अर्जदार गैरहजर, त्‍यांचे प्रतिनिधी वकिल श्रीमती शर्मिला हजर.

सदर सर्व दरखास्‍त अर्ज अर्जदाराने ग्राहक संरक्षण कायद्याचे कलम 25(3) प्रमाणे दाखल केले असून त्‍यांच्‍या (नोटीसा) सर्व सामनेवाले यांना डाक देय पोस्‍टाने नोटीसा बजावणेकामी पाठवण्‍याचा आदेश दिनांक 13/05/3019 रोजी झाला. नोटीसा बजावूण येण्‍याची परतीची तारीख 14/06/2019 नेमण्‍यात आली होती. त्‍यानंतर दिनांक 16/07/2019 रोजी परत नोटीस बजावणेकामी मंचाचा आदेश नसतांनाही प्रबंधकाच्‍या सहीने घेण्‍यात आल्‍याचे दिसते, त्‍याची परतीची तारीख आज रोजीची आहे. त्‍याबाबतीत कुठलाही अहवाल दाखल केलेला नाही. मूळ तक्रारीतील आदेश एकतर्फा झालेला आहे. जेव्‍हा तक्रार दाखल केली त्‍या शुभ दिनी सामनेवाले क्रमांक 1 मेसर्स तिरुपती बालाजी बिल्‍डर्स अॅण्‍ड डेव्‍हलपर्स प्रा. लि. या कंपनीच्‍या, कंपनी प्रबंधकाच्‍या दप्‍तरी जे संचालक होते त्‍या संचालकांना आवश्‍यक पक्षकार करणे आवश्‍यक होते. परंतु त्‍या बाबतीतही कर्तव्‍य पार पाडलेले नाही. सबब वरील परिस्थितीवर मात करणेकामी दिनांक 14/06/2019 रोजी अर्जदार व त्‍यांच्‍या वकिलांना सामनेवाले क्रमांक 1 कंपनीचे, तक्रार दाखल केली तेव्‍हा कोण संचालक होते याबाबतचा कंपनीच्‍या प्रबंधकाच्‍या सही शिक्‍याचा दिलेला उतारा दाखल करण्‍यास सांगितले होते, तसे न केल्‍यास सर्व दरखास्‍त अर्ज आज रोजी रद्द करण्‍यात येतील असेही सूचित करण्‍यात आले होते. वरीलप्रमाणे आदेशाची पूर्तता अर्जदार व त्‍यांचे वकील करणार असतील तरच सामनेवाले क्रमांक 3 ते 6 यांना दरखास्‍त अर्जाची नोटीस डाक देय पोस्‍टाने आजपावेतो बजावण्‍याचे आदेशित केले होते. यासर्व आदेशाची पायमल्‍ली केल्‍याने सर्व दरखास्‍त अर्ज रद्द करण्‍यात आले. कागदपत्र अभिलेख कक्षात पाठविण्‍यात यावेत.