अर्जदाराने प्रस्तुत तक्रारीत, खरेदी करावयाच्या मशीनची किमत रक्कम रु. २४,९५,०००/- असून, सदर मशीन खरेदीसाठी रक्कम रु. २२,५०,०००/- गैरअर्जदार क्र. १ यांच्या खात्यात गैरअर्जदार क्र. २ यांनी रक्कम रु. २५,००,०००/- कर्ज मंजूर करुन त्यापैकी, जमा केले होते, असे नमूद केले आहे. अर्जदार यांनी गैरअर्जदार क्र. १ व २ यांचेबरोबर केलेल्या कराराचे मूल्य व सेवा ग्राहक संरक्षण कायदा १९८६ कलम ११ अन्वये, मंचाच्या आर्थिक अधिकारक्षेत्रापेक्षा अधिक असल्याने, प्रस्तुत तक्रारीत न्यायोचित आदेश पारित करण्याचे अधिकारक्षेत्र मंचास नाही, या निष्कर्षाप्रत मंच आल्याने, तक्रारदारास, सक्षम न्यायाधिकरणाकडे दाद मागण्याची मुभा देऊन तक्रार निकाली काढण्यात आली.