निशाणी १ वर आदेश

 (मंचाचे निर्णयान्‍वये, विजय चं. प्रेमचंदानी मा.अध्‍यक्ष)

(पारीत दिनांक :- १५/०७/२०१६)

अर्जदाराने सदरची तक्रार ग्राहक सरक्षंण कायद्याचे कलम 12 अन्‍वये दाखल केली आहे.

1.अर्जदाराने तक्रारीत असे कथन केलेले आहे की, अर्जदार ही गैरअर्जदार यांचेकडे शिक्षीका म्हणून कामावर होत्या. त्यांतर एप्रिल २०१४ या महिन्या मध्ये सहाय्यक शिक्षीका म्हणून सेवानिवृत्ती झाले. अर्जदाराला दोन्हीही गैरअर्जदारकडून मिळणारी उपदानाची रक्कम ३,८३,९५५/- रु. ही मागणी करुनही वेळेवर न दिल्याने व अर्जदाराला गैरअर्जदारांच्‍या कडे रक्‍कम मिळुन घेण्‍यास चकरा मारायला लावल्‍या. दिनांक २२/१२/२०१५ ला सदर रक्‍कम अर्जदाराला मिळाली त्‍याकरिता अर्जदाराला गैरअर्जदारांना पत्र लिहावे लागले व वकीला मार्फैत नोटीस ही पाठवली लागली. सबब अर्जदाराला शारीरिक व मानसिक त्रास भोगायला लागला. म्‍हणुन सदर तक्रार मंचा समक्ष दाखल केली. 

2. अर्जदारातर्फै प्राथमिक युक्‍तीवाद ऐकण्‍यात आले. अर्जदार ही गैरअर्जदारांची विघालय मध्‍ये शिक्षीका म्‍हणुन कार्यरत होती. व अर्जदाराला सेवा निवृत्‍त झाल्‍यानंतर उपदानाची रक्‍कम मिळण्‍यास उशीर झाला. सदर वाद हा मंचाच्‍या मताप्रमाणे ग्राहक वाद नाही. तसेच अर्जदार ही ग्राहक सरंक्षण कायदा १९८६ कलम २(१)(ड) नुसार ग्राहक या संज्ञे मधे मोडत नाही. सबब  खालील प्रमाणे अंतीम आदेश:

अंतीम आदेश

1)अर्जदाराची तक्रार अस्‍वीक्रुत करून खारीज करण्‍यात येत आहे.

2)अर्जदारानी तक्रारीचा खर्च स्‍वतः सहन करावे.

3)अर्जदाराला आदेशाची प्रत विना मुल्‍य देण्‍यात यावे. 

चंद्रपूर

दिनांक -   15/07/2016