(आदेश पारित व्‍दारा- श्री एस.आर.आजने, मा. सदस्‍य)

1. तक्रारकर्तीने सदर तक्रार ग्राहक सरंक्षण कायदा, १९८६ चे कलम १२ अन्वये दाखल केली असुन तक्रार खालीलप्रमाणे..
2. तक्रारकर्ती ही नागपूर येथील रहिवासी असून विरुध्‍द पक्ष ही पुनम अर्बन क्रेडीट को-ऑपरेटीव्‍ह सोसायटी लि. ही महाराष्‍ट्र को-ऑपरेटीव्‍ह अॅक्‍ट अंतर्गत नोंदणीबद्ध संस्‍था असून तिचा नोंदणी क्रमांक एन.जी.पी.(सी.टी.वाय.) आर.एस.आर./सी.आर. ४५६/९२९३ असा आहे. विरुध्‍द पक्ष क्रमांक २ हे सोसायटीचे सचिव आहे. तक्रारकर्तीने दिनांक १५/०३/२०१२ रोजी विरुध्‍द पक्षाचे सोसायटी मध्‍ये बचत खाते उघडले व त्‍याचा बचत खाता क्रमांक २५०५ हा आहे. तक्रारकर्तीने विरुध्‍द पक्षाकडून सोसायटीच्‍या सचिवाने स्‍वाक्षरी केलेले रुपये १००/- चे दोन शेअर सर्टीफीकेट दिनांक २४/७/२०१३ रोजी खरेदी केले. तक्रारकर्तीने तिचे सासरे श्री प्रदिप काटेकर यांचे सोबत सोसायटीत रुपये १२,२४,४६०/- मुदती ठेव मध्‍ये खालिलप्रमाणे ठेवले.

तक्रारकर्तीने पैशाची गरज असल्‍यामुळे विरुध्‍द पक्ष सोसायटीशी दिनांक २२/११/२०१८ रोजी संपर्क साधला व मुदतीठेव मध्‍ये ठेवलेल्‍या रकमेची परिपक्‍वता होण्‍यापूर्वी मागणी केली. परंतु विरुध्‍द पक्षाने रक्‍कम तक्रारकर्तीला अदा केली नाही. त्‍याअनुषंगाने तक्रारकर्तीने अनुक्रमे दिनांक २२/११/२०१८ व दिनांक २६/११/२०१८ रोजी मुदती ठेवीतील रक्‍कम मिळण्‍याबाबत पञ विरुध्‍द पक्षाला दिले.

3. तक्रारकर्तीची मुदती ठेव दिनांक ११/२/२०१९ रोजी परिपक्‍व झाल्‍यानंतर तक्रारकर्ती विरुध्‍द पक्ष सोसायटीला माहे फरवरी २०१९ मध्‍ये मुदतीठेवी मधील रक्‍कम काढण्‍याकरिता पोहचला व रकमेची मागणी केली. परंतु विरुध्‍द पक्षाने तक्रारकर्तीला मुदती ठेवीतील परिपक्‍वता रक्‍कम अदा केली नाही. त्‍यामुळे तक्रारकर्तीने विरुध्‍द पक्ष सोसायटीला दिनांक ७/३/२०१९ रोजी वकीलामार्फत कायदेशीर नोटीस दिली. परंतु विरुध्‍द पक्ष सोसायटीला नोटीस प्राप्‍त होऊनही विरुध्‍द पक्षाने तक्रारकर्तीला मुदती ठेवीतील रक्‍कम अदा केली नाही. विरुध्‍द पक्षाने तक्रारकर्तीला दोषपूर्ण सेवा दिली आहे. त्‍यामुळे तक्रारकर्तीला मानसिक ञास तसेच आर्थिक नुकसान झाले आहे करिता तक्रारकर्तीने मा. मंचासमोर तक्रार दाखल करुन खालिलप्रमाणे प्रार्थना केली आहे.

1. विरुध्‍द पक्षाला निर्देश देण्‍यात यावे की, विरुध्‍द पक्षाने तक्रारकर्तीला परिपक्‍वता रक्‍कम रुपये १२,७६,०६७/- या रकमेवर द.सा.द.शे. २४ टक्‍के व्‍याज दिनांक ११/२/२०१९ पासून तक्रारकर्तीला प्रत्‍यक्ष रक्‍कम अदा होईपर्यंत अदा करावे.
2. मानसिक व शारीरिक ञासाकरिता ५,००,०००/- व तक्रारीच्‍या खर्चाकरिता रुपये ५०,०००/- देण्‍याचे आदेशीत करावे.

4. विरुध्‍द पक्ष क्रमांक १ यांना मंचामार्फत नोटीस पाठविण्‍यात आली.  सदरची नोटीस प्राप्‍त होऊनही विरुध्‍द पक्ष क्रमांक १ मंचात हजर झाले नाही. करिता विरुध्‍द पक्ष क्रमांक १ यांचे विरुध्‍द प्रकरण एकतर्फी चालविण्‍याचा आदेश दिनांक ११/०९/२०१९ रोजी पारीत करण्‍यात आला.
5. विरुध्‍द पक्ष  क्रमांक २ आणि ३ यांनी मंचाचे अभिलेखावर लेखी जबाब सादर न केल्‍यामुळे विरुध्‍द पक्ष क्रमांक २ व ३ यांचे विरुध्‍द प्रकरण बिना लेखी जबाब चालविण्‍याचा आदेश दिनांक १/११/२०१९ रोजी पारीत करण्‍यात आला.
6. तक्रारकर्तीने तक्रारीसोबत दाखल केलेले दस्‍तावेज, लेखी युक्तिवाद व तोंडी युक्तिवाद ऐकल्‍यावर निकालीकामी खालिल मुद्दे उपस्थित करण्‍यात आले.

