तक्रारदारांची तक्रार वाचली. दाखल सुनावणीकामी तक्रारदार वकीलांचा तोंडी युक्‍तीवाद एैकण्‍यात आला. तक्रारदारांनी दिनांक 27.1.2013 रोजी घेतलेल्‍या एलईडी दूरचित्रवाणीसंच हा सुमारे एक वर्षापर्यत विना तक्रार कार्यरत होता. परंतु एका वर्षानंतर सदर दूरचित्रवाणी संचात एकाएकी बिघाड निर्माण झाला.

     अभिलेखातील कागदपत्रांचे अवलोकन केल्‍यावर असे दिसते की, सदर दूरचित्रवाणी संचाचा हमीचा कालावधी हा एका वर्षाकरीता मर्यादित होता. परंतु तक्रारदार यांच्‍या स्‍वतःच्‍या म्‍हणण्‍याप्रमाणे दूरचित्रवाणी संच दिनांक 4.7.2014 पर्यत व्‍यवस्थित कार्यरत होता. सा.वाले क्र. 2 यांनी देखील सदरचा दूरचित्रवाणीसंच हमी कालावधीच्‍या बाहेर गेल्‍यामुळे सदर दूरचित्रवाणी संच विना मोबदला दूरुस्‍ती करण्‍याचे नाकारले. दूरचित्रवाणी संचाचा हमीचा कालावधी एक वर्षाचा असल्‍यामुळे सा.वाले यांची वरील कृती सेवा सुविधा पुरविण्‍यात योग्‍य वाटत नाही. तसेच कागदपत्रांवरुन असे दिसते की, तक्रारदार यांनी सा.वाले क्र.1 यांचेशी पत्र व्‍यवहार केल्‍यानंतर सा.वाले क्र. 1 हे तक्रारदारांना दूरचित्रवाणी संचाची 75 टक्‍के रक्‍कम म्‍हणजेच रु.90,000/- परत करण्‍यात तंयार होते. परंतु तक्रारदार यांनी ती न स्विकारता पूर्ण रक्‍कमेचा परतावा मागीतला. तक्रारदार यांनी सदरचा दूरचित्रवाणीसंच दिडवर्षापेक्षा अधिक काळ विना तक्रार उपभोगल्‍यामुळे सा.वाले क्र.1 यांची कृती आक्षेपार्ह वाटत नाही. सबब सदर प्रकरणात प्रथम दर्शनी देखील सा.वाले क्र. 1 व 2 यांचे कडून कोणत्‍याही प्रकारे सेवा सुविधा पुरविण्‍यात कसुर दिसून येत नाही. सबब तक्रारदार यांची तक्रार दाखल न करता रद्द करण्‍यात येते. प्रकरण समाप्‍त. हाच अंतीम आदेश समजण्‍यात यावा.

  आदेशाची प्रत तक्रारदारांना पाठविण्‍यात यावी.

साधाप/( दिनांक 18.12.2014)