दोन्‍ही पक्ष गैरहजर. गैरअर्जदार क्र. 2 व 3 ने तक्रार खारीज करण्‍याकरीता अर्ज केला. तक्रारकर्त्‍यातर्फे वकीलांनी त्‍यास उत्‍तर दिले. गैरअर्जदार क्र. 2 व 3 चे म्‍हणणे आहे की, तक्रारकर्ता व त्‍यांच्‍यामधील वाद मालमत्‍तेसंबंधीचा व्‍यवहार आहे, म्‍हणून दिवाणी न्‍यायालयांतर्गतचा वाद आहे. दस्‍तऐवजावरुन असे स्‍पष्‍ट होते की,  गेरअर्जदार क्र. 2 व 3 ने त्‍यांच्‍या मालकीचा फ्लॅट तक्रारकर्त्‍याला विकण्‍याचे कबुल केले, त्‍या संबंधीचा करारनामा, त्‍या आधारावरुन तक्रारकर्त्‍याने ही तक्रार दाखल केली. तक्रारकर्त्‍यांचे वकील मान्‍य करतात की, गैरअर्जदार क्र. 1 हे त्‍या फ्लॅटचे मालक नाही व गैरअर्जदार क्र. 2 व 3 हेच मालक आहेत.

ग्राहक संरक्षण कायद्याप्रमाणे, स्‍थावर मालमत्‍ता ही वस्‍तूच्‍या व्‍याखेत मोडत नाही. स्‍थावर मालमत्‍तेसंबंधी ते विकासक किंवा बांधकाम करुन देणारे व्‍यावसायिक ज्‍या सेवा देतात, त्‍या सेवा व त्‍यातील त्रुटी ह्या ग्राहक संरक्षण कायद्याच्‍या कक्षेत येतात. यातील गैरअर्जदार क्र. 2 व 3 ह्यांनी त्‍यांच्‍या मालकीचा फ्लॅट तक्रारकर्त्‍याला विकण्‍याबाबतचा केलेला सौदा, त्‍यामध्‍ये विकासक आणि ग्राहक असा व्‍यवहार नाही व या संबंधिचे अधिकारक्षेत्र ग्राहक मंचाला येत नाही. तक्रारकर्त्‍यांनी अशा प्रकरणात दिवाणी न्‍यायालयात जाणे संयुक्‍तीक आहे.  करीता मंच खालील आदेश करीत आहे.

-आदेश-

तक्रारकर्त्‍याची तक्रार खारीज करण्‍यात येते. तक्रारकर्ते योग्‍य त्‍या न्‍यायालयात जाण्‍यास मुक्‍त आहेत. उभय पक्षांनी आप-आपला खर्च सोसावा.