द्वारा – श्रीमती. स्‍नेहा म्‍हात्रे, अध्‍यक्षा

    तक्रारदारातर्फे वकील श्री. विकास शिंदे हजर. सामनेवाले 1 तर्फे वकील श्री. सचिन राजे हजर. सामनेवाले 2 एकतर्फा. सदर प्रकरणामध्ये तक्रारदारांनी तक्रार दाखल करण्‍याकामी त्‍यांना झालेला विलंब माफ करुन देण्‍याबाबत विलंब माफीचा अर्ज दाखल केला असून,  त्‍यामध्‍ये 10 महिने 17 दिवसांचा विलंब असल्‍याचे नमूद केले आहे.  तसेच सदर विलंब हा हेतूपुरस्‍सर केलेला नसून दरम्‍यानच्‍या काळात कोव्‍हीड-19 चा प्रादूर्भाव असल्‍याने व टाळेबंदी जाहीर झाल्‍याने तक्रारदारांना प्रस्‍तूत तक्रार विहीत मुदतीत दाखल करता आली नाही असे निवेदन तक्रारदाराच्‍या वकीलांनी केले.  सदर अर्जामध्‍ये नमूद केल्‍यानुसार, सामनेवाले यांनी तक्रारदारांना सदर प्रकरणात नमूद पॉलिसीबाबत ती मंजूर केली की नामंजूर याबाबत कळविले नसल्‍याने तक्रारीचे कारण कायम असल्‍याचे दिसून येते. परंतु तक्रारदारांनी भविष्‍यामध्‍ये विहीत मुदतीबाबत वाद उत्‍पन्‍न होऊ नये याकरिता प्रस्‍तूत विलंब माफीचा अर्ज दाखल केला असून त्‍यावर योग्‍य ते आदेश पारीत करावे असे निवेदन तक्रारदाराच्‍या वकीलांनी केले. ग्राहक संरक्षण कायदा 2019 कलम 34 (2) (बी) अन्‍वये दाखल केलेला दि. 24/08/2021 रोजीचा अर्ज प्रस्‍तूत प्रकरणामध्‍ये विलंब माफीचा अर्ज दाखल करुन घेताना मंजूर करण्‍यात आला आहे.  सदर अर्जामधील कारण पाहता प्रस्‍तूत तक्रार गुणवत्‍तेवर चालविणे संयुक्तिक असून प्रस्‍तूत तक्रार दाखल करण्‍याकामी विलंब झाला असे मानण्‍यात आले तरीही सदर विलंब हा हेतूपुरस्‍सर केलेला नसून त्‍या काळामध्‍ये असलेल्या कोव्‍हीड-19 च्‍या प्रादूर्भावामुळे झाल्‍याचे दिसून येते. सबब न्‍यायहिताच्‍या दृष्‍टीने सदर 10 महिने 17 दिवसांचा विलंब माफ करण्‍यात येतो.  तक्रार दाखल युक्तिवादाकामी प्रकरण नेमण्‍यात येते. पु.ने.ता.15/06/2022.