मा.अध्यक्ष रजेवर.

     तक्रारदारांतर्फे ॲङ सपना पांडे हजर.  त्यांचा तक्रार दाखल सुनावणीकामी युक्तीवाद ऐकण्यात आला.

     तक्रारीचे अवलोकन केले असता, तक्रारदारांनी सामनेवाले यांचेकडे नोंदणी केलेल्या दोन सदनिकांचा ताबा देण्याची मागणी केली आहे.  सदरील दोन सदनिका दोन स्वतंत्र करारान्वये (प्रस्तुत प्रकरणांत पावत्या) नोंदणी करण्यात आल्या असून, मा.राष्ट्रीय आयोगाने कुमार फेरोकॉस्ट (आय) प्रा.लि. वि. मे. अर्थ ग्रेसिया बिल्डकॉन प्रा.लि. व इतर या प्रकरणांत दि.28/03/2018 रोजी पारीत केलेल्या न्यायनिवाड्यानुसार दोन स्वतंत्र कराराद्वारे स्वतंत्र दोन सदनिकांबाबत एकच ग्राहक तक्रार दाखल करता येत नाही.

     सबब, प्रस्तुतची ग्राहक तक्रार क्र.311/2019 दाखल करुन न घेता दाखल टप्प्यावर तक्रारदारांना स्वतंत्र तक्रारी दाखल करण्याची मुभा देऊन दिवाणी प्रक्रिया संहिता, 1908 च्या ऑर्डर 7 रुल 10 नुसार परत करण्यात येते.

प्रकरण समाप्त.

प्रकरणांत हाच अंतिम आदेश समजण्यात यावा.

     तक्रारदारांना मुळ तक्रार व एक अतिरीक्त संच परत करण्यात यावा तसेच आदेशाची साक्षांकित प्रत पाठविण्यात यावी.