या प्रकरणात ब-याच कालावधीपासून दरखास्‍तदार व सामनेवाले ग्राहक मंचासमोर येत नाही.या प्रकरणातील अंमलबजावणी अर्ज क्र.5अ/2015, मुळ तक्रार क्रमांक 32/2010 अर्ज क्रमांक 22अ/2010 राज्‍य आयोगापुढील कार्यवाही प्रलंबित असल्‍यामुळे स्‍थगन आदेशाकरता प्रकरण प्रलंबित ठेवल्‍याचे दिसून येते. परंतू  राज्‍य आयोगाचा स्‍थगन आदेश फक्‍त दि.17.10.2011 पर्यंत असल्‍याचे दि.22.08.2011च्‍या अर्जामधील मजकुराचे अवलोकनावरुन दिसून येते.त्‍यानंतर राज्‍य आयोगापूढे असलेली कार्यवाही निकाली निकाली अथवा नाही याबाबत आजपर्यंत कोणत्‍याही पार्टीने हजर होऊन खुलासा दिलेला नाही. तसेच अंमलबजावणी अर्ज क्रमांक 22अ/2010 मध्‍ये पुढे काय झाले याचाही खुलासा दिसून येत नाही. त्‍यानंतर अचानक अंमलबजावणी  अर्ज क्र.5अ/2015 मधील आदेशाची नक्‍कल या प्रकरणातील फाईलमध्‍ये दिसून येते. त्‍यावरुन तक्रारदार यांना आदेशाची मुळ रक्‍कम प्राप्‍त झाल्‍यामुळे तक्रारदार हे प्रकरण चालवू इच्छित नाही असा आदेश दिसतो व सदर आदेशावर ग्राहक मंचाचे अध्‍यक्ष व दोन्‍ही सदस्‍यांच्‍या सहया दिसतात. सदर आदेश दि.17.04.2015 या तारखेचा आहे परंतू त्‍या पूर्वीच्‍या ब-याच दिवसापासून तक्रारदार व त्‍यांचे वकील ग्राहक मंचासमोर येत नाही. त्‍यामुळे हे प्रकरण खारीज करण्‍यात येते.