      अ.क्र.                     मुद्दे                                                                     निष्‍कर्ष

1. तक्रारकर्ती ही विरुध्‍द पक्षाची ग्राहक आहे काय ?                   होय
2. विरुध्‍द पक्षाने तक्रारकर्तीला दोषपूर्ण सेवा दिली काय ?        होय
3. काय आदेश ?                                                         अंतिम आदेशाप्रमाणे 

कारणमिमांसा

7. तक्रारकर्तीचे विरुध्‍द पक्षाच्‍या पुनम अर्बन क्रेडीट को-ऑपरेटीव्‍ह सोसायटी लि. मध्‍ये दिनांक १५/०३/२०१२ पासून बचत खाते होते व तक्रारकर्तीचा  बचत खाता क्रमांक २५०५ हा आहे. तक्रारकर्तीने दिनांक १४/८/२०१८ रोजी मुदत ठेव खाते क्रमांक ९०४५, ९०४६,९०४३,९०४४,९०४१,९०४२ आणि ९०४७ अन्‍वये एकूण  रक्‍कम रुपये १२,२४,४६०/- एवढी रक्‍कम द.सा.द.शे. ८.५० टक्‍के दराने मुदती ठेव मध्‍ये ठेवली होती. तसेच तक्रारकर्तीने विरुध्‍द पक्षाकडून‍ दिनांक २४/७/२०१३ रोजी रुपये १०० चे दोन शेअर सर्टीफिकेट खरेदी केले होते, हे दाखल दस्‍तावेजावरुन दिसून येते. त्‍यावरुन तक्रारकर्ती ही विरुध्‍द पक्षाची ग्राहक आहे, हे स्‍पष्‍ट होते. तक्रारकर्तीची मुदत ठेवीची रक्‍कम परिपक्‍व होवून सुद्धा व मागणी करुनही विरुध्‍द पक्षाने तक्रारकर्तीला दिली नाही. यावरुन विरुध्‍द पक्षाने तक्रारकर्तीला दोषपूर्ण सेवा दिली असून अनुचित व्‍यापारी प्रथेचा अवलंब केल्‍याचे स्‍पष्‍ट दिसून येते. त्‍यामुळे मंचाचे असे स्‍पष्‍ट मत आहे की, तक्रारकर्ती  मुदत ठेवीची परिपक्‍व झालेली रक्‍कम व्‍याजासह परत मिळण्‍यास पाञ आहे. तसेच सदरची परिपक्‍व रक्‍कम तक्रारकर्तीला न दिल्‍यामुळे तक्रारकर्ती शारीरिक, मानसिक ञासापोटी  व नुकसान भरपाई  तसेच तक्रारीचा खर्च मिळण्‍यास पाञ आहे व खालिलप्रमाणे आदेश पारीत करण्‍यात येत आहे.

अंतिम आदेश

1. तक्रारकर्तीची तक्रार अंशतः मंजूर.
2. विरुध्‍द पक्षाला निर्देश देण्‍यात येते की,  विरुध्‍द पक्ष क्रमांक १,२ व ३ यांनी वैयक्तिक व संयुक्तिकपणे तक्रारकर्तीला परिपक्‍वता रक्‍कम रुपये १२,७६,०६७/- यावर दिनांक १२/०२/२०१९ पासून द.सा.द.शे. १० टक्‍के दराने व्‍याजासह तक्रारकर्तीला प्रत्‍यक्ष रक्‍कम अदा होईपर्यंत अदा करावे.
3. विरुध्‍द पक्षाला निर्देश देण्‍यात येते की, विरुध्‍द पक्ष क्रमांक १ ते ३ यांनी वैयक्तिक व संयुक्‍तपणे तक्रारकर्तीला रुपये १००/- चे दोन शेअर सर्टीफीकेटची रक्‍कम आदेशाच्‍या दिनांकापासून ३० दिवसाचे आत अदा करावी अन्‍यथा दोन शेअर सर्टीफीकेटपोटी स्विकारलेली रक्‍कम रुपये २००/- दिनांक १४/०७/२०२१ पासून १० टक्‍के दराने व्‍याजासह तक्रारकर्तीला प्रत्‍यक्ष रक्‍कम अदा होईपर्यंत अदा करावी.
4. विरुध्‍द पक्षाला निर्देश देण्‍यात येते की,  विरुध्‍द पक्ष क्रमांक १,२ व ३ यांनी वैयक्तिक व संयुक्तिकपणे तक्रारकर्तीला झालेल्‍या मानसिक, शारीरिक व आर्थिक नुकसान भरपाईबद्दल रुपये ५०,०००/- तसेच तक्रारीचा खर्च रुपये २०,०००/- अदा करावा.
5. वरील आदेशाची पूर्तता आदेशाची प्रत प्राप्‍त झाल्‍याच्‍या तारखेपासून एक   महिन्‍याच्‍या आत विरुध्‍द पक्षाने करावी.
6. उभयपक्षांना आदेशाची प्रत निःशुल्‍क देण्‍यात यावी.
7. तक्रारकर्ती यांना प्रकरणाची ‘ब’ व ‘क’ फाईल परत करावी.