अर्जदार गैरहजर, त्‍यांचे वकील हजर.

अर्जदाराच्‍या वकीलांनी सामनेवाले क्रमांक 1, 2 व इतरांनी सामाईक रित्‍या धारण केलेल्‍या जमिनीचे 7/12 चे उतारे व खाते उतारा दाखल केला. तसेच कंपनीच्‍या प्रबंधकानी दिलेले उतारे दाखल केले, त्‍यात सामनेवाले क्रमांक 1 व 2 चे नाव तक्रार ज्‍या वेळी दाखल केली त्‍यावेळी संचालक म्‍हणून नमूद केले होते. तसेच सामनेवाले क्रमांक 3 ते 6 ची नांवे दरखास्‍त अर्जातून वगळण्‍याकामी वेगळा अर्ज दिला. त्‍याशिवाय दरखास्‍त अर्ज दुस-या ग्राहक मंचात, ज्‍यांच्‍या हद्दीत सामनेवाले यांच्‍या मिळकती आहेत तेथे दाखल करण्‍याकामी परवानगी मागितली. वर नमूद केलेले सर्व कागदपत्र दाखल करुन घेण्‍यात आले. सामनेवाले क्रमांक 3 ते 6 ची नांवे वगळण्‍याचा आदेश पारीत. दरखास्‍त अर्ज योग्‍य त्‍या मंचात दिवाणी संहितचे कलम 39, आदेशिका क्र. 21, नियम 54, 64 व 66 प्रमाणे कारवाई करणेकामी परवानगी देण्‍यात आली. सबब दरखास्‍त अर्ज आज रोजी वरील कारणास्‍तव निकाली काढण्‍यात आला. दरखास्‍तीचे कागदपत्र अभिलेख कक्षात पाठविण्‍यात यावेत.