तक्रारदार गैरहजर. सामनेवालातर्फे वकील व्‍यंकटेश्‍वरी हजर. सामनेवाला यांनी या मंचाच्‍या आदेशाविरुध्‍द मा.राज्‍य आयोगाकडे अपील क्र.2257/2004 दाखल केले होते. सदरच्‍या अपीलाचा निकाल दि.30/04/2010 रोजी झाल्‍याचे सांगितले. सामनेवाला यांनी मा.राज्‍य आयोगाच्‍या वरील आदेशाची छायांकित प्रत दाखाल केली. मा.राज्‍य आयोगाने या मंचाच्‍या आदेशात बदल करुन सामनेवाला यांनी तक्रारदारांची रक्‍कम रु.48,260/- त्‍यावर द.सा.द.शे.4 ½ टक्‍के दराने व्‍याजासहित तक्रारदारांना परत करावी असा आदेश दिला. सामनेवाला यांनी मा.राज्‍य आयोगाच्‍या आदेशान्‍वये तक्रारदारांची रक्‍कम रु.48,260/- अधिक त्‍यावरील व्‍याज अशी एकूण रक्‍कम रु.79,388/- दि.18/06/2010 चे धनादेशाने तक्रारदारांना दिली. तक्रारदारांनी सदर धनादेश वटवील्‍यासंबंधीचा पुरावा म्‍हणून सामनेवाला यांनी त्‍यांच्‍या कार्पोरेशन बँकेतील खाते ऊतारा सादर केला त्‍यावरुन तक्रारदारांनी सदर धनादेश वटवल्‍याचे दिसून येते. सबब सदरचा दरखास्‍त अर्ज पूर्ण समाधानी म्‍हणून निकाली काढण्‍यात आला. खर्चाबाबत आदेश नाही.