1. तक्रारकर्ता यांच्‍या कुटुंबाची संख्‍या 8 च्‍या वर आहे. तक्रारकर्ता यांनी दि. 08/08/2000 रोजी वि.प.क्र. 1 यांचेकडे दस्‍ताऐवज क्र. 1004102 व 1303908 प्रमाणे रु. 900/- अतिरिक्‍त गॅस सिलेंडर करिता भरले. तरीसुध्‍दा वि.प.क्र. 1 तक्रारकर्त्‍यास अतिरिक्‍त गॅस सिलेंडरची पूर्ती करण्‍यास गेल्‍या 7-8 वर्षापासून टाळाटाळ करित आहे. तसेच शिधापत्रिकेत अतिरिक्‍त गॅसची नोंद असल्‍यामुळे रॉकेलसुध्‍दा भेटत नाही त्‍यामुळे रसोई इंधनाकरिता भयंकर त्रास सहन करावा लागत आहे.

2. तक्रारकर्ता यांना फक्‍त एकदाच अतिरिक्‍त गॅस सिलेंडरची पुर्ती केली गेली. तक्रारकर्ता यांनी बरेचदा निवेदन व विनंती केली परंतू वि.प.क्र. 1 यांनी असेच सांगितले की, वि.प.क्र. 2 यांचेकडून नियमित पुरवठा आल्‍यावर गॅस दिला जाईल.

3. वि.प. यांनी सेवा पुरविण्‍याचे कामी दिरंगाई व निष्‍काळजीपणा दाखविल्‍यामुळे वि.प. यांचेकडून तक्रारकर्ता यांना शारिरिक व मानसिक त्रासापोटी रु 5,000/- तर ग्राहक तक्रारीचा खर्च म्‍हणून रु 1,000/- मिळावेत व वि.प. यांनी तक्रारकर्ता यांना नियमित रसोई गॅस आपूर्ती करण्‍याबाबत निर्देश देण्‍यात यावे.

4. वि.प. 1 यांनी त्‍यांचा लेखी जबाब नि.क्र. 04 वर दाखल केला आहे. वि.प. म्‍हणतात की, तक्रारकर्ता यांची तक्रार ही कालबाहय आहे. तक्रारकर्ता यांना अतिरिक्‍त गॅस सिलेंडरचा पुरवठा करण्‍यात आला होता. त्‍यामुळे सदर तक्रार ही नुकसान भरपाई खर्चासह खारीज करण्‍यात यावी.

5. वि.प. 2 यांनी त्‍यांचा लेखी जबाब नि.क्र. 10 वर दाखल केला आहे. वि.प. म्‍हणतात की, त्‍यांच्‍यामध्‍ये व वि.प.क्र.1 यांच्‍यामध्‍ये प्रिंसीपल टू प्रिं‍सीपल हे नाते असून वि.प.क्र. 1 हे वि.प.क्र. 2 यांचे एजंट म्‍हणून काम करित नाही. त्‍यामुळे त्‍यांच्‍या अयोग्‍य सेवेसाठी वि.प.क्र.2 यांना जबाबदार धरता येणार नाही. तसेच त्‍यांच्‍यामध्‍ये व वि.प.क्र. 1 यांच्‍यामध्‍ये कोणताही करार नाही. त्‍यामुळे सदर प्रकरणातून वि.प.क्र. 2 यांना मुक्‍त करण्‍यात यावे.

6. तक्रारकर्ता व वि.प. यांनी दाखल केलेली शपथपत्रे, दस्‍ताएवज, इतर पुरावा व केलेला युक्तिवाद यावरुन असे निदर्शनास येते की, ग्राहक तक्रारीत दि. 08/08/2000 ला अतिरिक्‍त सिलेंडर करिता पैसे दिले असे म्‍हटले आहे. जर का तक्रारकर्ता यांना अतिरिक्‍त गॅस सिलेंडर प्राप्‍त झाले नव्‍हते तर त्‍यांनी दाव्‍यास कारण उद्भवल्‍यापासून दोन वर्षाचा आत विद्यमान मंचात ग्राहक तक्रार दाखल करावयास पाहिजे होती. त्‍यांनी सदर ग्राहक तक्रार ही 19/11/08 रोजी दाखल केलेली आहे. त्‍यामुळे ग्राहक संरक्षण कायदा 1986 च्‍या कलम 24 अ प्रमाणे सदर तक्रार ही मुदत बाहय आहे असे म्‍हणता येते.

7. तक्रारकर्ता यांनी त्‍यांच्‍या ग्राहक तक्रारीत परिच्‍छेद क्रमांक 5 मध्‍ये 7-8 वर्षांपासून अतिरिक्‍त सिलेंडरची पूर्ती करण्‍यात टाळाटाळ तर परिच्‍छेद क्रमांक 6 मध्‍ये फक्‍त एकदाच अतिरिक्‍त गॅस सिलेंडरची पूर्ती केली गेली असे म्‍हटले आहे. तक्रारकर्ता यांच्‍या ग्राहक कार्डावर 'सेकंड सिलेंडर इशूड' अशी नोंद आहे व सिलेंडरची संख्‍या 2 अशी दाखविली आहे. तसेच घरेलू उपभोक्‍ता रिफिल प्राप्‍ती कार्ड वर सौ गायत्री तिवारी यांची अडीशनल भरलेले सिलेंडर रिलीज याबाबतीत सही आहे. त्‍यामुळे तक्रारकर्ता यांना वि.प.क्र. 1 यांनी अतिरिक्‍त गॅस सिलेंडर जारी केले होते असा निष्‍कर्ष काढता येतो.

8. तक्रारकर्ता यांना दि. 08/08/2000 पासून अतिरिक्‍त गॅस सिलेंडर प्राप्‍त झाले नाही. याबाबत तक्रारकर्ता यांनी वि.प.क्र. 1 अथवा 2 यांच्‍याशी कोणताही पत्रव्‍यवहार किंवा त्‍यांच्‍याबाबत तक्रार केल्‍याचे रेकॉर्डवरुन आढळून येत नाही.

9. तक्रारकर्ता यांनी एकदा अतिरिक्‍त सिलेंडर प्राप्‍त झाल्‍यानंतर पुढे रेग्‍यूलर सिलेंडर व अतिरिक्‍त सिलेंडर रिफिलसाठी प्रत्‍येक वेळी वेगळा नंबर लावाला लागतो व ते मिळण्‍यासाठी वेगळी कार्यपध्‍दती असते व त्‍याची वेगळी नोंद होत असते अशी बाब रेकॉर्डवर आणलेली नाही.

10. वि.प.क्र. 2 यांनी (1994) I सुप्रिम कोर्ट केसेस 397 हा केस लॉ रेकॉर्डवर दाखल केला आहे.

11. तक्रारकर्ता हे त्‍यांना अतिरिक्‍त गॅस सिलेंडर मिळाले नाही व वि.प.क्र. 1 व 2 यांच्‍या सेवेते न्‍युनता आहे हे सिध्‍द करण्‍यात असमर्थ ठरले आहेत.

असे तथ्‍य व परिस्थिती असताना सदर आदेश पारित करण्‍यात येत आहे.

 

तक्रारकर्ता यांची ग्राहक तक्रार ही खारीज करण्‍यात येत आहे.