सदरची तक्रार तक्रारदाराच्‍या पुरावा दाखल केला त्‍यावेळी तक्रारदाराने मुदतीच्‍या बाबतीत विचारणा केली असता त्‍यांना सदनिकेची नोंदणी सन 2012 मध्‍ये केली व ताबा कधी मिळणार होता याबाबतीत त्‍यांनी अर्धवट पध्‍दतीने दाखल केलेले तारीख 21/02/2013 च्‍या नोंदणीकृत करारातील अटी व शर्तीप्रमाणे किती दिवसात ताबा देणेचा होता हे दाखविण्‍याचे सांगितले असता तक्रारीसोबत दाखल केलेल्‍या करारात ते पान दाखलच केली नसल्‍याचे स्‍पष्‍ट झाल्‍याने त्‍यांनी आज रोजी वेगळा अर्ज देऊन कराराची सत्‍य प्रत दाखल केली. सदर कराराच्या परिच्छेद क्रमांक 10 प्रमाणे सदनिकेचा ताबा देण्‍याची मुदत दोन वर्षाची होती व त्‍यानंतर पुन्‍हा 3 महिन्‍याची मुदत द्यावयाची होती. सदरची मुदत करार झाला तेव्‍हापासून देण्‍याची होती. नोंदणीकृत करार तारीख 12/02/2013 रोजी झाालेला आहे. सबब 27 महिन्‍यांचा कालावधी मिळाल्‍यानंतरही ताबा देण्‍याची शेवटची मुदत तारीख 12/05/2015 येते. सबब कुठल्‍याही परिस्थितीत तक्रार तारीख 12/05/2017 च्‍या आत दाखल करणे अभिप्रेत होते. तेव्‍हा पासून तक्रार दाखल करण्‍यास सतत कारण दोन वर्षापर्यंत घडते, त्‍यालाच Cause of Action म्‍हणतात. सदरची तक्रार या मंचात तारीख 09/01/2019 रोजी दाख्‍ल केली आहे. त्‍यासोबत ग्रा.सं.का.चे कलम 24(अ) प्रमाणे अर्जही दाखल केला नसल्‍यामुळे सदर तक्रार रद्द करण्‍याशिवाय दुसरा पर्याय नाही. सबब तक्रार मुदतबाह्य असल्‍याने रद्द करण्‍यात आली. तक्रारीचे कागदपत्र अभिलेख कक्षात पाठविण्‍यात यावेत.