जिल्‍हा ग्राहक तक्रार निवारण न्‍याय मंच,जळगाव यांचे समोर. . . . .
तक्रार क्रमांक 1593/2008
तक्रार पंजीबध्‍द करण्‍यात आले तारीखः – 03/12/2008
सामनेवाला यांना नोटीस लागलेली तारीखः 21/01/2009.
तक्रार निकाली काढणेत आली तारीखः- 05/08/2009
1. श्री.प्रकाश रामकृष्‍ण मुंगड,
1.उ.व. सज्ञान, धंदाः नौकरी,
2. सौ.विणा प्रकाश मुंगड,
2.उ.व.सज्ञान, धंदाः घरकाम,
रा.दोघ 150, नवी पेठ, जळगांव. .......... तक्रारदार
विरुध्‍द
1. श्री.पद्ममालया नागरी सहकारी पतसंस्‍था मर्या.जळगांव,
1.ई हॉल, पहिला मजला, जुने बी.जे.मार्केट, जळगांव 425 001.
1.( सदर सामनेवाला क्र. 1 ची नोटीस / समन्‍सची बजावणी
सामनेवाला क्र. 2 यांचेवर करण्‍यात यावी.)
2. चेअरमन, श्री.अतुल भगवानदास सोमाणी,
रा.एस.एम.आय.टी.कॉलेज जवळ, बी.जे.नगर, जळगांव.
3. श्री.गिरीष नारायण बापेचा, व्‍हा.चेअरमन,
रा.9, सुमतीदर्शन अपार्टमेंट, मोहाडी रोड, जळगांव.
4. श्री.विनोद गोकुळदास कासट, संचालक,
रा.9, रोहीणी अपार्टमेंट, यशवंत कॉलनी, जळगांव.
5. श्री.विलास नंदलाल कर्वा, संचालक,
रा.203/204, कावेरी अपार्टमेंट, प्रोफेसर कॉलनी,
जिल्‍हा उद्योग केंद्रा समोर, जळगांव, ता.जि.जळगांव.
6. श्री.जयेंद्र सुभाष जाखेटे, संचालक,
रा.13, विद्युतनगरी, महाबळ कॉलनीजवळ, जळगांव.
7. श्री.प्रफुल्‍ल विश्‍वनाथ विभांडीक, संचालक,
रा.22 ब, शारदा कॉलनी, महाबळ, जळगांव.
8. सौ.निता अतुल सोमाणी, संचालिका,
रा.एस.एम.आय.टी.कॉलेज रोड, बी.जे.नगर, जळगांव.
9. सौ.ममता संजय दहाड, संचालिका,
रा.7, सुयोग कॉलनी, गिरणा टॉकीजवळ, जळगांव.
10. सौ.सुषमा सुनिल बाहेती, संचालिका,
रा.178, एस.एम.आय.टी.कॉलेज रोड, बी.जे.नगर,जळगांव.
11. श्री.सुनिल मदनलाल मुंदडा, संचालक,
रा.मयुर सेल्‍स, 4 नेहते कॉम्‍प्‍लेक्‍स, सिंधी कॉलनी, जळगांव.
12. श्री.धनराज विठठ्ल सपकाळे, संचालक,
व्‍दाराः पद्ममालया नागरीक सहकारी पतसंस्‍था मर्या.जळगांव,
ई हॉल, पहीला मजला, जुने बी.जे.मार्केट, जळगांव 425 001.
13. सौ.किर्ती दिपक ब-हाणपुरकर, व्‍यवस्‍थापक,
13.व्‍दाराः पद्ममालया नागरीक सहकारी पतसंस्‍था मर्या.जळगांव,
13.ई हॉल, पहीला मजला, जुने बी.जे.मार्केट, जळगांव 425 001.
....... सामनेवाला.
न्‍यायमंच पदाधिकारीः-
श्री. बी.डी.नेरकर अध्‍यक्ष.
अड. श्री.चंद्रकांत मोहन येशीराव सदस्‍य.
अंतिम आदेश
( निकाल दिनांकः 05/08/2009)
(निकाल कथन न्‍याय मंच सदस्‍य श्री. चंद्रकांत मोहन येशीराव यांचेकडून )
तक्रारदार तर्फे कु.प्रेरणा रा.काळुंखे वकील हजर
सामनेवाला क्रं. 1 ते 12 तर्फे श्री.दिलीप बी.मंडोरे वकील हजर.
सामनेवाला क्र. 13 एकतर्फा.
