तक्रारदार : वकील श्रीमती वारुंजीकर (त.क्र.149 व 150/2012
मध्ये हजर. व प्रतिनीधी श्री.राजन बदले
(त.क्र.366/2012) मध्ये हजर.
सामनेवाले : एकतर्फा
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
निकालपत्रः- श्री.ज.ल.देशपांडे, अध्यक्ष ठिकाणः बांद्रा
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
न्यायनिर्णय
1. सा.वाले हे विकासक/बिल्डर आहेत. तक्रारदारांनी सा.वाले यांच्या विरार येथील प्रकल्पामध्ये तक्रारीत नमुद सदनिका सा.वाले यांच्याकडून खरेदी करण्याचे ठरविले. व त्याबद्दल प्रत्येक तक्रारदारांनी सा.वाले यांना वेळोवेळी सदनिकेच्या किंमतीपोटी अनामत रक्कमा अदा केल्या. सा.वाले यांनी तक्रारदारांकडून बरीच मोठी रक्कम स्विकारुन देखील सदनिकेच्या विक्री बद्दल करारनामा करुन दिला नाही. तसेच प्रकल्प पूर्ण करुन तक्रारदारांना सदनिकेचा ताबा देखील दिला नाही. तक्रारदार सा.वाले यांचेकडे वेळोवेळी स्मरणपत्रे पाठवून प्रकल्प पूर्ण करुन सदनिकेचा ताबा देण्याबद्दल मागणी करीत होते. परंतु सा.वाले यांनी प्रकल्प पूर्ण केला नाही व तक्रारदारांना सदनिकेचा ताबा देखील दिला नाही. अंतीमतः वरील तक्रारदारांनी सा.वाले यांचे विरुध्द सदरील वेग वेगळया तक्रारी दाखल केल्या व सा.वाले यांनी तक्रारदारांकडून सदनिकेच्या किंमतीपोटी स्विकारलेली रक्क्म व्याजासह परत करावी. तसेच नुकसान भरपाई अदा करावी अशा दादी मागीतल्या.
2. तक्रारदारांचा सा.वाले यांचे सोबतचा व्यवहार बराच जुना असल्याने तक्रारदारांनी तक्रारीसोबत विलंब माफीचा अर्ज दिला. तक्रारीसोबत त्याची नोटीस सा.वाले यांना पाठविण्यात आली. सा.वाले यांना सर्व तक्रारीमध्ये विरार येथील पत्यावर नोटीसा बजावण्यात आल्या. नोटीस बजावून देखील सा.वाले हे गैर हजर असल्याने सा.वाले यांचे विरुध्द एकतर्फा आदेश करण्यात आला. त्यानंतर तक्रारदारांनी आपले पुराव्याचे शपथपत्र प्रत्येक तक्रारीमध्ये दाखल केले.
3. प्रस्तुत मंचाने प्रत्येक तक्रारीतील तक्रार, शपथपत्रे व कागदपत्रे यांचे वाचन केले. त्यावरुन तक्रारीचे निकालीकामी पुढील मुद्दे कायम करण्यात येतात.
