तक्रारदार गैरहजर, त्‍यांचे वकील सुधीर मेढेकर हजर, तक्रार आज रोजी सामनेवाले यांच्‍या पुराव्‍यासाठी नेमण्‍यात आली आहे. सामनेवाले यांचे वकील सुभाषचंद्र सिंग हजर. तक्रारदाराच्‍या वकीलांनी सामनेवाले यांचा पुरावा बंद करुन तोंडी व लेखी युक्‍तीवादासाठी तारीख मागणेकामी अर्ज दिला. तसेच दरम्‍यानच्‍या काळात झालेल्‍या घडामोडींबद्दल त्‍यांनी लेखी स्‍वरुपात म्‍हणणे देण्‍याबाबत अर्ज दिला. परंतु सामनेवाले यांचे वकीलांनी या मंचासमोर तक्रारदाराने विना हरकत विम्‍याची रक्‍कम रुपये 21,623/- दिनांक 14/06/2018 रोजी स्विकारली असल्याने तक्रार रद्द करण्‍याची मागणी केली.

सदर बाबतीत तक्रारदार व त्‍यांच्‍या विधिज्ञांच्‍या हजेरीचा विचार करणे आवश्‍यक आहे. तक्रारदार व त्‍यांचे वकील दिनांक 12/09/2018 पासून तक्रार तक्रारदाराच्‍या पुराव्‍यासाठी असतांना सतत गैरहजर राहीले. त्‍यांना रोजनाम्‍यात वेळोवेळी आदेश पारीत करुन पुरावा देण्‍यासाठी मुदत देण्‍यात आली. परंतु त्‍यांनी पुराव्याचे प्रतिज्ञापत्र न दिल्‍याने तारीख 30/06/2019 रोजी तसा आदेश पारीत करण्‍यात आला. सबब तक्रारदार व त्‍यांचे वकीलांनी, सामनेवाले यांनी वर नमूद केलेली रक्‍कम विना हरकत स्विकारुन तक्रारीच्‍या वादाचा निपटारा झाल्‍याची बाब मंचापासून लपवून ठेवली. किमानपक्षी तक्रारदारांच्‍या वकीलांनी अॅडव्‍होकेट अॅक्‍टच्‍या कलम 33 व 34  प्रमाणे कोर्टाप्रती काय कर्तव्‍य असते हे पाहणे आवश्‍यक आहे. त्‍यांनी कर्तव्‍य बजावले नाही ही दुर्दैवाची बाब आहे, व ती  ( मिसचीफ ) फसवणुकी या सदरात मोडते.  सबब वादातीत तक्रारीचा निपटारा तक्रारदाराने विम्‍याची रक्‍कम रुपये 21,621/- दिनांक 14/06/2019 रोजी स्विकारल्‍याने, सदर तक्रार रद्द करण्‍याशिवाय दुसरा पर्याय नाही. सबब तक्रारदाराच्‍या वकीलांनी वरील कर्तव्‍य पार न पाडल्याचा खेद व्‍यक्‍त करुन तक्रार रद्द करण्‍यात आली. तक्रारीचेकागदपत्र अभिलेख कक्षात पाठविण्‍यात यावेत.