तक्रारदार : प्रतिनीधी श्री.राजन बदले हजर.
सामनेवाले : एकतर्फा.
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
निकालपत्रः- श्री.ज.ल.देशपांडे, अध्यक्ष ठिकाणः बांद्रा
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
न्यायनिर्णय
1. सा.वाले हे विकासक/बिल्डर आहेत. तक्रारदारांनी सा.वाले यांचे प्रकल्पामध्ये सदनिका क्षेत्रफळ 410 चौरस फूट, एकूण किंमत रु.91,000/- खरेदी करण्याचे ठरविले. व त्या बद्दल तक्रारदारांनी सा.वाले यांना वेगवेगळया तारखांना एकूण रु.74,251/- अदा केले. सा.वाले यांनी प्रकल्प पूर्ण केला नाही. व तक्रारदारांना सदनिकेचा ताबा दिला नाही. तक्रारदार सा.वाले यांचेकडे त्या बद्दल सारखा तगादा लावित होते. परंतु काहीच परीणाम झाला नाही. अंतीमतः तक्रारदारांनी प्रस्तुतची तक्रार दाखल केली.
2. सा.वाले यांचे दोन्ही पत्यावर नोटीस पाठविण्यात आल्या. सा.वाले यांना विरार, जिल्हा ठाणे येथील पत्यावर नोटीस बजावण्यात आली. पोच पावती दाखल आहे. परंतु सा.वाले गैर हजर राहील्याने त्यांचे विरुध्द प्रकरण एकतर्फा करण्यात आले.
3. प्रस्तुत मंचाने तक्रार, शपथपत्रे व कागदपत्रे यांचे वाचन केले. त्यावरुन तक्रारीचे निकालीकामी पुढील मुद्दे कायम करण्यात येतात.
क्र. | मुद्दे | उत्तर |
1 | सा.वाले यांनी तक्रारदारांना सदनिकेच्या संदर्भात सेवा सुविधा पुरविण्यात कसुर केली ही बाब तक्रारदार सिध्द करतात काय ? | होय. |
2 | तक्रारदार सा.वाले यांचेकडून तक्रारीत मागीतल्या प्रमाणे रक्कम वसुल करण्यास पात्र आहेत काय ? | होय. अंशतः |
3. | अंतीम आदेश ? | तक्रार अंशतः मंजूर करण्यात येते. |
कारण मिमांसा
4. तक्रारदारांचा व्यवहार वर्षे 1988-89 सालामधील असल्याने तक्रारदारांनी तक्रारीसोबत विलंब माफीचा अर्ज दाखल केला. त्या अर्जाची नोटीस सा.वाले यांना पाठविण्यात आली होती. नोटीस बजावून देखील सा.वाले गैर हजर राहील्याने तक्रारदारांचा विलंब माफीचा अर्ज मंजूर करण्यात आला. त्यानंतर तक्रार दाखल करुन घेण्यात येऊन सा.वाले यांना नोटीस पाठविण्यात आली. सा.वाले यांना विरार येथील पत्यावर नेाटीस बजावल्या बद्दल पोच पावती अभिलेखात प्राप्त आहे. त्यावरुन सा.वाले यांना नोटीस बजावल्याचे दिसून आले. त्यावरुन सा.वाले यांचे विरुध्द प्रकरण एकतर्फा करण्यात आले.
5. तक्रारदारांनी तक्रारीमध्ये असे कथन केले आहे की, त्यांनी पुढील तारखांना वेग वेगळया रक्कमा सा.वाले यांना सदनिकेच्या किंमतीबद्दल अदा केल्या
अ.क्र. | दिनांक | रक्कम |
1 | 30.10.1988 | रु.15,001/- |
2 | 11.10.1989 | रु.15,000/- |
3. | 18.9.1990 | रु.15,000/- |
4. | 18.10.1991 | रु.15,000/- |
5. | 21.9.1992 | रु.11,250/- |
6. | 31.5.1997 | रु. 3,000/- |
| एकूण रु.74,251/- |
6. तक्रारदारांनी वरील कथनाचे पृष्टयर्थ तक्रारीसोबत सा.वाले यांनी तक्रारदारांना दिलेल्या पावत्याच्या प्रती हजर केलेल्या आहेत. तसेच सा.वाले यांचेकडून वेळोवेळी रक्कम मागण्याबद्दल जे प्राप्त झाले त्याच्या देखील प्रति हजर केलेल्या आहेत. सा.वाले यांनी तक्रारदारांना दिनांक 4.6.1997 रोजी एक पत्र देऊन प्रकल्प पूर्ण का होत नाही याची माहिती दिलेली आहे. तक्रारदारांनी सा.वाले यांना जमा केलेले पैसे परत मागण्या बद्दल जे पत्र दिले होते त्याची प्रत दाखल केलेली आहे. वरील सर्व लेखी पुरावा तक्रारदारांच्या कथनास पुष्टी देतो.
7. सा.वाले यांनी हजर होऊन तक्रारदारांची तक्रारीमधील कथने नाकारली नाहीत. त्यावरुन सा.वाले यांना ती कथने मान्य आहेत असा निष्कर्ष काढावा लागतो. सा.वाले यांनी कथने नाकारली नसल्याने तक्रारदारांच्या तक्रारीतील कथने अबाधीत राहातात.
8. वरील परिस्थितीत सा.वाले यांनी तक्रारदारांकडून सदनिकेच्या किंमतीपोटी मोठया प्रमाणात रक्कम स्विकारली. परंतु प्रकल्प पूर्ण करुन तक्रारदारांना सदनिकेचा ताबा दिला नाही ही बाब सिध्द होते. सबब सा.वाले यांनी तक्रारदारांना सदनिकेच्या ताब्याच्या संदर्भात सेवा सुविधा पुरविण्यात कसुर केली असा निष्कर्ष काढावा लागतो.
9. तक्रारदारांनी तक्रारीमध्ये सा.वाले यांचेकडून संपूर्ण रक्कम 9 टक्के व्याजाने वसुल करुन मिळावी अशी मागणी केलेली आहे. त्या व्यतिरिक्त नुकसान भरपाईची मागणी केलेली आहे. परंतु तक्रारदारांना अदा केलेली रक्कम व्याजासह प्राप्त होणार असल्याने वेगळया नुकसान भरपाईचा आदेश करण्याची आवश्यकता नाही असे प्रस्तुत मंचाचे मत झाले आहे.
10. वरील चर्चेनुरुप व निष्कर्षावरुन पुढील प्रमाणे आदेश करण्यात येतो.
आदेश
1. तक्रार क्रमांक 26/2012 ही अंशतः मंजूर करण्यात येते.
2. सामनेवाले यांनी तक्रारदारांना सदनिकेच्या ताब्याच्या संदर्भात सेवा सुविधा पुरविण्यात कसुर केली असे जाहीर करण्यात येते.
3. सामनेवाले यांनी तक्रारदारांना वसुल केलेली रक्कम रु.74,250/-
शेवटची रक्कम अदा केलेल्या दिनांकापासून म्हणजे दिनांक
31.5.1997 पासून 9 टक्के व्याज दराने अदा करावी असे आदेश
सामनेवाले यांना देण्यात येतात.
4. या व्यतिरिक्त सामनेवाले यांनी तक्रारदारांना तक्रारीच्या खर्चाबद्दल
रु.10,000/- अदा करावेत असाही आदेश देण्यात येतो.
5. आदेशाच्या प्रमाणित प्रती उभय पक्षकारांना विनामुल्य पाठविण्यात
याव्यात.
ठिकाणः मुंबई.
दिनांकः 09/07/2013