Maharashtra

Mumbai(Suburban)

CC/11/587

KUNAL M. THAKRAR - Complainant(s)

Versus

PREETI SLIM CLINIC - Opp.Party(s)

IN PERSON, NO ADV.

06 Jun 2013

ORDER

ग्राहक तक्रार निवारण मंच,
मुंबई उपनगर जिल्‍हा, मुंबई.
प्रशासकीय इमारत, 3 रा मजला, डॉ.बाबासाहेब आंबेडकर उद्याना जवळ,
वांद्रे (पूर्व), मुंबई 400051.
महाराष्‍ट्र राज्‍य
 
Complaint Case No. CC/11/587
 
1. KUNAL M. THAKRAR
C/O NARENDRA C. TANNA, FLAT NO. 803, PLOT NO. 51, DAHANUKARWADI,DUTT MANDIR ROAD, KANDIVALI-WEST, MUMBAI-67.
...........Complainant(s)
Versus
1. PREETI SLIM CLINIC
101, DATTADHAM, OPP DUTT MANDIR, MAHAVIR NAGAR, KANDIVALI-WEST, MUMBAI-67.
2. MRS TASMEEN
PREETI SLIM CLINIC, 101, DATTADHAM, OPP DUTT MANDIR, MAHAVIR NAGAR, KANDIVALI-WEST, MUMBAI-67.
............Opp.Party(s)
 
BEFORE: 
 HON'ABLE MR. Mr. J. L. Deshpande PRESIDENT
 HON'ABLE MR. N. D. KADAM MEMBER
 
PRESENT:
गैरहजर
 ......for the Complainant
 
एकतर्फा.
 ......for the Opp. Party
ORDER

            तक्रारदारः-स्‍वतः

                     सामनेवालेः- एकतर्फा,

---------------------------------------------------------------------------

                         

 

   निकालपत्रः- श्री.ना.द.कदम,सदस्‍य.        ठिकाणः- वान्‍द्रे

 

---------------------------------------------------------------------------   

                            2       ( तक्रार क्र. 587/11)

 

 

                      -न्‍यायनिर्णय-

            तक्रारीचे संक्षिप्‍त स्‍वरुप खालीलप्रमाणे आहे.

1)  सामनेवाले हे बोरीवली स्थित व्‍यक्‍तीचे शारीरीक वजन कमी करणारी संस्‍था असून तक्रारदार हे कांदिवली येथील रहिवाशी आहेत.

2) तक्रारदाराच्‍या निशाणी 1 वरील तक्रारीमधील कथनानुसार तक्रारदाराने,सामनेवाले यांनी सुरु केलेली शारीरीक वजन कमी करण्‍याची योजना घेतली.या योजनेनुसार 1 महिन्‍याच्‍या कालावधीमध्‍ये 8 किलो वजन कमी करण्‍याची सामनेवाले यांनी खात्री दिली होती.त्‍याबदल्‍यात सामनेवाले यांना प्रत्‍यके किलो वजन घटीस रु.1,125/- व शरीराची 1 इंच घट करण्‍यासाठी 5 टमी टक सेशन रु.1,000/-प्रमाणे एकूण 8 किलो वजन घटीचे व 1 इंच शरीरघटीसाठी,एकूण रु.14,000/- तक्रारदाराने सामनेवाले यांजकडे जमा केले.व 01/09/2011 पासून सदर योजनेमध्‍ये ते कार्यरत झाले. तथापि 26/09/2011 पर्यत तक्रारदाराचे केवळ 3-4 किलोच वजन घटले. ही बाब सामनेवाले यांचे निदर्शनास आणून दिल्‍यावर  सामनेवाले यांनी तक्रारदारांना आणखी टमी टक सेशन्‍स चालू ठेवण्‍याची सूचना केली.तथापि तक्रारदार यांनी त्‍यास नकार दिला व तक्रारदारानी सामनेवाले  यांना दिलेली पुर्ण रक्‍कम रु.14,000/- परत देण्‍याची  मागणी केली. तथापि सामनेवाले यांनी तक्रारदारांना रु.5,125/- क्रेडिट नोट द्वारे परत करण्‍याचे मान्‍य केले.परंतू तक्रारदारानी केडिट नोट ही त्‍यांना विना उपयोगी असल्‍याने ती नाकारली  व पूर्ण रु.14,000/- परत करण्‍याची मागणी केली,ती सामनेवाले यांनी नाकारली. त्‍यामुळे सामनेवाले यांच्‍या सेवेतील कमतरता आहे असे जाहिर करुन त्‍यांनी सामनेवाले यांना दिलेली रक्‍कम रु.14,000/- 12 टक्‍के व्‍याजासह तसेच नुकसान  भरपाईचे रु.10,000/- मिळावेत अशी मागणी केली आहे.

3)  सामनेवाले यांना नोटीस प्राप्‍त होऊनसुध्‍दा तसेच अनेक वेळा संधी देऊनही आपली कैफियत दाखल केली नाही.त्‍यामुळे तक्रारदाराने दाखल केलेली तक्रार,पुराव्‍याचे शपथपत्र व लेखीयुक्‍तीवाद या आधारे सदर प्रकरण एकतर्फा निकाली काढण्‍यात येत आहे.

4)   प्रस्‍तुत मंचाने तक्रारदाराने सादर केलेली तक्रार पुराव्‍याचे शपथपत्र व कागदपत्रे याचे वाचन केले.त्‍यावरुन खालील मुददे निकालकामी कायम करण्‍यात येतात.

 

 

 

                                3          ( तक्रार क्र.587/11)

अनु. क्र.

