तक्रारकर्ता गैरहजर, यातील तक्रारकर्ता ही एक प्रोप्रायटरी फर्म आहे आणि त्यांच्या म्हणण्याप्रमाणे विविध प्रकारचे हॉस्पीटल स्टील फर्निचर व उपकरणे इत्यादींचे उत्पादक आहेत व ते व्यवसाय करतात. गैरअर्जदारांनी दिलेला माल ओला व गंजलेला होता आणि त्या संबंधाने ही तक्रार मंचात दाखल केलेली आहे.

उघडपणे तक्रारकर्त्याने दाखल केलेली तक्रार ही त्यांची व्यावसायीक फर्म असल्यामुळे ती व्यावसायीक स्वरुपाची आहे आणि त्यांनी व्यावसायीक पद व विश्वासाहर्ता यासाठी रु.3,00,000/- ची मागणी केलेली आहे. सदर बाब लक्षात घेता तक्रारकर्ता हा ग्राहक संरक्षण कायद्याचे तरतुदींप्रमाणे ’ग्राहक’ ठरत नाही व मंचास अधिकारक्षेत्रात येत नाही, त्यामुळे तक्रारकर्ते यासंबंधीची तक्रार दिवाणी न्यायालयात करु शकतील. यास्तव तक्रारकर्त्याची प्रस्तुत तक्रार निकाली काढण्यांत येते.