हा दि. 22.11.2016 रोजीच्या पत्रान्वये तिच्या वाहनाबाबतच्या चोरीची सूचना 6 दिवस विलंबाने दिल्याच्या कारणास्तव विमा पॉलिसीच्या अटी शर्ती क्रं. 1 चे उल्लंघन केल्याच्या कारणावरुन नाकारलेला आहे. परंतु तक्रारकर्तीने तक्रारी सोबत दाखल केलेल्या नि.क्रं. 2 वरील पोलिस एफ.आय.आर. प्रथम खबर अहवालात स्पष्ट नमूद आहे की, तक्रारकर्तीने दि. 21.06.2016 ला वाहन चोरीला गेल्याबाबतची तक्रार संबंधीत यशोधरा पोलिस स्टेशनला दि. 22.06.2016 ला ठिक 20.21 वा.मि. नोंदविली आहे. परंतु मा. सर्वोच्च न्यायालयाने ओमप्रकाश विरुध्द रिलायन्स जनरल इन्श्युरन्स आणि इतर, सिव्हील अपील क्रं. 15611/2017 या प्रकरणातील न्यायनिवाडा या प्रकरणात तंतोतंद लागू होतो. तसेच विरुध्द पक्षाने तक्रारकर्तीच्या पतीला विमा पॉलिसी निर्गमित करतांना विमा पॉलिसीचे शर्ती व अटीबाबतचे दस्तावेज पुरविलेले आहे ही बाब सिध्द केलेली नाही. परंतु तक्रारकर्त्याने मा. सर्वोच्च न्यायालयाने भारत वॉच कंपनी द्वारा भागीदार विरुध्द नॅशनल इन्श्युरन्स कंपनी 2019 (6) SCC 212 या प्रकरणातील न्यायनिवाडयाचा आधार घेतलेला आहे. सदरच्या प्रकरणातील तथ्य प्रस्तुत प्रकरणाशी तंतोतंद जुळत असल्यामुळे विमा पॉलिसीचे शर्ती व अटी सदर प्रकरणात लागू पडत नाही. म्हणून तक्रारकर्तीची तक्रार मंजूर करणे योग्य आहे असे आयोगाचे स्पष्ट मत आहे.
सबब खालीलप्रमाणे अंतिम आदेश पारित. अंतिम आदेश - तक्रारकर्तीची तक्रार अंशतः मंजूर.
- विरुध्द पक्ष 1 व 2 यांनी वैयक्तिक अथवा संयुक्तीकरित्या तक्रारकर्तीच्या वाहनाचे विमा मुल्य रक्कम रुपये 7,65,000/- व त्यावर दि. 22.11.2016 पासून तर प्रत्यक्ष रक्कम अदायगीपर्यंत द.सा.द.शे. 6 टक्के दराने व्याजासह रक्कम तक्रारकर्तीला अदा करावी.
- विरुध्द पक्ष 1 व 2 यांनी वैयक्तिक अथवा संयुक्तीकरित्या तक्रारकर्तीला शारीरिक, मानसिक त्रासाकरिता रुपये 20,000/- व तक्रारीचा खर्च म्हणून रुपये 10,000/- द्यावे.
- वरील आदेशाची पूर्तता आदेशाची प्रत प्राप्त झाल्याच्या तारखेपासून एक महिन्याच्या आत विरुध्द पक्षाने करावी.
- उभय पक्षांना आदेशाची प्रथम प्रत निःशुल्क द्यावी.
- तक्रारकर्तीला तक्रारीची ब व क फाईल परत करावी.
| |
|
| [HON'BLE MR. SANJAY VASUDEO PATIL] | PRESIDENT
| | | [HON'BLE MRS. CHANDRIKA K. BAIS] | MEMBER
| | | [HON'BLE MR. SUBHASH R. AJANE] | MEMBER
| | |