तक्रारदार व त्‍यांच्‍या वकीलांचा पुकारा केला असता ते नेहमीप्रमाणे गैरहजर. सदर तक्रार ही दिनांक 23/01/2017 रोजी स्विकृत झाली असून नोटीस बजावून येण्‍याची पहिली तारीख 07/03/2017 होती. त्‍यानंतर तक्रारदाराने दिलेल्‍या पत्‍त्‍यावर सामनेवाले यांना डाक देय पोस्‍टाने नोटीस पाठविली असता ती ते पत्‍ता सोडून गेले या पेास्‍टमनच्‍या दिनांक 19/02/2018 च्‍या शे-यासह अहवाल मंचात परत आला. त्‍यानंतर सदर तक्रारदारांना 15 ते 20 तारखांना सामनेवाले यांचे पूर्ण व अचूक पत्‍ते देऊन नोटीस बजावणीकामी तक्रारदारांनी प्राप्‍त करावी असा आदेश केला होता, त्‍याचीही पायमल्‍ली तक्रारदारांनी त्‍यांना माहिती असलेल्‍या कारणास्‍तव केली. शेवटी तारीख 29/05/2019 व 13/06/2019 रोजी वरील सर्व कारणारणास्‍तव सामनेवाले यांना डाक देय पोस्‍टाने नोटीस पाठविली असता ते पत्‍ता सोडून गेले या पेास्‍टमनच्‍या  शे-यासह नोटीस मंचात परत आल्‍याने योग्‍य त्‍या वृत्‍तपत्रांमध्‍ये सामनेवालेंविरुध्‍द जाहिर नोटीस प्रसिध्‍द करुन नोटीसची बजावणी आजपावेतो करणेकामी आदेश पारीत करण्‍यात आले होते. सदर आदेशाचे पालन आज तारखेपावेतो न केल्‍यास सर्व नोटीसांची बजावणी 2018 पासून ते आजपावेतो पुरेशी संधी देऊनही न केल्‍याच्‍या कारणास्‍तव रद्द करण्‍यात येतील असाही आदेश पारीत करण्‍यात आला होता. परंतु तक्रारदार व त्‍यांच्‍या वकीलांनी वरील बाबतीत कोणतीही पूर्तता न केल्‍याने सदर तक्रार रद्द करण्‍यात आली.