 

             मुददे

 

  उत्‍तर

 

1

सामनेवाले यांनी 1 महिन्‍यामध्‍ये तक्रारदाराचे वजन 8 किलो कमी करण्‍याच्‍या योजनेमध्‍ये सहभागी करुन घेतले मात्र प्रत्‍यक्षात खात्री दिल्‍यानुसार 8 किलो वजन घट न होता केवळ 3-4 किलो वजन कमी झाल्‍याने,सामनेवाले यांची ही बाब सदोष सेवा असल्‍याचे तक्रारदार सिध्‍द करतात काय?

होय

2

तक्रारदार त्‍यांनी भरलेली पूर्ण रक्‍कम परत मिळण्‍यास पात्र आहेत काय?

अंशतः रु.8,100/-

3

अंतिम आदेश

तक्रार अंशतः मान्‍य.

 

                   कारण मिमांसा

 

    तक्रारदारानी सामनेवाले यांच्‍या 1 महिन्‍यामध्‍ये 8 किलो वजन कमी करण्‍याच्‍या योजनेमध्‍ये रु.14,000/- भरुन दिनांक 01/09/2011 पासून भाग घेतला. परंतू 26 दिवसांच्‍या कालावधीत तक्रारदाराचे वजन केवळ 3-4 किलो एवढेच कमी झाले. त्‍यामुळे सामनेवाले यांनी हमी दिल्‍याप्रमाणे 1 महिन्‍याच्‍या कालावधीत आवश्‍यक ते 8 किलो वजन घट झाले नसल्‍याने,आपण भरलेली रक्‍कम पूर्णतः रु 14,000/- व्‍याजासहीत परत मिळण्‍याची मागणी केली आहे. शिवाय सामनेवाले यांनी त्‍यांना देऊ केलेली 5,175/- क्रेडिट नोटही घेण्‍यास त्‍यांनी नकार दिला आहे.

    या संदर्भात प्रस्‍तुत मंचाने सर्व कागदपत्रांचे अवलोकन केले असता असे दिसून येते की, तक्रारदारानी 26 दिवस सामनेवाले यांची सेवा उपभोगली आहे हे त्‍यांनी मान्‍य केले आहे. शिवाय या कालावधीत त्‍यांचे 3-4 किलो वजन कमी झाल्‍याचेही त्‍यांनी मान्‍य केले आहे. त्‍यामुळे सामनेवाले यांच्‍या योजनेचा त्‍यांना किमान 40 ते 42 टक्‍के फायदा झाल्‍याचे उघडपणे दिसते. सामनेवाले यांनी जरी 8 किलो वजन घटविण्‍याची खात्री दिली असली तरी,तक्रारदारांना त्‍याचा अंशतः का होईना फायदाच झाला आहे. शिवाय सामनेवाले यांनी आपण 100 टक्‍के परिणाम न देऊ शकल्‍याबददल तक्रारदाराना रु.5,175/- इतका

 

                                 4           (तक्रार क्र 587/11)

 

परतावा देण्‍याचे लिखीत नोंद केली आहे. तथापि तक्रारदारानी आपल्‍याला रु.14,000/- परत मिळावेत असा अटटाहास धरलेला दिसतो.

     वास्‍तविकतः तक्रारदार यांनी जवळजवळ 1 महिना सामनेवाले यांची सेवा स्विकारली आहे. व त्‍यांना 40 टक्‍क्‍यांच्‍यावर फायदाही झालेला आहे. ही बाब विचारात घेणे आवश्‍यक वाटते.

     वरील चर्चेनुरुप सामनेवाले यांनी हमी दिल्‍यानुसार 1 महिन्‍यामध्‍ये आवश्‍यक ते वजन घटविण्‍यात त्‍यांना आलेले अपयश ही त्‍यांची सदोष सेवा आहे हे तक्रारदार सिध्‍द करतात. त्‍यानुसार खालील आदेश करण्‍यात येतो.

                    

                       -आदेश-

 

    1)  तक्रार अंशतः मान्‍य करण्‍यात येते.

        2)    सामनेवाले हयांनी तक्रारदारांना सेवासुविधा पुरविण्‍यात कसूर केली आहे हे

        जाहिर करण्‍यात येते.

    3)  सामनेवाले यांनी हमी दिल्‍याप्रमाणे 8 किलो वजन घटविणे अनिवार्य    

        असतांना केवळ 3-4 किलो वजन घटविण्‍यात यश आल्‍याने,उर्वरीत

        न घटलेल्‍या 4-6 किलो वजनाबाबत तक्रारदारांना उर्वरीत रक्‍कम  रु.8,100/-

        दिनांक 27/09/2011 पासून 9 टक्‍के व्‍याजासहित आठ

        आठवडयाच्‍या आंत अदा करावेत तसेच तक्रारीच्‍या खर्चासाठी

        रु.500/- अदा करावेत.

4)      निकालाच्‍या प्रती उभय पक्षांना विनामुल्‍य पाठविण्‍यात याव्‍यात

 
 
[HON'ABLE MR. Mr. J. L. Deshpande]
PRESIDENT
 
[HON'ABLE MR. N. D. KADAM]
MEMBER

Consumer Court Lawyer

Best Law Firm for all your Consumer Court related cases.

Bhanu Pratap

Featured Recomended
Highly recommended!
5.0 (615)

Bhanu Pratap

Featured Recomended
Highly recommended!

Experties

Consumer Court | Cheque Bounce | Civil Cases | Criminal Cases | Matrimonial Disputes

Phone Number

7982270319

Dedicated team of best lawyers for all your legal queries. Our lawyers can help you for you Consumer Court related cases at very affordable fee.