मागिल तारीख 01/06/2019 रोजी सर्व तक्रारींमध्‍ये सविस्‍तर आदेश पारीत करुन तक्रार मुदतबाहय असल्‍याबद्दल व  सर्व तक्रारी या मंचाच्‍या भौगोलिक कार्यक्षेत्राच्‍या बाहेर (Territorial Jurisdiction) असल्‍याने त्‍या योग्‍य त्‍या मंचात ज्‍यांना त्‍या चालविण्‍याचा अधिकार राहील तेथे दाखल करण्‍याबाबत व त्‍या दाखल करण्‍यापूर्वी ग्राहक संरक्षण कायद्याचे कलम 24(अ) चे पालन करण्‍याबाबत आदेश दिला होता.

आज रोजी तक्रारदाराच्‍या वकीलांनी सर्व तक्रारींमध्‍ये सामाईक अर्ज दाखल करुन सर्व तक्रारी योग्‍य त्‍या मंचात दाखल करण्‍यासाठी परत मागून या मंचात तक्रार दाखल केली तेव्‍हा पासून ते आज तारखेपावेतो जो कालावधी खर्ची झाला त्‍यासाठी मुदतीचा कायदा कलम 14 प्रमाणे मुदत मिळण्‍याची मागणी केली.

वरील अर्जाचा विचार करतांना या मंचाने दिनांक 01/06/2019 रोजी पारीत केलेल्‍या आदेशाप्रमाणे सर्व तक्रारी मुदतबाह्य असल्‍याने तक्रारदारांनी ग्राहक संरक्षण कायद्याचे कलम 24(अ) प्रमाणे विलंब माफीसाठी ज्‍या मंचाकडे तक्रार दाखल करणार, तेथे त्‍याबाबत अर्ज देणे अभिप्रेत आहे. या कारणास्‍तव पुन्‍हा ग्राहक संरक्षण कायद्याचे कलम 14 प्रमाणे मुदत देणे अशक्‍य आहे. सबब सदर बाबतीत तक्रारदारांना योग्‍य त्‍या मंचात ज्‍यांना त्‍या चालविण्‍याचा अधिकार राहील तेथे ग्राहक संरक्षण कायद्याचे कलम 24(अ) प्रमाणे विलंब माफीचा अर्ज देता येईल. त्‍या कारणास्‍तव सर्व तक्रारी तक्रारदारांनी योग्‍य त्‍या मंचात दाखल करण्‍याचा आदेश पारीत करण्‍यात आला. सबब तक्रार निकाली.

तक्रार समाप्‍त. तक्रारीचे कागदपत्र अभिलेख कक्षात पाठविण्‍यात यावेत.