अर्जदार गैरहजर, त्‍यांचे वकिल हजर.

दरखास्‍त अर्ज क्र. 493/2019 व 520/2018 मध्‍ये सामनेवाले यांना जाहिर नोटीस प्रसिध्‍द करणेकामी त्‍यांचा पत्‍ता प्रतिज्ञापत्रावर देणेबाबत अर्जदारांना सूचित केले असता, सदर सामनेवाले हे कोपर खैरणे, नवी मुंबई येथे राहत असल्‍याने, त्‍या पत्‍त्‍यांवर जाहिर नोटीस प्रसिध्‍द करण्‍याची परवानगी देण्‍यात आलेली असतांना तारीख 19/08/2019 च्या दैनिक कोकण सकाळमध्‍ये जाहिर नोटीस प्रसिध्‍द करुन सामनेवाले यांचा पत्‍ता प्‍लॉट नं. 75, सेक्‍टर 17, वाशी, नवी मुंबई असा प्रसिध्‍द केला आहे. त्‍यामुळे स्‍पीड पोस्‍टाने त्‍या दैनिकाची प्रत सामनेवाले यांना पाठविली असता ते त्‍या पत्‍त्‍यावर राहत नाहीत या शे-यासह परत आली. तसेच दरखास्‍त अर्ज क्र. 494/2018 मध्‍ये सामनेवाले यांचा पत्‍ता प्रतिज्ञापत्रावर दिलेला नाही. सदरचा दरखास्‍त अर्ज सन 2018 पासून प्रलंबित आहे. तरीही अर्जदार व त्‍यांच्‍या वकिलांनी सामनेवाले यांचा अचूक व सविस्‍तर पत्‍ता न दिल्‍याने सदर दरखास्‍त अर्ज या मंचात दीड वर्षापासून प्रलंबित असून या मंचाचा वेळ वाया घालवला. कोपर खैरणे, नवी मुंबई या पत्‍त्‍यावर जाहिर नोटीस प्रसिध्‍द न करता ती वाशी येथील पत्‍त्‍यावर प्रसिध्‍द केल्यामुळे सामनवेाले यांना जाहिर नोटीस प्रसिध्‍द न झाल्‍याने सदर दरखास्‍ती आज रोजी रद्द करण्‍यात आल्‍या. दरखास्‍त अर्जांचे कागदपत्र अभिलेख कक्षात पाठवण्‍यात यावेत.