क्र. | मुद्दे | उत्तर |
1 | सा.वाले यांनी तक्रारदारांना सदनिकेच्या संदर्भात सेवा सुविधा पुरविण्यात कसुर केली ही बाब तक्रारदार सिध्द करतात काय ? | होय. |
2 | तक्रारदार सा.वाले यांचेकडून तक्रारीत मागीतल्या प्रमाणे रक्कम वसुल करण्यास पात्र आहेत काय ? | होय. अंशतः |
3. | अंतीम आदेश ? | तक्रार अंशतः मंजूर करण्यात येते. |
कारण मिमांसा
4. तक्रार क्र.366/2012 यामध्ये तक्रारदारांनी सा.वाले यांचेकडून 410 चौरस फुटाची सदनिका एकूण किंमत रु.91,000/- खरेदी करण्याचे ठरविले. तक्रारदारांनी सदनिकेच्या किंमतीपोटी सा.वाले यांना एकूण रु.89,251/- अदा केले. त्याचा तपशिल तक्रारदारांनी तक्रारीचे परिच्छेद क्र.2 मध्ये दिलेला आहे. तक्रारदारांनी तक्रारीसोबत सा.वाले यांनी तक्रारदारांकडून रक्कम वसुल झाल्याबद्दल दिलेल्या पावत्यांच्या प्रती हजर केलेल्या आहेत. सा.वाले यांनी तक्रारदारांना प्रकल्पाच्या प्रगती बद्दल एक पत्र पाठविले होते, त्याची देखील प्रत तक्रारदारांनी तक्रारीसोबत दाखल केलेली आहे. वरील सर्व लेखी पुरावा तक्रारदारांच्या तक्रारीतील कथनास पुष्टी देतो.
5. तक्रार क्र.149/2012 मधील तक्रारदारांनी 410 चौरस फुटाची सदनिका खरेदी करण्याचे ठरविले. तक्रारदारांनी सदनिकेच्या किंमतीपोटी सा.वाले यांना वेळोवेळी एकूण रक्कम रु.41,251/- अदा केले. ज्याचा तपशिल तक्रारदारांनी तक्रारीचे परिच्छेद क्र.3 ते 6 मध्ये दिलेला आहे. तक्रारदारांनी तक्रारीसोबत सा.वाले यांनी तक्रारदारांकडून रक्कम वसुल झाल्याबद्दल दिलेल्या पावत्यांच्या प्रती हजर केलेल्या आहेत. सा.वाले यांनी तक्रारदारांना प्रकल्पाच्या प्रगती बद्दल एक पत्र पाठविले होते, त्याची देखील प्रत तक्रारदारांनी तक्रारीसोबत दाखल केलेली आहे. वरील सर्व लेखी पुरावा तक्रारदारांच्या तक्रारीतील कथनास पुष्टी देतो.
6. तक्रार क्र.150/2012 मधील तक्रारदारांनी 450 चौरस फुटाची सदनिका खरेदी करण्याचे ठरविले. तक्रारदारांनी सदनिकेच्या किंमतीपोटी सा.वाले यांना वेळोवेळी एकूण रक्कम रु.52,951/- अदा केले. ज्याचा तपशिल तक्रारदारांनी तक्रारीचे परिच्छेद क्र.2 मध्ये दिलेला आहे. तक्रारदारांनी तक्रारीसोबत सा.वाले यांनी तक्रारदारांकडून रक्कम वसुल झाल्याबद्दल दिलेल्या पावत्यांच्या प्रती हजर केलेल्या आहेत. सा.वाले यांनी तक्रारदारांना प्रकल्पाच्या प्रगती बद्दल एक पत्र पाठविले होते, त्याची देखील प्रत तक्रारदारांनी तक्रारीसोबत दाखल केलेली आहे. वरील सर्व लेखी पुरावा तक्रारदारांच्या तक्रारीतील कथनास पुष्टी देतो. या व्यतिरिक्त तक्रारदारांनी सा.वाले यांचे सोबत झालेल्या करारनाम्याची प्रतसुध्दा हजर केलेली आहे. करारनाम्यामध्ये सर्व तपशिल नोंदविण्यात आलेला आहे. तरी देखील सा.वाले यांनी प्रकल्प पूर्ण केलेला नसल्याने तक्रारदारांनी सा.वाले यांना वकीलामार्फत कायदेशीर नोटीस दिली. व त्यानंतर प्रस्तुतची तक्रार दाखल केली.
