DISTRICT CONSUMER DISPUTES REDRESSAL COMMISSION, NAGPUR | New Administrative Building | 5th Floor, Civil Lines, | Nagpur-440 001 | 0712-2548522 |
|
|
Complaint Case No. CC/743/2018 | ( Date of Filing : 19 Dec 2018 ) |
| | 1. PRAKASH RAMAJI BAVANGADE | JUNA BAGADGANG, GANGABAI GHAT, BHANDARA ROAD, NAGPUR | NAGPUR | MAHARASHTRA |
| ...........Complainant(s) | |
Versus | 1. PRESIDENT SOU. NANDINI SHAILESH DHOBLE, AADARSH DHANLAXMI URBAN CREDIT CO-OPERATIVE SOCIETY MARYADIT | CORPORATION COLONY, PLOT NO 6A, NORTH ABAZHARI ROAD, NEAR DAGA LAYOUT , AMBAZHARI , NAGPUR | NAGPUR | MAHARASHTRA | 2. DEPUTY PRESIDENT, AADARSH DHANLAXMI URBAN CREDIT CO-OPERATIE SOCIETY MARYADIT | JUNA BAGADGANJ, BEHIND VAISHNODEVI APARTMENT, NAGPUR | NAGPUR | MAHARASHTRA | 3. SECRATARY, AADARSH DHANLAXMI URBAN CREDIT CO-OPERATIE SOCIETY MARYADIT | JUNA BAGADGANJ, BEHIND VAISHNODEVI APARTMENT, NAGPUR | NAGPUR | MAHARASHTRA | 4. JOINT SECRETARY AADARSH DHANLAXMI URBAN CREDIT CO-OPERATIE SOCIETY MARYADIT | JUNA BAGADGANJ, BEHIND VAISHNODEVI APARTMENT, NAGPUR | NAGPUR | MAHARASHTRA | 5. KOSHADHAKSHA AADARSH DHANLAXMI URBAN CREDIT CO-OPERATIE SOCIETY MARYADIT | JUNA BAGADGANJ, BEHIND VAISHNODEVI APARTMENT, NAGPUR | NAGPUR | MAHARASHTRA |
| ............Opp.Party(s) |
|
|
|
BEFORE: | | | HON'BLE MR. SANJAY VASUDEO PATIL PRESIDENT | | HON'BLE MRS. CHANDRIKA K. BAIS MEMBER | | HON'BLE MR. SUBHASH R. AJANE MEMBER | |
|
|
Dated : 02 Aug 2021 |
Final Order / Judgement | (आदेश पारित व्दारा- श्री एस.आर.आजने, मा. सदस्य) - तक्रारकर्त्याने सदर तक्रार ग्राहक सरंक्षण कायदा, १९८६ चे कलम १२ अन्वये दाखल केली असुन तक्रार खालीलप्रमाणे..
- तक्रारकर्त्याने विरुध्द पक्षाचे सोसायटी मध्ये मुदती ठेवी मध्ये दिनांक २३/१२/२०१५ रोजी रुपये ९,०००/- ६ टक्के दराने ६ (चुकीने १२) महिण्याकरिता ठेवले होते. सदरहू मुदती ठेव दिनांक २३/६/२०१६ रोजी परिपक्व झाली असून विरुध्द पक्षाने आजपावेतो तक्रारकर्त्याला मुदती ठेवीची परिपक्वता रक्कम रुपये ९,७२०/- अदा केली नाही. तक्रारकर्ता मुदती ठेवीतील रक्कम मिळण्याकरिता विरुध्द पक्षाचे सोसायटीला दिनांक २४/६/२०१६ रोजी गेला होता परंतु विरध्द पक्षाने येन-केन कारण सांगून तक्रारकर्त्याला परत पाठविले व मुदती ठेवीतील परिपक्वता रक्कम रुपये ९,२७०/- अदा केली नाही. तक्रारकर्त्याने विरुध्द पक्षाच्या सोसायटीला अनेकवेळा सहयोगी सोबत भेट दिली परंतु विरुध्द पक्षाने तक्रारकर्त्याला मुदती ठेवीतील रक्कम व्याजासह अदा केली नाही.