सदर प्रकरण तक्रारदार यांनी सामनेवाला यांचेविरुध्‍द ग्राहक संरक्षण कायदा, 1986 चे कलम 12 प्रमाणे दाखल केलेले आहे. संक्षिप्‍तपणे प्रकरणाची हकिकत खालीलप्रमाणे आहेः-
1. सामनेवाला ही महाराष्‍ट्र को-ऑपरेटीव्‍ह सोसायटी अक्‍ट 1960 चे कायद्यान्‍वये स्‍थापन झालेली एक नोंदणीकृत नामांकीत पतसंस्‍था आहे. सदरील सामनेवाला यांचे जळगाव जिल्‍हयात वेगवेगळया ठिकाणी शाखा आहेत. वेगवेगळया प्रकारच्‍या ठेवी स्विकारणे, त्‍यावर व्‍याजदेणे, कर्ज वाटप करणे इत्‍यादी सामनेवाला या पतसंस्‍थेचे कार्य आहेत. सामनेवाला ही एक नामांकीत पतसंस्‍था असल्‍याने इतर ठेवीदारांप्रमाणे तक्रारदार यांनी सामनेवाला या पतसंस्‍थेत पुढील प्रमाणे रक्‍कम गुंतविलेल्‍या आहेत, त्‍याचा तपशील पुढील प्रमाणेः-
अ.क्र. | पावती क्रमांक | ठेव दिनांक | रक्‍कम रुपये | देय तारीख |
1 | 2118 | 13/09/2006 | 20,560/- | 01/02/2008 |
2 | 2115 | 03/09/2006 | 19,002/- | 22/01/2008 |
3 | 2120 | 11/09/2006 | 19,187/- | 30/01/2008 |
4 | 2119 | 11/09/2006 | 19,187/- | 30/01/2008 |
5 | 2121 | 11/09/2006 | 18,504/- | 30/01/2008 |
6 | 2122 | 19/09/2006 | 13,705/- | 16/09/2007 |
तक्रारदार यांनी वरील ठेव ठेवलेल्‍या मुदत ठेव पावत्‍यांची मुदत संपलेली असल्‍याने व तक्रारदार यांना आर्थिक गरज असल्‍याने , तक्रारदार हे त्‍यांची मुदत ठेवीची रक्‍कम सामनेवाला यांचेकडे व्‍याजासह मागणेसाठी गेले असता सामनेवाला यांनी तक्रारदार यांना उडवाउडवीची उत्‍तरे देऊन व पैसे देण्‍यास टाळाटाळ करुन सामनेवाला यांनी तक्रारदार यांचे ठेवीची रक्‍कम देण्‍यास नकार दिलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार यांनी त्‍यांच्‍या मुदत ठेवीची रक्‍कम व्‍याजासह परत मिळणेकामी तसेच त्‍यांना झालेल्‍या त्रासापोटी नुकसान भरपाई मिळणेसाठी सामनेवाला यांचेविरुध्‍द सदरील तक्रार दाखल केलेली आहे.
2. सदरची तक्रार पंजीबध्‍द करण्‍यात आल्‍यानंतर, सामनेवाला यांना ग्राहक संरक्षण कायदा, 1986 चे कलम 13(1) ब प्रमाणे नोटीसा काढण्‍यात आल्‍या. तथापी सामनेवाला क्र. 13 हे नोटीस प्राप्‍त होऊन देखील प्रस्‍तुतकामी हजर झाले नसल्‍याने त्‍यांचेविरुध्‍द एकतर्फा आदेश करण्‍यात आला. सामनेवाला क्रमांक 1 ते 12 यांनी प्रस्‍तुत प्रकरणी हजर होऊन खुलासा सादर केलेला आहे.
