द्वारा मा. श्रीमती अंजली देशमुख, अध्यक्ष

 

1]    तक्रारदारांनी प्रस्तुतची तक्रार जाबदेणार यांनी त्यांच्याकडून घेतलेली व्हॅटची रक्कम रु.24,942/- परत मिळावी म्हणून दाखल केलेली आहे. तक्रारदार यांनी जाबदेणार यांचेकडून सर्व्हे नं. 11, लेक टाऊन, ओल्ड ऑफिस बिल्डिंग, बिबवेवाडी, कात्रज, पुणे – 411 046 येथील सदनिका क्र. ए-2/603 नोंदणीकृत करारनाम्याअन्वये खरेदी केली होती. तक्रारदारांचे पुढे असे म्हणणे आहे की, जाबदेणार यांनी त्यांना सदनिकेचा ताबा विलंबाने दिला. तक्रारदार त्यांच्या तक्रारीच्या परिच्छेद क्र. 2 मध्ये असे नमुद करतात की, त्यांनी मार्च 2009 मध्ये सदरच्या सदनिकेची विक्री केलेली आहे.

2]    तक्रारदार यांच्या तक्रारीचे अवलोकन केले असता मंचाचे असे मत आहे की, तक्रारदार यांनी त्यांच्या सदनिकेची विक्री केल्यामुळे ते जाबदेणार यांचे ‘ग्राहक’ होत नाहीत. त्यामुळे, प्रस्तुतची तक्रार ही या मंचामध्ये चालण्यास पात्र नाही. सबब, प्रस्तुतची तक्रार दाखल करुन घेतेवेळीच निकाली काढण्यात येते.