-आदेश-

(पारित दिनांक 02.12.2011)

                             तक्रारकर्ते आणि गैरअर्जदारांचे वकील उपस्थित, त्‍यांचा युक्‍तीवाद ऐकला. सदर तक्रारीतील अंतरीम आदेशाप्रमाणे, मंचाने दोन्‍ही पक्षांना असे कळविले होते की, तक्रारकर्ते यांचेकडे नविन मिटर लावण्‍यात यावे आणि तीन महिन्‍यांच्‍या कालावधीमध्‍ये जी वाचनाची सरासरी येईल, त्‍याप्रमाणे त्‍यांनी देयके द्यावीत. याप्रमाणे तक्रारकर्त्‍याकडे नविन मिटर लावण्‍यात आले आणि त्‍याप्रमाणे सरासरी दरमहा 26.50 युनिट एवढा वापर तक्रारकर्त्‍याचा असल्‍याचे दिसून आले. त्‍यामुळे तक्रारकर्त्‍यास गैरअर्जदारांनी तक्रार दाखल दि.01.04.2010 पासून आजपावेतोची देयके 26.50 दरमहा य‍ुनिटप्रमाणे वापर याप्रमाणे तयार करुन द्यावी. दरम्‍यान तक्रारकर्त्‍यांनी काही रक्‍कम जमा केली असल्‍यास ती या देयकात समाविष्‍ट करण्‍यात यावी. तक्रार दाखल होण्‍यापूर्वीची स्थिती गैरअर्जदार ज्‍याप्रमाणे महाराष्‍ट्र शासनाकडून योग्‍य तो आदेश प्राप्‍त करुन घेऊन आधीच्‍या काळाची देयके त्‍यांना द्यावी. 

                             तक्रारकर्त्‍यांना गैरअर्जदारांनी झालेल्‍या गैरसोयीबद्दल रु.1,000/- नुकसान भरपाई आणि तक्रार खर्चाबद्दल रु.1,000/- द्यावे. या रकमासुध्‍दा गैरअर्जदार तक्रारकर्त्‍याकडून घेणे असलेल्‍या देयकात समाविष्‍ट करु शकतात. गैरअर्जदाराने आदेशाचे पालन आदेशाची प्रत प्राप्‍त झाल्‍यापासून एक महिन्‍याचे आत करावे.