मा.अध्यक्षपद रिक्त.

तक्रारदारांतर्फे ॲड दीपक प्रधान हजर.  त्यांचा तक्रार दाखल करणेकामी युक्तीवाद ऐकण्यात आला.

तक्रारदारांच्या तक्रारीतील कथनानुसार तक्रारदार यांनी सामनेवाले यांचेकडून जुनी वापरलेली ॲक्टीवा 5जी ही गाडी रक्कम रु.28,000/- मध्ये घेण्याचे ठरविले व त्यांनी सामनेवाले यांना रक्कम रु.3,150/- आगाऊ अदा केले.  सदर रक्कम भरणा केल्यानंतर सदरहू गाडी तक्रारदारांच्या ताब्यात देण्याचे सामनेवाले यांनी कबुल केले होते.  परंतू, सामनेवाले यांनी सदरहू गाडीचा ताबाही दिला नाही व वरील अंशत: रक्कमही तक्रारदारांना परत केली नाही.  सबब, तक्रारदार यांनी प्रस्तुतची तक्रार ग्राहक संरक्षण कायदा, 2019 अंतर्गत दाखल केली आहे.

वस्तुत: सदरची तक्रार जुन्या गाडीच्या पुनर्विक्रीबाबत (Resale) बाबत आहे.  ग्राहक संरक्षण कायदा, 2019 च्या कलम 2 (7) (i) मधील तरतुदीनुसार पुनर्विक्रीच्या व्यवहारातील तक्रारदार हे “ग्राहक” या संज्ञेत बसत नाही. 

सबब, तक्रारदार हे “ग्राहक” या संज्ञेत बसत नसल्याने, प्रस्तुतची तक्रार दाखल न करता दाखल टप्प्यावर तक्रारदारांना योग्य त्या न्यायासमोर दाद मागण्याची मुभा देऊन दाखल टप्प्यावर खारीज करण्यात येते.

खर्चाबद्दल आदेश नाहित.

प्रकरणांत हाच अंतिम आदेश समजण्यात यावा.

आदेशाची साक्षांकित प्रत तक्रारदारांना विनामुल्य व विनाविलंब पाठविण्यात यावी.