- तक्रारकर्त्याला त्याचे मुदती ठेवीतील रक्कम अदा न केल्यामुळे तक्रारकर्त्याने त्याचे वकीलामार्फत दिनांक ३/९/२०१८ ला विरुध्द पक्षाला कायदेशीर नोटीस पाठविली. सदर नोटीसचे उत्तर विरुध्द पक्ष क्रमांक १ ने तक्रारकर्त्याला दिनांक २८/११/२०१८ रोजी दिले. विरुध्द पक्षाने त्याचे नोटीस उत्तरात मुदती ठेवीतील रक्कम तत्कालीन अध्यक्ष श्री रविंद्र दिवटे व तत्कालीन सचिव श्री सुनिल ईटनकर यांच्यावर थोपवण्याचा प्रयत्न करुन पैसे देण्यास रितसर टाळाटाळ केली. त्यामुळे तक्रारकर्त्याने मा. मंचात प्रकरण दाखल करुन खालिलप्रमाणे मागणी केली आहे.
- विरुध्द पक्षाला निर्देश देण्यात यावे की, विरुध्द पक्षाने तक्रारकर्त्याला मुदती ठेवीमधील परिपक्वता रक्कम १२ टक्के दराने अदा करावी.
- मानसिक, शारीरिक ञासाकरिता रुपये ५०,०००/- व तक्रारीचा खर्च रुपये १०,०००/- अदा करण्यात यावे.
- विरुध्द पक्ष क्रमांक १ ते ५ यांचा लेखी जबाब- विरुध्द पक्ष क्रमांक १ ते ५ यांनी त्यांचे अधिकचे उत्तरात नमूद केले की, विरुध्द पक्ष ही नागपूर येथील आदर्श धनलक्ष्मी अर्बन क्रेडीट को-ऑपरेटीव्ह सोसायटी र.नं सी.आर.५३८/९६ जुना बगडगंज वैष्णोदेवी अपार्टमेंट चे मागे नागपूर या सोसायटीची दिनांक २१/१/२०१७ रोजी झालेल्या निवडणूकी नंतर दिनांक ५/२/२०१७ रोजीपदाधिकारी/अध्यक्षनेमण्यात आली. त्यापूर्वी झालेल्या व्यवहाराशी यांचेशी गैरअर्जदार क्रमांक १ चे काही संबंध येत नाही म्हणून अमान्य. गैरअर्जदार क्रमांक १ यांनी गर्जवसूली ची कार्यवाही सुरु केलेली आहे. गैरअर्जदार हिला दिनांक २८/५/२०१८ पासून कलम १५६ खाली कर्ज वसूलीचे अधिकार प्राप्त झालेले असून त्या अनुषंगाने कर्ज वसूली च्या कार्याला प्रारंभ केलेला आहे. आपण तक्रार- कर्ता यांनी ठेवी जमा केल्या तेव्हा जे संचालक मंडळ कार्यरत होते, त्यांनी अवास्तव व अवाजवी कर्जवाटप केल्यामुळे, संस्था बंद पडण्याच्या स्थितीत होती. सदरहू कर्जवसुली ची कार्यवाही गैरअर्जदार क्रमांक १ करीत असून गैरअर्जदार क्रमांक १ ही आदर्श धनलक्ष्मी अर्बन क्रेडीट को. ऑपरेटीव्ह सोसायटी र. नंसी. आर./५३८/९६ जुना बगडगंज वैष्णोदेवी अपार्टमेंटचे मागे नागपूर या सोसायटीची दिनांक २१/१/२०१७ रोजी झालेल्या निवडणूकी नंतर दिनांक ५/२/२०१७ रोजी पदाधिकारी/अध्यक्ष नेमण्यात आली.
- तक्रारकर्ता यांनी संस्थेत एफ.डी. आर. मुदत ठेव दिनांक २३/१२/२०१५ रोजी ठेवली होती. या कालावधीत गैरअर्जदार क्रमांक १ ही संस्थेत अधिकारी किंवा अध्यक्ष अशा कुठल्याही पदावर कार्यरत नव्हती. तक्रारकर्ता यांनी गैरअर्जदार क्रमांक १ विरुध्द खोटी तक्रार दाखल केलेली आहे.
- तक्रारकर्ता यांच्या या संस्थेत एफ.डी.आर. मुदत ठेवी करिता त्यावेळचे अध्यक्ष व संस्थेचे संस्थापक श्री रवीन्द्र दिवटे व संस्थेचे सचिव सुनील इटनकर हेच सर्वस्वी जबाबदार आहेत. कारण दिनांक ५/२/२०१७ रोजी जेव्हा संस्था गैरअर्जदार क्रमांक १ जवळ आली तेव्हा संस्थेचे सर्व कामकाज ठप्प झालेले होते व संस्था बंद पडण्याचे स्थितीत होती. परत संस्थेचे कामकाज सुरळीत करण्याकरिता गैरअर्जदार क्रमांक १ प्रयत्नरत असून पूर्वीच्या संचालकांनी, अध्यक्षांनी व संस्थेचे संस्थापक श्री रवीन्द्र दिवटे व संस्थेचे सचिव सुनील इटनकर यांनी अवास्तव कर्ज वाटप केल्यामुळै संस्थेचे नुकसान केलेले आहे व कर्जदारांकडून आवश्यक ते कागदपञ न घेता कर्ज वाटप केलेले आहे, असा शेरा लेखापरीक्षकाने आपल्या दिनांक १/४/२०१३ ते ३१ मार्च २०१५ पर्यंतच्या लेखापरीक्षण अहवालात दिलेला आहे.
