प्रस्‍तुतची दरखास्‍त मुळ तक्रारदारांनी तक्रार क्र. पीडीएफ/36/2004 च्‍या दिनांक 10/11/2010 रोजीच्‍या निकालाच्‍या अंमलबजावणीसाठी ग्राहक संरक्षण कायदा 1986 च्‍या कलम 27 प्रमाणे दाखल केलेली आहे. या प्रकरणातील जाबदेणार यांच्‍या विरुध्‍द त्‍यांनी तक्रारदार यांना रक्‍कम रुपये 3000/- दोन महिन्‍यांच्‍या आत दयावेत व सदरची रक्‍कम दोन महिन्‍यात दिली नाही तर सदरची रक्‍कम फिटेपर्यन्‍त त्‍यावर द.सा.द.शे 9 टक्‍के दराने व्‍याज दयावे असा आदेश दिलेला होता. सदरच्‍या आदेशाविरुध्‍द जाबदेणार यांनी विलंब माफीच्‍या अर्जासह मा. राज्‍य ग्राहक वाद निवारण आयोग, मुंबई येथे फर्स्‍ट अपील क्र. A/11/320  दाखल केले. सदरच्‍या अपीलाचा निर्णय दिनांक 07/09/2011 रोजी झालेला आहे. सदरचे अपील नामंजुर करण्‍यात आले व जाबदेणार यांच्‍या विरुध्‍द रुपये 1000/- खर्च दयावा असा आदेश करण्‍यात आला. त्‍यानंतर तक्रारदार यांनी प्रस्‍तुतची दरखास्‍त या मंचासमोर दाखल केली व व्‍याजासह रक्‍कम रुपये 5637/- ची मागणी केली. जाबदेणार यांनी आज हजर राहून सदरच्‍या रकमेचा चेक दाखल केला. त्‍याचप्रमाणे चेकच्‍या तारखेनंतर आजतागायत या कालावधीचे द.सा.द.शे 9 टक्‍के दराने व्‍याजाची रक्‍कम रुपये 300/- तक्रारदार यांना अदा केली. या प्रकरणी तक्रारदार यांनी त्‍यांना झालेल्‍या मानसिक त्रासाबद्यल व दरखास्‍त खर्चाबद्यलच्‍या रकमेची मागणी केली. परंतु सदर ग्राहक मंचास मुळ तक्रारीत दिलेल्‍या निर्णयापेक्षा अधिक रक्‍कम देता येणार नाही. जाबदेणार यांनी मुदतीत रक्‍कम न दिल्‍यामुळे त्‍यावर द.सा.द.शे 9 टक्‍के दराने व्‍याजाची आकारणी करुन त्‍यांना दंड बसवलेला आहे. अशा परिस्थितीत वेगळा खर्चाचा अथवा दंडाचा हुकूम करणे न्‍याय होणार नाही. सबब खालील आदेश पारीत करण्‍यात येत आहे-

        :- आदेश :-

1.     या प्रकरणात ग्राहक मंचाने दिनांक 10/11/2010 रोजी केलेल्‍या आदेशाची पूर्ण पुर्तता झालेली आहे. जाबदेणार यांनी तक्रारदार यांना आदेशानुसार संपूर्ण रक्‍कम अदा केलेली आहे. सदरचे प्रकरण ‘पूर्णफेड’ या सदरात निकाली काढण्‍यात येत आहे.