3. सामनेवाला क्र. 1 ते 12 यांनी तक्रारदाराची तक्रार नाकारली आहे. तक्रारदाराने स्‍वइच्‍छेने वेळोवेळी मुदत ठेव पावत्‍यांचे नुतनीकरण करुन घेतलेले आहे. सामनेवाला यांनी तक्रारदार यांना कधीही उडवाउडवीची उत्‍तरे दिलेली नव्‍हती व नाहीत. सामनेवाला यांनी तक्रारदार यांना कधीही वैयक्‍तीकरित्‍या भेटुन सामनेवाला संस्‍थेत ठेव ठेवण्‍याबाबत सांगीतलेले नव्‍हते. सामनेवाला यांनी संचालक या नात्‍याने सेवेत कोणतीही कसुर केलेली नाही. सहकारी संस्‍था व पतसंस्‍था यामध्‍ये ठेवीदारांनी ठेवलेल्‍या ठेवी काढुन घेण्‍याचे प्रमाण वाढलेले असल्‍रूाने त्‍याची झळ सामनेवाला पतसंस्‍थेस लागली आहे. तसेच सामनेवाला पतसंस्‍थेतील कर्ज येणे रक्‍कमेची वसुली आवश्‍यक त्‍या प्रमाणात न झाल्‍याने पतसंस्‍थेची रोख रक्‍कमेची लिक्‍वीडीटी कमी झाली आहे. सामनेवाला संस्‍थेकडे जशी जशी रक्‍कम येईल तशी परत करण्‍यास सामनेवाला तयार आहेत. तक्रारदारास सर्व परिस्थितीची जाणीव असुनही तक्रारदाराने सामनेवाला यांना त्रास देण्‍यासाठी प्रस्‍तुतचा अर्ज दाखल केला आहे. सबब सामनेवाला यांचेविरुध्‍द तक्रारदाराची तक्रार रद्य करावी अशी विनंती सामनेवाला क्रमांक 1 ते 12 यांनी केली आहे.
4. तक्रारदार यांची तक्रार, सामनेवाला क्र.1 ते 12 यांचे म्‍हणणे, दाखल केलेले कागदपत्रे याचे अवलोकन केले असता व उभयतांचा युक्‍तीवाद ऐकला असता न्‍यायनिवाडयासाठी पुढील मुद्ये उपस्थित होतातः-
1. तक्रारदार हा ग्राहक संरक्षण कायदा, 1986 चे कलम 2(1)
प्रमाणे ग्राहक आहे काय ? .......होय
2. सामनेवाला यांनी तक्रारदार यांना योग्‍य ती सेवा न
देऊन आपल्‍या सेवेत कसूर केला आहे काय ? ...... होय
म्‍हणून आदेश काय अंतिम आदेशाप्रमाणे
निष्‍कर्षाची कारणेः-
5. मुद्या क्रमांक 1 तक्रारदार यांनी तक्रारीत निशाणी 3अंतर्गत दाखल केलेल्‍या पावतीचे अवलोकन केले असता असे दिसून येते की, तक्रारदार यांनी काही रक्‍कम सामनेवाला यांचे पतसंस्‍थेत ठेव म्‍हणून ठेवलेली आहेत. सबब सदरील कागदपत्रावरुन दिसून येते की, तक्रारदार हा सामनेवाला यांचा ग्राहक संरक्षण कायदा, 1986 चे कलम 2(1) ड नुसार ग्राहक आहे.
6. मुद्या क्रमांक 2 दुसरी बाब अशी की, सामनेवाला यांनी तक्रारदार यास सेवा देण्‍यास कसूर केला आहे काय याबाबत मंचाचे लक्ष तक्रारदार यांनी सामनेवाला पतसंस्‍थेत रक्‍कम गुंतवणूक केलेल्‍या पावतीकडे वेधले असता असे दिसून येते की, ठेवीची मुदत संपल्‍यानंतर किंवा मुदत संपण्‍याआधी ठेवीदाराने सदरील रक्‍कमेची मागणी केल्‍यास ग्राहकांना त्‍यांच्‍या ठेवीच्‍या रक्‍कमा त्‍यांचे मागणीनुसार न देणे किंवा टाळाटाळ करणे हा ग्राहकाचा वाद आहे. सदरील मुदत ठेवीची रक्‍कमेची मागणी तक्रारदार यांनी सामनेवाला यांचेकडे केली असल्‍याचे तक्रारीतील कागदपत्रावरुन दिसून येते. परंतु सामनेवाला यांनी ती देण्‍यास वेळोवेळी नकार दिलेला आहे, सामनेवाला यांनी सदरील रक्‍कम तक्रारदार यांना नियमाप्रमाणे परत केलली नाही व सदरील रक्‍कम आपल्‍या फायद्याकरीता मुद्याम स्‍वतःकडे ठेऊन घेतली आहे. त्‍यामुळे तक्रारदार यास नाईलाजास्‍तव सदरील तक्रार दाखल करणे भाग पडले आहेतसेच सदरील तक्रार दाखल केल्‍यानंतर व तक्रारदार यांनी तक्रारीत त्‍यांचे शपथपत्रा दाखल केल्‍यानंतरही सदरील रक्‍कम तक्रारदार यास परत न करुन सामनेवाला यांनी अनुचित व्‍यापारी प्रथेचा अवलंब करुन आपल्‍या सेवेत कसूर केलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार हा सामनेवाला यांचेकडून त्‍यांची ठेव रक्‍कम व्‍याजासह परत मागणेस व नुकसान भरपाईची रक्‍कम मागणेस हक्‍कदार आहे.