- कर्जवसूलीच्या कामाची सुरवात गैरअर्जदार क्रमांक १ ने केलेली आहे व त्या नंतर जसजशी वसूली होईल तसतशे थोडे-थोडे करुन सद्य संस्थेची परिस्थिती लक्षात घेवून रक्कम देता येईल आणि तक्रारकर्ता ची रक्कम, जसजशी वसुली होईल त्याप्रमाणे कायद्यानुसार देण्यात येईल त्यामुळे विरुध्द पक्षाविरुध्दची तक्रार रद्द करण्यात यावी.
- उभयपक्षांनी अभिलेखावर दाखल केलेले दस्तावेज, प्रतिउत्तर व लेखी युक्तिवाद व तक्रारकर्त्याचा तोंडी युक्तिवाद ऐकूण घेतल्यावर निकालीकामी खालिल मुद्दे उपस्थित करण्यात आले.
अ.क्र. मुद्दे निष्कर्ष - तक्रारकर्ता हा विरुध्द पक्षाचा ग्राहक आहे काय ? होय
- विरुध्द पक्षाने तक्रारकर्त्याला दोषपूर्ण सेवा दिली काय ?
तसेच अनुचित व्यापार पध्दतीचा अवलंब केला काय ? होय - काय आदेश ? अंतिम आदेशाप्रमाणे
कारणमिमांसा - तक्रारकर्त्याने विरुध्द पक्षाचे सोसायटी मध्ये मुदती ठेवी मध्ये दिनांक २३/१२/२०१५ रोजी रुपये ९,०००/- ६ टक्के दराने ६ महिण्याकरिता गुंतविले होते. तक्रारकर्त्याला मुदती ठेवीतील रक्कम परिपक्वता तारीख दिनांक २२/६/२०१६ रोजी रुपये ९,२७०/- मिळणार होते. तक्रारकर्त्याने विरुध्द पक्ष सोसायटीला अनेक वेळा विनंती करुनही विरुध्द पक्ष सोसायटीने तक्रारकर्त्याला मुदती ठेवीतील परिपक्वता रक्कम रुपये ९,२७०/- अदा केली नाही, ही विरुध्द पक्षाची तक्रारकर्ता प्रति ञुटीपूर्ण सेवा असून अनुचित व्यापार पध्दतीचा अवलंब करणारी कृती आहे, असे मंचाचे स्पष्ट मत आहे व खालिलप्रमाणे आदेश पारित करण्यात येत आहे.
अंतिम आदेश - तक्रारकर्त्याची तक्रार अंशतः मंजूर.
- विरुध्द पक्षाला निर्देश देण्यात येते की, विरुध्द पक्ष क्रमांक १ ते ५ यांनी वैयक्तिक व संयुक्तपणे तक्रारकर्त्याला मुदती ठेवीतील परिपक्वता रक्कम रुपये ९,२७०/- दिनांक २३/६/२०१६ पासून १० टक्के दराने तक्रारकर्त्याला प्रत्यक्ष रक्कम व्याजासह अदा होईस्तोवर अदा करावे.
- विरुध्द पक्ष क्रमांक १ ते ५ यांनी तक्रारकर्त्याला मानसिक व शारीरिक ञासाकरिता रुपये २०,०००/- व तक्रारीचा खर्च रुपये १०,०००/- अदा करावे.
- वरील आदेशाची पूर्तता आदेशाची प्रत प्राप्त झाल्याच्या तारखेपासून एक महिन्याच्या आत विरुध्द पक्षाने करावी.
- उभयपक्षांना आदेशाची प्रत निःशुल्क देण्यात यावी.
- तक्रारकर्ते यांना प्रकरणाची ‘ब’ व ‘क’ फाईल परत करावी.
| |
|
| [HON'BLE MR. SANJAY VASUDEO PATIL] | PRESIDENT
| | | [HON'BLE MRS. CHANDRIKA K. BAIS] | MEMBER
| | | [HON'BLE MR. SUBHASH R. AJANE] | MEMBER
| | |