7. वरील सर्व तक्रारीमध्ये सा.वाले यांनी नोटीस बजावल्या नंतर देखील हजर होऊन आपली कैफीयत दाखल केलेली नाही. त्यामुळे तक्रारदारांच्या तक्रारीतील सर्व कथने अबाधीत रहातात. वरील सर्व पुराव्यावरुन सा.वाले यांनी प्रत्येक तक्रारदाराकडून सदनिकेच्या किंमतीपोटी वेग वेगळया रक्कमा स्विकारल्या. परंतू प्रकल्प पूर्ण करुन प्रत्येक तक्रारदारास ठरल्याप्रमाणे सदनिकेचा ताबा दिला नाही. त्यावरुन सा.वाले यांनी प्रत्येक तक्रारदारास सदनिकेच्या ताब्याच्या संदर्भात सेवा सुविधा पुरविण्यात कसुर केली असा निष्कर्ष काढावा लागतो.
8. तक्रार क्रमांक 149 व 150/2012 या मधील तक्रारदारांनी जमा केलेली रक्कम 18 टक्के व्याज दराने परत मागीतलेली आहे. तर तक्रार क्र.366/2012 या तक्रारीतील तक्रारदारांनी जमा केलेली रक्कम 21 टक्के व्याज दराने परत मागीतलेली आहे. परंतु प्रकरणाचा एकंदर विचार करता सा.वाले यांनी तक्रारदारांना शेवटची रक्कम अदा केलेल्या दिनांकापासून 18 टक्के दराने व्याजासह संपूर्ण रक्कम परत करावी असा आदेश देणे योग्य व न्याय्य राहील असे प्रस्तुत मंचाचे मत झाले आहे. तक्रारदारांना मुळची रक्कम 18 टक्के व्याजासह परत मिळणार असल्याने वेगळया नुकसान भरपाईच्या आदेशाची आवश्यकता नाही असे प्रस्तुत मंचाचे मत झाले आहे.
9. वरील चर्चेनुरुप व निष्कर्षावरुन पुढील प्रमाणे आदेश करण्यात येतो.
आदेश
1. तक्रार क्रमांक 149/2012,150/2012 व 366 /2012 हया तिन्ही
तक्रारी अंशतः मंजूर करण्यात येतात.
2. तक्रार क्र.366/2012 मध्ये सा.वाले यांनी तक्रारदारांकडून
स्विकारलेली एकूण रक्कम रु.89,250/- शेवटची रक्कम अदा केलेल्या
दिनांकापासून म्हणजे दिनांक 27.6.1997 पासून 18 टक्के व्याजासह
तक्रारदारांना अदा करावी असा आदेश सा.वाले यांना देण्यात येतो.
3. तक्रार क्र.149/2012 मध्ये सा.वाले यांनी तक्रारदारांकडून
स्विकारलेली एकूण रक्कम रु.41,250/- शेवटची रक्कम अदा केलेल्या
दिनांकापासून म्हणजे दिनांक 07.7.1993 पासून 18 टक्के व्याजासह
तक्रारदारांना अदा करावी असा आदेश सा.वाले यांना देण्यात येतो.
4. तक्रार क्र.150/2012 मध्ये सा.वाले यांनी तक्रारदारांकडून
स्विकारलेली एकूण रक्कम रु.52,950/- शेवटची रक्कम अदा केलेल्या
दिनांकापासून म्हणजे दिनांक 19.1.1995 पासून 18 टक्के व्याजासह
तक्रारदारांना अदा करावी असा आदेश सा.वाले यांना देण्यात येतो.
5. या व्यतिरिक्त सामनेवाले यांनी प्रत्येक तक्रारीतील तक्रारदारांना
तक्रारीच्या खर्चाबद्दल रु.10,000/- अदा करावेत असाही आदेश
सामनेवाले यांना देण्यात येतो.
6. आदेशाच्या प्रमाणित प्रती तक्रारदारांना विनामुल्य पाठविण्यात
याव्यात.
( एस.आर.सानप ) ( ज.ल.देशपांडे )
सदस्य अध्यक्ष
ठिकाणः मुंबई.
दिनांकः 09/07/2013
साधाप/