द्वारा- श्री.एम.पी.कासार

प्रस्‍तुत तक्रार ही गोंदीया जिल्‍हा ग्राहक तक्रार निवारण आयोगात दाखल करण्‍यात आली आलेली आहे.  मात्र मा.राज्‍य ग्राहक तक्रार निवारण आयोग महाराष्‍ट्र, मुंबई यांचे निर्देशनाप्रमाणे तक्रार क्र.सीसी/२१/९० ही जिल्‍हा ग्राहक तक्रार निवारण आयोग  मध्‍य मुं‍बई यांच्‍याकडे स्‍थानांतरीत करण्‍यात आलेली आहे.  त्‍यानुसार दि.११/०२/२०२२ रोजीचे मध्‍य मुंबई जिल्‍हा ग्राहक तक्रार निवारण आयोगाने रोजनामा आदेशानुसार सामनेवाले यांना विहीत मुदतीत कैफीयत दाखल करणे कामी नोटीसा काढण्‍यात याव्‍यात असे निर्देशन दिले आहे.  त्‍यानुसार सामनेवाले क्र.१ ते ४ तर्फे केतन मोरडेकर हया आयोगासमोर तक्रारीत दि.१८/०४/२०२२ रोजी हजर झाले आहेत.  तत्‍पुर्वी तक्रारदारांनी आयोगाचे आवक कक्षात क्रं.२८१ दि.११/०३/२०२२ रोजी प्रस्‍तुत तक्रार काढून घेणेची परवानगी मिळणेचा अर्ज दाखल केला आहे व नमुद अर्जात तक्रारदारांनी कथन केले आहे की, त्‍याना व्‍यक्‍तीगत कारणे व प्रवासाच्‍या अडचणीमुळे तक्रारीचे नेमलेल्‍या तारखांना हजर रहाता येत नाही म्‍हणून प्रस्‍तुत तक्रार confonet वर प्रकाशित न करण्‍याचे निर्देशन देवून व प्रस्‍तुत तक्रार पुन्‍हा कायदयातील तरतुदींनूसार दाखल करण्‍याची मुभा देवून काढून घेणेस परवानगी मिळावी. सामनेवालेसाठी पोद्दार हौसिंग अॅंड डेव्‍हलपमेंट लि. तर्फे प्राधिकृत स्‍वाक्षरीकर्त्‍याने दि.१४/०४/२०२२ रोजी पुरसिस दाखल करुन, प्रस्‍तुत तक्रार काढून घेणेच्‍या तक्रारदारांचे अर्जावर लेखी ना-हरकत दिली आहे मात्र न्‍यायहिताने नमुद तक्रार ही confonet वर प्रकाशित करण्‍यात यावी असे नमुद केले आहे.

      ज्‍या अर्थी तक्रारदारांना त्‍यांची प्रस्‍तुत स्‍थानांतरीत ग्राहक तक्रार सामनेवाले विरुध्‍द काढून घ्‍यावयाची आहे व त्‍यास सामनेवालेंची हरकत नाही त्‍या अर्थी प्रस्‍तुत तक्रार सामनेवाले विरुध्‍द काढून घेणेस तक्रारदारांना परवानगी देणे योग्‍य राहील तसेच तक्रारदारांचे विनंती प्रमाणे प्रस्‍तुत तक्रार त्‍यांना हया आदेशाचे पारित तारखेपासून योग्‍य त्‍या न्‍यायाधिकरणात लागू कायदयाप्रमाणे लागू मुदतीत दाखल करण्‍यासही परवानगी देणे योग्‍य राहील.  मात्र प्रस्‍तुत निकाल confonet वर प्रकाशित करु नये असे निर्देशन मिळावे ही तक्रारदारांची विनंती अमान्‍य करणे योग्‍य राहील.  वर नमुद विश्‍लेषणावरुन खालील प्रमाणे अंतिम आदेश पारित करण्‍यात येतो.

आ दे श

१. तक्रारदार यांना प्रस्‍तुत तक्रार क्र.CC/22/28 सामनेवाले विरुध्‍द काढून घेणेस परवानगी देण्‍यात येते.

२. तक्रारदारांना प्रस्‍तुत तक्रार सामनेवाले विरुध्‍द योग्‍य त्‍या न्‍यायाधिकरणात प्रस्‍तुत आदेश प्रत प्राप्‍त झाल्‍याचे तारखेपासून लागू असलेल्‍या मुदतीत दाखल करणेस मुभा देण्‍यात येते.

३. खर्चाबाबत आदेश नाही.

४. आदेशप्रत उभय पक्षकारांना मोफत देण्‍यात यावी.