7. उचित सेवा न देणे किंवा सेवेतील त्रुटी / कुचराई याबाबतीत सामनेवाला यांचा विचार करावयाचा झाल्‍यास, सामनेवाला किंवा त्‍यांचे कार्यकारी संचालक मंडळ यांची प्राथमिक जबाबदारी ठरते की, त्‍यांनी तक्रारदार काय किंवा इतर ठेवीदारांच्‍या ठेवी, संबंधीतांच्‍या ठेवीच्‍या मुदती संपल्‍यानंतर किंवा संपण्‍याआधी मागणी केल्‍यास त्‍या वेळचेवेळेवर परत करणे हे सामनेवाला यांचे नैतिक किंवा आवश्‍यक कर्तव्‍य आहे. कारण ठेवीदारांनी सदरील ठेवी हया सामनेवाला किंवा त्‍यांचे कार्यकारी संचालक मंडळ यांचेवर विश्‍वास ठेऊन ठेवलेल्‍या असतात. म्‍हणून आम्‍ही या निष्‍कर्षाप्रत पोहोचलो आहेत की, सामनेवाला किंवा त्‍यांचे कार्यकारी संचालक मंडळ हे स्‍वतंत्ररित्‍या व संयुक्‍तरित्‍या तक्रारदार यांच्‍या ठेवीच्‍या रक्‍कमा व्‍याजासह परत करणेस जबाबदार आहेत. सबब मंच पुढील आदेश पारीत करीत आहे.
आ दे श
( अ ) तक्रारदार यांचा तक्रारी अर्ज अंशतः मंजूर करण्‍यात येतो.
( ब ) सामनेवाला क्रं. 1 ते 13 यांना असे निर्देशित करण्‍यात येते की, त्‍यांनी तक्रारदार यांची मुदत ठेव पावती क्रमांक 2118, 2115, 2120, 2119, 2121 व 2122 मॅच्‍युअर्ड झालेली असल्‍याने त्‍यावरील मुदती अंती देय असलेल्‍या रक्‍कमा त्‍या त्‍या पावतीवरील देय तारखेनंतर (मुदत ठेवीचा कालावधी संपल्‍यापासून ) एकत्रित रक्‍कमेवर द.सा.द.शे . 5 टक्‍के व्‍याजासह तक्रारदार यांना आदेश दिनांकापर्यंत देण्‍यात यावेत.
( क ) सामनेवाला क्रं. 1 ते 13 यांना असेही निर्देशित करण्‍यात येते की, त्‍यांनी तक्रारदार यास झालेल्‍या मानसिक, शरिरिक व आर्थिक त्रासापोटी रक्‍कम रुपये 2000/- नुकसान भरपाई म्‍हणून देण्‍यात यावे.
( ड ) सामनेवाला क्रं. 1 ते 13 यांना असेही निर्देशित करण्‍यात येते की, त्‍यांनी तक्रारदार यास सदरील तक्रारीचे खर्चापोटी रक्‍कम रुपये 1000/- देण्‍यात यावे.
( इ ) सामनेवाला क्रं. 1 ते 13 यांना असेही निर्देशित करण्‍यात येते की, त्‍यांनी वरील सर्व रक्‍कमा तक्रारदार यांना सदरील आदेश पारीत केल्‍यापासून एक महिन्‍याच्‍या आत द्याव्‍यात अन्‍यथा वरील सर्व एकत्रित रक्‍कमेवर तक्रारदार यांना द.सा.द.शे. 6 टक्‍के व्‍याजासह संपूर्ण रक्‍कम फीटेपावेतो आदेश दिनांकापर्यंत देण्‍यात यावेत.
( ई ) सदरील तक्रारीच्‍या आदेशाची पुर्तता मुदतीत न केल्‍यास सामनेवाला क्रं. 1 ते 13 हे ग्राहक संरक्षण कायदा 1986चे कलम 25 व 27 प्रमाणे कार्यवाहीस पात्र ठरतील.
( फ ) उभयपक्षकारांना आदेशाची सही शिक्‍क्‍याची प्रत निःशुल्‍क देण्‍यात यावी.
ज ळ गा व
दिनांकः- 05/08/2009
(श्री.चंद्रकांत मोहन येशीराव ) ( श्री.बी.डी.नेरकर )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव
