तक्रारदार वकीलांसह गैरहजर. सदरची तक्रार दिनांक 23/०१/२०१७ रोजी स्‍वीकृत झाली असून नोटीस बजावून येण्‍याची तारीख ०७/०३/२०१७ नमूद केली होती. त्‍याप्रमाणे सामनेवाले यांना नोटीसा पाठविण्‍यात आल्‍या होत्‍या. परंतु त्‍याबाबत अहवाल आलेला नाही. तदनंतर दिनांक २९/०१/२०१८ रोजी तक्रारदाराच्‍या वकीलांच्‍या अर्जावरुन त्‍यांना हमदस्‍त नोटीसा सामनेवाले यांना पाठविण्‍याकामी दिल्‍या होत्‍या, व त्‍या बजावणीकामी परतीची तारीख १२/०३/२०१८ होती. असे असतांनाही तक्रारदार व त्‍यांच्‍या वकीलांनी वर नमूद केलेल्‍या नोटीसा सामनेवाले यांना पाठविल्‍या किंवा नाही, याबाबत मंचास अवगत केले नाही. सबब दोन वर्षापेक्षा जास्‍त कालावधी लोटूनही सामनेवाले यांना नोटीसांची बजावणी केली नाही. म्‍हणून त्‍यांना तक्रार चालविण्याकामी स्‍वारस्‍य नसल्‍याचे दिसते. सबब नोटीसची बजावणी दोन वर्षाच्‍या कालावधीत न केल्‍याने तक्रार रद्द करण्‍यात आली.